Zeremi 11:4 - WẼNNAAM SEBRE 2014

⁴ Yaa kaool ning mam sẽn maan ne y yaab-rãmbã daar ning mam sẽn yiis bãmb Ezɩpt tẽngã sẽn dag n yaa toog wa kut boaagã. Mam yeela bãmb tɩ b kelg maam, la b maan bũmb nins fãa mam sẽn yeel-bã. Woto, bãmb na n yɩɩ mam nebã, la mam na n yɩɩ bãmb Wẽnnaam.

SEBR SÕNGO

⁴ yaa pʋleng ning y yaab rãmba sẽn pʋlme, m sẽn wa n yiis-b Ezipt, b namsga tẽngã. Wakat kãnga la m yeel-b tɩ b kelg la b tũ wa m sẽn wilgã tɩ yaa noor la m kõt-ba, la woto b na yɩ mam neba, la mam na lebg bãmb Wẽnnaam.

Zeremi 11:4 Iomraidhean Croise

Sɩngrẽ 17:8

Mam na n kõo foom ne f yagensã sẽn na n pʋgl foom f loogr zugẽ wã Kana soolmã. Yaa soolem ning fo sẽn yaa sãan a pʋgẽ wã, la mam na n kõ-f tɩ f soog wakat sẽn kõn sɛ yĩnga, la mam na n kell n yɩɩ bãmb Wẽnnaam.»

1 Rĩm-dãmbã 8:51

Bala, Israyɛll nebã yaa yãmb nebã, n yaa yãmb pʋɩɩre. Bãmb dag n bee kut wʋng pʋg Ezɩpt tẽnga, tɩ yãmb fãag-ba.

2 Rĩm-dãmba 18:6

A Ezekɩyaas sũurã rag n loee ne Sẽn-Ka-Saabo, la yẽnda ka tol n wẽnemd n bas-b ye. La yẽnda rag n sakda tõod nins Sẽn-Ka-Saab sẽn dag n kõ a Moyiisã.

Yikri 20:6

Mam maanda neb nins sẽn nong-b maam n sakd mam tõodã yagensã neere, hal n tãag zamaan tusri.

A Ezayi 30:6

Sɩbgr koɛɛg Negɛɛv we-rũmsã yĩnga. Bãmb dɩka b arzegs n zɩlg b bõense, la b rɩk b paoong n zɩlg b yʋgma, n na n pɩʋʋg tẽng ning sẽn tar sũ-sãang la yel-pakrã, zĩig ning gɩgem-yãang ne gɩgem-daoog sẽn yitẽ wã, la ruruug ne wag-toaag sẽn yɩgd n yitẽ wã, n na n tɩ kõ neb sẽn ka na n tol n yɩ sõngr bãmb yĩngã!

A Ezayi 48:10

Ade, mam yɩlga foom, la m ka yɩlg-f wa b sẽn yɩlgd wanzuri ye. Mam ninga foom toog boaag pʋgẽ.

Zeremi 11:7

Bala, mam sẽn dag n yiis y yaab-rãmbã Ezɩptã, mam keooga bãmb n ka bas ye, n yeel-b tɩ b sak m goamã. La mam kell n sagla nebã hal tɩ ta rũndã.

Zeremi 24:7

Mam na n kõo bãmb yam tɩ b bãng tɩ mam yaa Sẽn-Ka-Saabo. Bãmb sã n lebg n wa mam nengẽ ne b sũur fãa, b na n yɩɩ mam neba, la mam na n yɩɩ bãmb Wẽnnaam.› »

Zeremi 26:13

Moasã, bɩ y tek y yel-manesmã ne y tʋʋmã. Kelg-y Sẽn-Ka-Saab sẽn yaa yãmb Wẽnnaamã koɛɛgã, tɩ b bas toog ning b sẽn dag n saagd n na n kɩt tɩ wa yãmb zugã vaale.

Zeremi 30:22

Yãmb na n leb n yɩɩ mam neba, la mam na n yɩɩ yãmb Wẽnnaam.

Zeremi 32:28

Woto yĩnga, mam na n ninga tẽngã Kalde rãmbã ne Babilond dĩm a Nebukatnedzaar nugẽ, t'a soog-a. Maam a Sẽn-Ka-Saab n yeele.

Zeremi 38:20

La a Zeremi leokame: «B ka na n bas yãmb bãmb nugẽ ye. M kot-y lame tɩ y kelg Sẽn-Ka-Saab sẽn yeel maam tɩ m togs-y koɛɛg ningã. Woto, bũmb kõn maan yãmba, la y na n vɩɩmdame.

Ezekiyɛl 11:20

tɩ b tõe n sak m tõodã ne m minindã, la b tũ-ba. Woto, bãmb na n yɩɩ mam neba, la mam na n yɩɩ bãmb Wẽnnaam.

Ezekiyɛl 14:11

sẽn na n yɩlẽ tɩ Israyɛll buudã ra leb n kẽ moog n zãag ne maam, la b ra leb n maan yel-wẽn nins fãa b sẽn maanã, n dẽgem b mens ye. Dẽ, bãmb na n yɩɩ mam neba, la mam na n yɩɩ bãmb Wẽnnaam. Maam a Zu-soab a Sẽn-Ka-Saab n yeele.»

