Zeremi 11:10 - WẼNNAAM SEBRE 2014

¹⁰ Bãmb leb n maana yel-wẽn nins b yaab-rãmbã sẽn dag n kɩɩs mam noor n maanã. Bãmb baoo buud a taab wẽnnaam-dãmbã n waoog-ba. Israyɛll ne Zʋʋda nebã sãama kaool ning mam sẽn dag n maan ne b yaab-rãmbã.

SEBR SÕNGO

¹⁰ B leb n sɩnga tʋʋm wẽns niynsi b ba rãmba sẽn da tõdg mam noor n tʋma. B yõga zood ne wẽn-sãamse n waoog-ba. A Israyɛl ne a Zɩɩda sãama zood ning m sẽn da yõg ne b yaab rãmbã, zood ninga sẽn da waa n yõgd tɩ saaga kũmdẽ la a yãgdã.»

Zeremi 11:10 Iomraidhean Croise

Yɩɩn‑sõamyã 78:57

Bãmb zãaga ne Wẽnnaam n lebg zãmb dãmb wa b yaab-rãmbã, bãmb bʋdga wa tãp sẽn fisgi.

A Ezayi 24:5

Tẽngã nebã n wẽneg n sãam tẽngã. Bala, bãmb kɩɩsda tõodã, b tõdga Sẽn-Ka-Saab noyã, la b sãama kaool ning sẽn be wakat fãa wã.

Zeremi 13:10

Bãmb yaa nin-wẽns sẽn ka sakd n kelg mam goamã ye. B maanda wa sẽn zems b sũ-keglmã, la b zoet n pʋgda bu-zẽms wẽn-naands n wõgemded b taoor n waoogd-ba. Woto yĩnga, bɩ b lebg wa kur-wĩ-kãngã sẽn ka leb n tar yõodã.

Zeremi 17:23

Yãmb yaab-rãmbã ka kelge, b ka kɩll b tʋbr n kelg ye. Bãmb loba b nens kɛɛng n ka rat n wʋm la b sak remsg ye.

Zeremi 22:9

La b na n leok-b lame n yeele: Yaa tẽn-kãngã nebã sẽn bas Sẽn-Ka-Saab sẽn yaa bãmb Wẽnnaam kaoolã, n wõgemd n waoog buud a taab wẽnnaam-dãmba, la b sak-bã yĩng n kɩt tɩ yaa a woto.

Zeremi 31:32

La ka na n yɩ wa kaool ning mam sẽn dag n maan ne b ba-rãmbã, daar ning mam sẽn gãd bãmb nus n tall-b n yiis Ezɩpt tẽngã ye. Bãmb sãama kaool-kãngã, baa ne mam sẽn yaa bãmb Zu-soabã. Maam Sẽn-Ka-Saab n yeele.

Zeremi 44:16

«Tõnd ka rat n kelg goam nins fo sẽn togs tõnd ne Sẽn-Ka-Saab yʋʋrã ye.

Zeremi 44:5

La bãmb yẽda b tʋb n ka kelg ye. B ka wẽnemd n bas wẽng ning b sẽn dag n maandã ye, b rag n kell n yõogda wisd n kõt bu-zẽms wẽnnaam-dãmba.

Zeremi 7:28

Dẽ, bɩ f yeel-ba: «Bu-kãngã ka sak n kelg maam a Sẽn-Ka-Saab sẽn yaa bãmb Wẽnnaamã, la b reeg m demsgã ye. Sɩdã ka leb n be ye, bãmb noy ka leb n togsd sɩd ye.»

Zeremi 9:6

Woto yĩnga, Saasẽ-Pãng-Soabã yeelame: «Mam na n ninga bãmb boaag pʋg n mak-ba. M nebã maana wẽnga. Yaa bõe la m na n maan-b moasã?

Ezekiyɛl 16:59

Bala, maam a Zu-soab a Sẽn-Ka-Saab yetame: «Mam na n maana foom wa fo sẽn maanã. Fo sãama kaoolã n sãbs f wẽenegã.

Ezekiyɛl 44:7

Yãmb basame tɩ sãamb sẽn ka sakd maam, la sẽn ka kẽ bãong kẽed mam zĩig ning sẽn welg toorã pʋgẽ, n dẽgemd mam doogã. Wakat ning y sẽn wat ne mam burã ne nem-kaamã, la ne zɩɩmã, yãmb sãama m kaoolã, n maand y yel-beedã fãa.

Ezekiyɛl 5:6

La yẽnda kɩɩsa mam noyã ne m no-tũudsã. Yẽnda tʋʋm-wẽnsã yɩɩga tẽms a taabã sẽn gũbg yẽnda wã, bala, bãmb basa mam noyã ne m no-tũudsã.

