Zeremi 11:5 - WẼNNAAM SEBRE 2014

⁵ La m na n pidsa m wẽeneg ning mam sẽn dag n wẽen ne y yaab-rãmbã n yeel tɩ m na n kõo bãmb tẽng sẽn tar bĩisim ne sɩɩd wʋsgã. Rẽ la yãmb sẽn tar dũndã wã. La mam yeelame: «Sẽn-Ka-Saabo, bɩ y kɩt t'a yɩ woto.»

SEBR SÕNGO

⁵ M na pids kãabg ninga mam sẽn kãab y ba rãmba n yet tɩ m na n kõo bãmb tẽnga, bĩisim la sɩɩd sẽn zoetẽ, tẽn-kãng la y sẽn be a soab pʋgẽ dũnna wã.» Tɩ maam a Zeremi leoke: «Soaala, yaa boto la d na n maane!»

Zeremi 11:5 Iomraidhean Croise

2 Kibayã 6:17

Woto yĩngã, Israyɛll Wẽnnaam, bɩ y pids kãabg ning yãmb sẽn dag n kãab a Davɩɩd sẽn yaa yãmb tʋmtʋmdã.

Yɩɩn‑sõamyã 105:8

Bãmb tẽra b kaoolã yell wakat fãa, la b tẽr b gomdã b sẽn yeel zamaan tusr yĩngã yelle.

Yikri 13:5

Sẽn-Ka-Saab sã n wa kɩt tɩ yãmb kẽ tẽng ning Kana nebã, ne Hɛt nebã, la Amoor nebã, ne Hevi nebã, la Zebuus nebã sẽn beẽ wã pʋga, tẽng ning Sẽn-Ka-Saab sẽn dag n kãab n yeel tɩ b na n kõo y yaab-rãmbã, sẽn yaa tẽng sẽn pid ne bĩisim la sɩɩdã, bɩ y maan minin-kãng ki-kãng pʋgẽ.

Zeremi 19:12

Mam na n maana zĩ-kãngã ne a nebã a woto. Mam na n kɩtame tɩ tẽn-kãngã lebg wa Tofɛte. Maam a Sẽn-Ka-Saab n yeele.

Zeremi 28:6

No-rɛɛs a Zeremi yeelame: Ãmina! Bɩ Sẽn-Ka-Saab kɩt t'a yɩ woto! Bɩ Sẽn-Ka-Saab kɩt tɩ pĩnd-n-bãngr goam nins fo sẽn togsã yɩ sɩda, la b kɩt tɩ b tall Sẽn-Ka-Saab roogã teedo, ne neb nins fãa b sẽn yõg n tall n kẽng yembd Babilondã n lebg n wa zĩ-kãngã!

Zeremi 32:22

Yãmb kõ-b-la tẽng ning y sẽn dag n wẽen tɩ y na n kõ b yaab-rãmbã. Yaa tẽng sẽn pid ne bĩisim la sɩɩdo.

Maan‑kʋʋre 20:24

Mam yeela yãmb tɩ yaa yãmb n na n deeg tẽngã n sooge. Mam mengã n na n kõ yãmb tẽngã tɩ y sooge. Beenẽ yaa tẽng sẽn tar bĩisim ne sɩɩdo. Bala, mam yaa Sẽn-Ka-Saab sẽn yaa yãmb Wẽnnaam sẽn welg yãmb toor buud a taabã sʋka.

A Matiye Sõng 6:13

Da bas-y tõnd tɩ d kẽ makr pʋgẽ ye. Fãag-y tõnd wẽng soabã nugẽ, [tɩ yãmb n so soolem la pãnga la waoogre, wakat sẽn kõn sa. Ãmina!]

1 Korẽnt rãmba 14:16

Fo sã n pʋʋsd Wẽnnaam bark ne f sɩɩgã, ned ning sẽn zĩ ne nebã n kelgdẽ wã na n maana a wãn n leok tɩ ãmina fo bark pʋʋsgã yĩnga, a sẽn ka wʋmd bũmb ning fo sẽn yetã?

Yaoolem 6:3

Woto yĩnga, Israyɛll nebã, kelg-y la y gũusi, la y sak bãmba, n tõog n paam sũ-noog n lebg wʋsg tẽng ning sẽn pid ne bĩisim la sɩɩd wʋsgã pʋgẽ, wa Sẽn-Ka-Saab sẽn yaa yãmb yaab-rãmbã Wẽnnaamã sẽn dag n yeel yãmbã.