Zeremi 11:8 - WẼNNAAM SEBRE 2014

⁸ La bãmb ka sak n kelg ye. Bãmb ned kam fãa maana wa sẽn zems a sũ-keglmã. Mam yeela bãmb tɩ b sak m kaoolã goamã, la bãmb ka sak ye. Woto, mam maana bãmb wa sẽn zems goam nins fãa sẽn be kaoolã pʋgẽ wã.»

SEBR SÕNGO

⁸ La ad-b ka kɩll b tʋbre n kelg m goama ye. B pa kelg-a neer ye. Ned kam kʋɩɩsa a sũuri n kell n tũ a zʋg wẽnga. Woto bãmb sẽn zãgs tũubã mam me kong n pidsa m sẽn da kãabe.»

Zeremi 11:8 Iomraidhean Croise

A Neemi 9:26

La bãmb yik n kɩɩsa yãmba, n tud yãmb b kãare, n wẽnemd n bas yãmb tõodã, la b kʋ yãmb no-rɛɛsdb nins sẽn dag n keoogd bãmb tɩ b lebg n wa tũ yãmbã. La bãmb paooga yãmb yʋʋrã wʋsgo.

A Neemi 9:29

Yãmb keooga bãmb n yeel-b tɩ b sak yãmb tõodã. La bãmb tɩtaamã yĩnga, b ka kelg yãmb noyã ye. Bãmb kɩɩsa yãmb no-tũudsã. Yaool n yaa no-tũuds nins sẽn kõt neb nins sẽn sakd-bã vɩɩm. Bãmb yĩgsa b bãgdo, n nak b kãare, n ka sak n kelg yãmb ye.

Zeremi 13:10

Bãmb yaa nin-wẽns sẽn ka sakd n kelg mam goamã ye. B maanda wa sẽn zems b sũ-keglmã, la b zoet n pʋgda bu-zẽms wẽn-naands n wõgemded b taoor n waoogd-ba. Woto yĩnga, bɩ b lebg wa kur-wĩ-kãngã sẽn ka leb n tar yõodã.

Zeremi 3:17

Wakat-kãnga, b na n boola Zeruzalɛm tɩ ‹Sẽn-Ka-Saab naam geere.› Bu-zẽmsã fãa na n tigma be ne mam yʋʋre, la b na n basa b sũ-keglmã.

Zeremi 31:32

La ka na n yɩ wa kaool ning mam sẽn dag n maan ne b ba-rãmbã, daar ning mam sẽn gãd bãmb nus n tall-b n yiis Ezɩpt tẽngã ye. Bãmb sãama kaool-kãngã, baa ne mam sẽn yaa bãmb Zu-soabã. Maam Sẽn-Ka-Saab n yeele.

Zeremi 32:23

Bãmb kẽe tẽn-kãng n deeg-a n sooge, la b yaool n ka kelg yãmb koɛɛgã ye. Bãmb ka sak n tũ yãmb tõodã ye. B kɩɩsame n ka maan bũmb nins fãa yãmb sẽn dag n yeel-b tɩ b maanã ye. Yaa rẽ yĩng la y sẽn kɩt tɩ to-kãensã fãa paam-bã.

Zeremi 34:14

Yʋʋm a yopoe zugẽ, yãmb ned kam fãa na n basa Ebre ned sẽn yaa a saam-biig sẽn koos a meng ne-yã. A na n tʋm n kõo foom yʋʋm a yoobe, la rẽ zugẽ, bɩ f bas-a t'a looge.› La yãmb yaab-rãmbã ka kelg maam ye. Bãmb ka sak n maan bũmb nins mam sẽn yeelã ye.

Zeremi 35:15

Mam tʋma m tʋmtʋmdbã sẽn yaa m no-rɛɛsdbã fãa yãmb nengẽ, tɩ b wa yeel yãmba, tɩ m kotame tɩ yãmb ned kam fãa wẽnemd n bas a manesem-wẽngã, la a maan sẽn zemse. B yeela yãmb tɩ y bas bu-zẽmsã wẽnnaam-dãmb waoogre, tɩ yãmb tõe n pa tẽng ning mam sẽn kõ yãmb ne y yaab-rãmbã pʋgẽ. La yãmb ka sak n kelg maam ye.

