Zeremi 10:7 - WẼNNAAM SEBRE 2014

⁷ Buudã fãa rĩmã, ãnda soab n ka na n zoe yãmba? Yãmb seka zoeese. Bala, buud toay-toayã fãa yam dãmbã sʋka, ne b soolem-dãmbã fãa pʋse, yãmb ka tar to ye.

SEBR SÕNGO

⁷ Dĩm dãmba fãa ne b soolma da tog n sulga b mens yãmb taoore, dẽ togame la segdame. Yam vẽenem dãmba fãa sʋka, y ka tar y to moog ye.

Zeremi 10:7 Iomraidhean Croise

2 Rĩm-dãmba 17:39

Yãmb tog n waooga Sẽn-Ka-Saab sẽn yaa yãmb Wẽnnaamã b yembr bala, yaa bãmb n na n fãag yãmb y bɛɛbã fãa nugẽ.»

1 Kibayã 16:25

Bala, Sẽn-Ka-Saab yaa kãsenga, la b zemsa ne pẽgr buud fãa, bãmb seka zoees n yɩɩd wẽnnaam-dãmbã fãa.

A Ɛstɛɛre 1:13

Rĩmã goma ne yam dãmbã sẽn mi wakatã yɛlã, bala, rĩmã yɛl fãa pʋgẽ, a rag n sokda neb nins sẽn mi tõogã ne bʋʋdã fãa yɛlã võore.

Yɩɩn‑sõamyã 147:5

Tõnd Zu-soabã yaa kãsenga, n tar pãn-kãsenga, bãmb bãngrã ka tar tɛk ye.

Yɩɩn‑sõamyã 22:28

Dũniyã gill fãa nebã na n tẽega Sẽn-Ka-Saab yelle, la b na n wẽnemd n baoo bãmba. Buud nins fãa sẽn be dũniyã zugã na n wõgemd n waooga bãmba.

Yɩɩn‑sõamyã 47:3

Bala, Sẽn-Ka-Saab Sẽn-Ka-To seka zoeese. Bãmb yaa dũniyã gill fãa rĩm-kãsenga.

Yɩɩn‑sõamyã 72:11

Rĩm-dãmbã fãa na n wõgemda bãmb taoore, la bu-zẽmsã fãa na n saka bãmba.

Yɩɩn‑sõamyã 76:7

A Zakoob Wẽnnaamã sẽn tãsã, wed-rʋʋdbã ne wiidã fãa kii kɩɩmde.

Yɩɩn‑sõamyã 86:8

Zu-soaba, wẽnnaam-dãmbã sʋka, yãmb ka tar mak-n-taag ye. La yãmb tʋʋmã ka tar to ye.

Yɩɩn‑sõamyã 86:9

Zu-soaba, buud toay-toayã fãa yãmb sẽn naanã na n wa wõgemda yãmb taoor n waoog yãmb yʋʋrã.

Yɩɩn‑sõamyã 89:6

Sẽn-Ka-Saabo, saasẽ pʋʋsda yãmb bark y bõn-neebã yĩnga! La pʋ-peelem dãmbã tiging pʋga, b pʋʋsda yãmb barka.

Yikri 8:10

La nebã wʋka lomsã n zame, t'a yũugã kell n piuug ne tẽngã.

Yikri 9:14

Tɩ bala, so-kãngã, mam na n tʋma m toodã fo mengã zugu, la fo tʋmtʋmdbã ne nebã zugu, tɩ fo bãng tɩ mam ka tar to dũniyã zug ye.

A Ezayi 2:4

Bãmb na n yɩɩ buud toay-toayã bʋ-kaooda, bãmb na n yɩɩ neb kʋʋng zab-paasda. B na n dɩka b zabr sʋʋsã n kud wãgse, la b rɩk b kãnã n kud goeto. Buud kõn tol n leb n yik zabr ne a to ye. La b kõn leb n zãms zabr sẽn zabd to-to ye.»

Zeremi 10:6

Sẽn-Ka-Saabo, yãmb to ka be ye. Yãmb yaa kãsenga, la y yʋʋrã yaa kãseng n tar pãnga.

