Zeremi 11:12 - WẼNNAAM SEBRE 2014

¹² La Zʋʋda ne Zeruzalɛm nebã na n tɩ kelem n boola wẽnnaam-dãmb nins bãmb sẽn dag n yõogd wisd n kõtẽ wã n kos sõngre, la wẽnnaam-kãens ka na n sõng bãmb b toogã wakat ye.

SEBR SÕNGO

¹² Zɩɩda tẽnse, la Zerizalɛɛm dãmba na n kẽngame n tɩ bõs sõngre. B sẽn waoog wẽnd niyns ne b kũna la b na n kos sõngre. Wẽnd kãens yaool n pa na n fãag-ba b yel-beeda raar ye.

Zeremi 11:12 Iomraidhean Croise

2 Kibayã 28:22

La yẽnda sẽn wa n be toogã pʋgã, a kell n maana sẽn ka zems n beeg ne Sẽn-Ka-Saab n paase.

A Ezayi 45:20

Bɩ yãmb dãmb fãa sẽn põs n yi bu-zẽmsã sʋkã tigim taab n wa! Naag-y taab n kolge! Neb nins sẽn zãad bõn-naands sẽn yaa raad sẽn peesã ka tar bãngr ye. Bãmb pʋʋsda wẽnnaam sẽn ka tõe n fãag-b ye.

A Ezayi 46:7

Bãmb tʋkd-a lame n palg b bãgdẽ, n tall-a n tɩ ning a zĩigẽ. Wẽn-naandgã yasame n ka yẽrgd a sẽn beẽ wã ye! Ba b sã n kelem n bool-a, a ka tõe n leoke, la a ka tõe n fãag ned a yel-pakr pʋg ye.

Zeremi 18:15

Mam nebã yaool n yĩma mam yelle. Bãmb yõogda wisd n kõt belgr wẽnnaam-dãmba. B belga bãmb tɩ b bʋdg n bas b kʋdem-wẽndẽ soayã, n kɩt tɩ b tũ so-bugsi, la soay sẽn ka kõoge.

Zeremi 2:28

Zʋʋda nebã, y wẽnnaam-dãmb nins y sẽn dag n maan n kõ y mensã bee yɛɛnẽ? Bãmb sã n tõe n fãag yãmb toog wakate, bɩ b yik n fãag-yã! Bala, yãmb wẽnnaam-dãmbã sõor zema y tẽmsã sõore!

Zeremi 44:8

Yãmb nusã tʋʋm yikda mam sũuri, y sẽn yõogd wisd n waoogd Ezɩpt wẽnnaam-dãmbã yĩnga. Yãmb yaool n yaa sãamb tẽn-kãng pʋgẽ. Yãmb maana y mens tɩ b na n kʋ-yã, la y lebga kãab-beed ne paoogr bũmb dũniyã soolem-dãmbã fãa sʋka.

Yaoolem 32:37

Dẽ, bãmb na n sokame yaa: Bãmb wẽnnaam-dãmbã bee yɛ? Bãmb sẽn da teeg a soabã bee yɛ?

Yaoolem 32:38

Wẽnnaam-dãmb nins sẽn dag n dɩt yãmb maand nemd kaamã la b yũud y reezẽ rãamã bee yɛɛnẽ? B yik moasã n sõng-yã. B yik n kogl-yã!

Bʋ-kaoodba 10:14

Lebg-y n tɩ kos-y wẽnnaam-dãmb nins yãmb sẽn yãk yam n tũudẽ wã tɩ b sõng-yã. Kelem-y n bool-y bãmb tɩ b wa fãag yãmb y yel-pakrã pʋga!»