Zeremi 35:17

Woto yĩnga, maam a Sẽn-Ka-Saab sẽn yaa Saasẽ-Pãng-Soab a Wẽnnaam, n yaa Israyɛll Wẽnnaamã yetame: «Mam na n kɩtame tɩ toog ning mam sẽn dag n yeel t'a na n paama Zʋʋda ne Zeruzalɛm nebã fãa wã paam-ba, mam sẽn gom ne bãmb tɩ b ka kelgã yĩnga, la m sẽn bool bãmb tɩ b ka sakã yĩnga.»

Zeremi 38:20

La a Zeremi leokame: «B ka na n bas yãmb bãmb nugẽ ye. M kot-y lame tɩ y kelg Sẽn-Ka-Saab sẽn yeel maam tɩ m togs-y koɛɛg ningã. Woto, bũmb kõn maan yãmba, la y na n vɩɩmdame.

Zeremi 44:16

«Tõnd ka rat n kelg goam nins fo sẽn togs tõnd ne Sẽn-Ka-Saab yʋʋrã ye.

Zeremi 44:17

Tõnd dat n maana bũmb nins tõnd sẽn dag n yeelã: d na n yõoga wisd n kõ saasẽ dĩm-poakã, la d kõ-a bõn-yũudl kũuni, wa tõnd mensã ne d yaab-rãmbã, la d rĩm-dãmbã ne d nanambsã sẽn dag n maan Zʋʋda soolem tẽmsã pʋs ne Zeruzalɛm soayã zutã. Wakat-kãnga, tõnd dag n dɩtame n tɩgda, d sũy rag n yaa noogo, la toog ka tol n paam tõnd ye.

Zeremi 44:5

La bãmb yẽda b tʋb n ka kelg ye. B ka wẽnemd n bas wẽng ning b sẽn dag n maandã ye, b rag n kell n yõogda wisd n kõt bu-zẽms wẽnnaam-dãmba.

Zeremi 7:13

Maam a Sẽn-Ka-Saab yetame: «Yãmb sẽn maan bõn-kãens fãa wã yĩnga, mam sẽn gom ne yãmb n leb n gom n ka tol n bas tɩ yãmb ka kelgã, mam sẽn bool yãmb tɩ y ka sakã yĩnga,

Zeremi 7:24

La bãmb ka sak n kelge, bãmb yẽda b tʋba. Bãmb maana wa sẽn zems b sũ-keglmã, n tõdg b na ges maam n tud b kudga.

Zeremi 7:26

La bãmb ka sak n kelg ye, bãmb yẽda b tʋba. Bãmb kenga b sũur n maan sẽn yaa wẽng n yɩɩd b yaab-rãmbã.

Ezekiyɛl 20:8

Bãmb tõdgame n ka sak n na n kelg maam ye. Bãmb ned ba a yembr ka bas yel-yood nins a sẽn dag n get tɩ noom-a wã ye. La bãmb ka bas Ezɩpt wẽn-naandsã ye. Mam dag n yeelame tɩ m na n basame tɩ m sũ-kãbrã sig bãmb zug Ezɩpt tẽnga, tɩ m na n kɩtame tɩ m sũ-puugrã rɩ bãmb n tãag a tɛka.

Zakari 1:4

Saasẽ-Pãng-Soabã leb n yeelame: «Da yɩ-y wa y yaab-rãmbã ye. Wakat sẽn looge, no-rɛɛsdbã rag n moondame n yet bãmb tɩ Saasẽ-Pãng-Soabã yetame yaa: ‹M kot-y lame tɩ y bas y manesem-wẽnsã ne y tʋʋm-wẽnsã n lebg n wa mam nengẽ!› La bãmb ka kelg ye. Bãmb maana b toog kae ne maam ye. Maam a Sẽn-Ka-Saab n yeele.

Zakari 7:11

La bãmb zãgsame tɩ b ka na n kelg ye. Bãmb kɩɩsame n yẽd b tʋba, sẽn na n yɩl n da wʋm ye.