Ezekiyɛl 36:28

Yãmb na n zĩnda tẽng ning mam sẽn dag n kõ yãmb yaab-rãmbã pʋgẽ. Yãmb na n yɩɩ mam neba, la mam na n yɩ yãmb Wẽnnaam.

Ezekiyɛl 37:23

Bãmb kõn leb n dẽgem b mens ne b wẽn-naandsã, la b yel-yoodã, la ne b beegrã buud fãa ye. Mam na n fãaga bãmb ne zĩis nins fãa bãmb sẽn zĩnd n maan yel-wẽnã, la m yɩlg-ba. Bãmb na n yɩɩ mam neba, la maam, mam na n yɩɩ bãmb Wẽnnaam.

Ezekiyɛl 37:27

Mam na n zĩnda b sʋka. Mam na n yɩɩ bãmb Wẽnnaam, la bãmb na n yɩɩ mam nebã.

A Dãniyɛlle 3:26

Dẽ, rĩm a Nebukatnedzaar kolga wʋngã noor n bool yaa: «Sadrake, Mesake, Abednego, Wẽnnaam sẽn ka to tʋmtʋmdba, yi-y n wa-y ka!» La a Sadrak ne a Mesak la a Abednego yii bugmã pʋga.

Maan‑kʋʋre 26:12

Mam na n kẽna yãmb sʋka, n kell n yɩ yãmb Wẽnnaam, tɩ yãmb yɩ mam nebã.

Maan‑kʋʋre 26:3

Yãmb sã n sak mam noyã, la y sak mam tõodã n maan wa b sẽn yeelã,

Zakari 13:9

La m na n dɩka sẽn kell-a wã n ning bugmẽ, mam na n yẽnega yẽnda wa b sẽn yẽnegd wanzuri, mam na n zuga yẽnda wa b sẽn zugd sãnem. Yẽnda na n boola mam yʋʋrã, la mam na n leok-a lame. Mam na n yeelame yaa: «Bãmb n yaa mam nebã.» La bãmb na n yeelame: «Sẽn-Ka-Saab n yaa tõnd Wẽnnaam.»

Zakari 6:15

Neb nins sẽn be zĩ-zãrsẽ wã na n waame, n wa me Sẽn-Ka-Saab roogã, woto, yãmb na n bãngame tɩ yaa Saasẽ-Pãng-Soabã n tʋm maam yãmb nengẽ. Yãmb sã n sak Sẽn-Ka-Saab sẽn yaa yãmb Wẽnnaamã koɛɛg neere, bõn-kãng na n paama pidsgu.

Zakari 8:8

Mam na n lebg n tall-b lame n wa, la bãmb na n zĩnda Zeruzalɛm pʋgẽ. Bãmb na n yɩɩ mam neba, la mam na n yɩɩ bãmb Wẽnnaam, n yaa sɩd soaba, la tɩrlem soaba.»

A Matiye Sõng 28:20

la y zãms bãmb tɩ b sak bũmb nins fãa mam sẽn yeel yãmb tɩ y maanã. La gese, mam bee ne yãmb wakat fãa, hal tɩ ta wakat sɛɛbo.»

2 Korẽnt rãmba 6:16

Bõe lagem-n-taar n be Wẽnnaam doogã ne wẽn-naands sʋka? Bala, tõnd yaa Wẽnnaam sẽn vɩ roogo, wa Wẽnnaam sẽn yeel tɩ: Mam na n zĩnda ne bãmba, la m kẽn bãmb sʋka. Mam na n yɩɩ bãmb Wẽnnaam, la bãmb na n yɩɩ mam nebã.

Yaoolem 11:27

Yãmb sã n sak Sẽn-Ka-Saab sẽn yaa yãmb Wẽnnaamã tõod nins mam sẽn kõt yãmb dũndã wã, a na n yɩɩ bark yãmb yĩnga.

Yaoolem 4:20

La yãmba, Sẽn-Ka-Saab yiisa yãmb Ezɩpt tẽngã sẽn wẽnd wʋng sẽn yẽnegd kutã pʋga, tɩ y lebg bãmb meng neb wa y sẽn yaa bũmb ning rũndã wã.

Yaoolem 5:6

«Mam yaa Sẽn-Ka-Saabo, n yaa fo Wẽnnaam, la yaa maam n yiis foom Ezɩpt soolem yembdã pʋga.

Ebre rãmba 5:9

La b sẽn wa n kɩt tɩ bãmb zems zãnga, bãmb waa ne fãagr sẽn kõn sa, neb nins fãa sẽn sakd bãmbã yĩnga.

1 Sãmwɛlle 15:22

A Sãmwɛll yeelame: «Dẽ yĩnga, maand sẽn yõogd bugum ne maand a taab nooma Sẽn-Ka-Saab sũur n yɩɩd bãmb goamã sakr sɩda? Gese! Sakr yɩɩda maando, la kelgr yɩɩda pe-raad kaam.