Zeremi 5:22

Maam a Sẽn-Ka-Saab sokdame yaa: «Bõe yĩng tɩ y ka zoet-ma, la y ka rigd ne rabeem m taoore? Ka maam n ning bĩisrã ko-kãsengã noor t'a yɩ a toadg wakat fãa la? Baa ko-wĩisã sã n lengdẽ, b ka tar pãng ne-a ye. La baa b sã n guglumdẽ, b ka tõe n gãndg-a ye.

A Dãniyɛlle 2:27

A Dãniyɛll yalsa rĩmã taoor n leok n yeele: «Yel-solemd ning rĩmã sẽn dat n bãng a võorã, ka bãngdbã, wall bãngdb ne tɩtã-rãmb n tõe n bilg yãmb a võorã ye.

A Dãniyɛlle 2:28

La Wẽnnaam a yembr n be saasẽ, n tõe n vẽneg yel-soalem võyã, yaa Wẽnnaam-kãng n vẽnegd rĩm a Nebukatnedzaar ne bũmb ning sẽn na n wa n zĩnd yaoolem wakate. Ad zãmsd ning yãmb sẽn zãmsã, ne yãab nins yãmb sẽn paam y gãagẽ wã sẽn yɩ to-to.

Abakuk 3:2

Sẽn-Ka-Saabo, mam dag n wʋmame tɩ b gomd yãmb tʋʋm-kãsemsã yelle. Yãmb tʋʋm-kãsemsã kẽesa maam dabeem. Maan-y tʋʋm-kãens tõnd zamaanẽ wã. Kɩt-y tɩ tõnd zamaanẽ nebã bãng y tʋʋm-kãsemsã! La y sũ-yikrã pʋga, tẽeg-y y nimbãan-zoeerã yelle!

Zakari 2:11

Haya! Sɩyõ nebã, yãmb dãmb sẽn be Babilond tẽn-neerã pʋgẽ wã, zoe-y n põs-y-yã!»

Malasi 1:11

Bala, sẽn sɩng yaang n tãag nin-taoore, mam yʋʋrã yaa kãseng buud toor-toorã fãa sʋka. B yita zĩig zãng n wat n yõogd wisd mam yʋʋrã yĩnga, la b wat ne kũun sẽn yaa yɩlemde. Bala, mam yʋʋrã yaa kãseng buud toor-toorã fãa sʋka. Maam a Saasẽ-Pãng-Soabã n yeele.

A Luk Sõng 12:5

Mam na n wilga yãmb y sẽn tog n zoe a soaba. Zoe-y soab ning sẽn tõe n kʋ, la b tõe n kẽes bug-tẽngẽ me wã. N-yẽe! Mam yeta yãmb tɩ yaa soab‑kãng la yãmb tog n zoe.

1 Korẽnt rãmba 8:6

Ne tõndo, Wẽnnaam a yembr bal n be, n yaa ba. Bũmb fãa yita bãmb nengẽ, tõnd yaa bãmb dẽnda. La zu-soab a yembr tãa n be, a Zeezi Kirisi, soab ning maasem yĩng bũmb fãa sẽn be, la tõnd sẽn be.

Zozuwe 4:24

Woto fãa yaa sẽn na n yɩlẽ tɩ dũniyã rãmb fãa bãng tɩ Sẽn-Ka-Saab tara pãnga, la yaa tɩ yãmb me tõe n zoe Sẽn-Ka-Saab sẽn yaa yãmb Wẽnnaamã daar fãa.»

Vẽnegre 11:15

Malɛɛk a yopoe soabã peeba baorgo. La koe-kãsems zĩnda arzãn n yeel yaa: Dũniyã soolem lebga tõnd Zu-soabã ne bãmb Kirisã n so. Bãmb na n dɩɩ naam zamaan woo zamaana!

Vẽnegre 15:4

Zu-soaba, ãndã n ka na n zoe yãmba, la a ka na n waoog yãmb yʋʋrã? Bala, yãmb y yembr tãa n welg toore. La soolem dãmbã fãa na n wa wõgemda yãmb taoore, yãmb tɩrlmã sẽn pukã yĩnga.