A Ooze 6:4

Efrayiim nebã, mam na n maana yãmb bõe? Zʋʋda nebã, bõe la mam na n maan yãmba? Yãmb nonglmã wẽnda wa yibeoog sawaodgo, la wa yibeoog pĩnd meenem sẽn mesgd to-to wã.

A Ooze 6:7

Yãmb kɩɩsa kaoolã wa Ãdem tẽngã. Yaa beenẽ la yãmb zãmb maam.

A Ooze 7:16

Bãmb ka leb n baood mam zĩig ye. Bãmb yaa wa tãp sẽn golme. Bãmb nanambsã na n paa tãpẽ, b tɩtaam-goamã yĩnga, la b na n yaala bãmb Ezɩpt tẽngã.

Maan‑kʋʋre 26:15

la y sã n kɩɩs mam noyã, la y kisg mam koeesã, la y sã n ka n sak mam tõodã fãa, la y sã n sãamd mam kaoolã,

Sofoni 1:6

Mam na n menesa neb nins sẽn basd maam a Sẽn-Ka-Saabã, ne neb nins sẽn ka baood maamã la sẽn ka baood-b mam saglgã.

Zakari 1:4

Saasẽ-Pãng-Soabã leb n yeelame: «Da yɩ-y wa y yaab-rãmbã ye. Wakat sẽn looge, no-rɛɛsdbã rag n moondame n yet bãmb tɩ Saasẽ-Pãng-Soabã yetame yaa: ‹M kot-y lame tɩ y bas y manesem-wẽnsã ne y tʋʋm-wẽnsã n lebg n wa mam nengẽ!› La bãmb ka kelg ye. Bãmb maana b toog kae ne maam ye. Maam a Sẽn-Ka-Saab n yeele.

Zakari 7:11

La bãmb zãgsame tɩ b ka na n kelg ye. Bãmb kɩɩsame n yẽd b tʋba, sẽn na n yɩl n da wʋm ye.

Zakari 7:13

Saasẽ-Pãng-Soabã yeelame: «Mam sẽn bool bãmbã, b ka kelg ye. Dẽ wã, bãmb sã n wa bool maam, mam me ka na n kelg ye.

Yaoolem 31:16

Sẽn-Ka-Saab yeela a Moyiis yaa: «Gese, fo na n kiime n bʋʋg f saam-dãmba. La nebã na n yikame n tũ buud a taab wẽnnaam-dãmba, tẽng ning bãmb sẽn na n zĩndã pʋgẽ. Bãmb na n basa maam n sãam mam kaool ning mam sẽn maan ne bãmbã.

Yaoolem 9:7

Tẽeg-y-yã, ra-y yĩm-y yãmb sẽn dag n maan bũmb ning n yik Sẽn-Ka-Saab sũur we-raoogã pʋgẽ wã yell ye. Sẽn sɩng ne daar ning yãmb sẽn yi Ezɩpt hal n wa ta zĩ-kãngã wã, yãmb kɩɩsa Sẽn-Ka-Saabo.

Ebre rãmba 8:9

Ka na n yɩ wa kaool ning mam sẽn dag n maan ne b ba-rãmbã, daar ning bãmb sẽn gãd b nus n tall-b n yiis Ezɩptã ye. Zu-soabã yeelame yaa: Bãmb mensã sẽn ka modg ne mam kaoolã, mam me ka ges b yell ye.

Bʋ-kaoodba 2:11

Israyɛll nebã maana sẽn yaa wẽng Sẽn-Ka-Saab nifẽ. Bãmb pʋʋsa Baall wẽn-naandse.

Bʋ-kaoodba 2:17

La Israyɛll nebã kell n ka sak b bʋ-kaoodbã me ye. Bala, Israyɛll nebã basa Sẽn-Ka-Saabo, n koos b mens ne wẽnnaam-dãmb a taab n wõgemd b taoore. Bãmb wẽnemda tao-tao n bas b yaab-rãmbã sẽn dag n tũud sor ning n sakd Sẽn-Ka-Saab tõodã. Bãmb ka sak Sẽn-Ka-Saab tõodã wa b yaab-rãmbã sẽn dag n maanã ye.

Bʋ-kaoodba 2:19

La bʋ-kaoodã sã n wa n ki, bãmb lebd n wẽnemdame n maan wẽngã n yɩɩg b ba-rãmbã sẽn dag n maanã, n tũud wẽnnaam-dãmb a taaba, la b pʋʋsd-ba, n wõgemded bãmb taoore. La b ka basd b tʋʋm-beedã ne b sũ-keglmã ye.

1 Sãmwɛlle 15:11

«Mam maanda m bãngẽ m sẽn yãk a Sayull t'a lebg mam nebã rĩmã yĩnga. Bala, yẽnda basa maam n ka sak mam noorã ye.» A Sãmwɛll sũurã sãama ne Sẽn-Ka-Saab sẽn yeelã. Yẽnda kelem n boola Sẽn-Ka-Saab yʋngã tõre.