Zeremi 10:6 - WẼNNAAM SEBRE 2014

⁶ Sẽn-Ka-Saabo, yãmb to ka be ye. Yãmb yaa kãsenga, la y yʋʋrã yaa kãseng n tar pãnga.

SEBR SÕNGO

⁶ Soaala-Wẽnde, yãmb bal n ka tar mak-n-taaga Yãmb yʋʋra naaga y pãngã n sãag n ta zĩig zãnga.

Zeremi 10:6 Iomraidhean Croise

2 Sãmwɛlle 7:22

Wẽnnaam Sẽn-Ka-Saabo, yãmb sɩd yaa kãsengã, bala, sã n yaa ne tõnd sẽn wʋm tɩ b gomdã, ned ka be n zem yãmb ye. Wẽnd a to ka be tɩ sã n ka yãmb ye.

1 Kibayã 16:25

Bala, Sẽn-Ka-Saab yaa kãsenga, la b zemsa ne pẽgr buud fãa, bãmb seka zoees n yɩɩd wẽnnaam-dãmbã fãa.

A Neemi 4:14

Rẽ wã, yãmb sã n wa n wʋm baorgã peebgo, bɩ y yi yãmb sẽn beẽ wã, n zoe n wa mam nengẽ, n wa tigim taaba, la tõnd Wẽnnaamã na n zab n sõnga tõndo.

A Neemi 9:32

Moasã, tõnd Wẽnnaam, yãmb yaa Wẽnnaam-kãseng sẽn tar pãnga, n tõe fãa, yãmb ka viigd y kaool ye, la y yaa pʋ-peelem soaba. Bɩ y ra ges tood nins sẽn paamd tõndã wa bõn-yaalg ye. Toogã paamda tõndo, d rĩm-dãmbã, d nanambsã, ne d maan-kʋʋdbã, la d no-rɛɛsdbã, ne d yaab-rãmbã, ne yãmb nebã fãa. Yaa sẽn sɩng ne Asiiri rĩm-dãmbã zamaan n tãag rũndã.

Yɩɩn‑sõamyã 145:3

Sẽn-Ka-Saab yaa kãsenga, la b zemsame tɩ reeg pẽgrã fãa. Ned ka tõe n bãng bãmb kaosengã tɛk ye.

Yɩɩn‑sõamyã 147:5

Tõnd Zu-soabã yaa kãsenga, n tar pãn-kãsenga, bãmb bãngrã ka tar tɛk ye.

Yɩɩn‑sõamyã 35:10

Mam na n yeela ne m sũur fãa yaa: «Sẽn-Ka-Saabo, ãndã n zem yãmba, n tõe n fãag ka-pãng soab pãng soab nugẽ, la sẽn tõe n fãag naong soab ne nimbãan-ned b fãadbã nugẽ?»

Yɩɩn‑sõamyã 48:1

A Koore yagensã yɩɩlle.

Yɩɩn‑sõamyã 96:4

Bala, Sẽn-Ka-Saab yaa kãsenga, la b zemsa ne pẽgr buud fãa, bãmb seka zoees n yɩɩd wẽnnaam-dãmbã fãa.

Yikri 15:11

Sẽn-Ka-Saabo, wẽnnaam-dãmbã sʋka, ãnda n zem yãmba? Ãnda n tar naam ne sõmblem wa yãmba, n sek zoeese, la sẽn zems waoogre, n maand tʋʋm-kãsemse?

Yikri 8:10

La nebã wʋka lomsã n zame, t'a yũugã kell n piuug ne tẽngã.

Yikri 9:14

Tɩ bala, so-kãngã, mam na n tʋma m toodã fo mengã zugu, la fo tʋmtʋmdbã ne nebã zugu, tɩ fo bãng tɩ mam ka tar to dũniyã zug ye.

A Ezayi 12:6

Sɩyõ tẽng nebã, kaas-y sũ-noog ne kɩdeng kaasgo! Bala, Israyɛll Pʋ-Peelem-Soabã sẽn be yãmb sʋkã yaa kãsenga!»

A Ezayi 40:18

Ãnda la yãmb na n dɩk n mak ne Wẽnnaam? Yãmb na n dɩka bõe n wẽneg Wẽnnaam?

A Ezayi 40:25

Pʋ-Peelem-Soabã sokdame yaa: «Ãnda la y na n dɩk n mak maam, n tags tɩ mam wẽnda a soaba?

A Ezayi 46:5

Yãmb na n dɩka maam n mak ãnda n yeel tɩ maam ne yẽnda soab n zem taaba? Yãmb na n yeelame tɩ maam ne ãnda soab n wẽnd taaba?

A Ezayi 46:9

Tẽeg-y hal wakat sẽn loogã yelle. Bala, mam yaa Wẽnnaam, la Wẽnnaam a to ka be ye. Mam yaa Wẽnnaam, la mam ka tar mak-n-taag ye.

Zeremi 10:16

A Zakoob yagensã Wẽnnaam ka woto ye. Bala, bãmb n yaa bũmb fãa naanda, la bãmb yãka Israyɛll buudã n maan b nebã. Bãmb yʋʋr la Saasẽ-Pãng-Soaba.

Zeremi 32:18

Yãmb wilgda y nonglem hal n tãag zamaan tusri, la y sɩbgd kamb b ba-rãmb beegr yĩnga. Yãmb yaa Wẽnnaam-kãsenga, y yaa gãndaoogo. Y yʋʋr yaa Saasẽ-Pãng-Soaba!

A Dãniyɛlle 4:3

Dẽ, mam kɩtame tɩ b bool yam dãmb nins fãa sẽn be Babilond soolmã pʋgẽ wã, tɩ b tõe n wa bilg maam m zãmsdã võore.

A Dãniyɛlle 4:34

Moasã, maam a Nebukatnedzaar pẽgda saasẽ dĩm-kãsengã, la m waoogd-ba, n balemd-ba. Bãmb tʋʋmã fãa yaa sɩda, la b soayã yaa tɩrse. Yaa bãmb bal n tõe n sik wuk-m-mens rãmbã.»

Malasi 1:11

Bala, sẽn sɩng yaang n tãag nin-taoore, mam yʋʋrã yaa kãseng buud toor-toorã fãa sʋka. B yita zĩig zãng n wat n yõogd wisd mam yʋʋrã yĩnga, la b wat ne kũun sẽn yaa yɩlemde. Bala, mam yʋʋrã yaa kãseng buud toor-toorã fãa sʋka. Maam a Saasẽ-Pãng-Soabã n yeele.

1 Korẽnt rãmba 8:6

Ne tõndo, Wẽnnaam a yembr bal n be, n yaa ba. Bũmb fãa yita bãmb nengẽ, tõnd yaa bãmb dẽnda. La zu-soab a yembr tãa n be, a Zeezi Kirisi, soab ning maasem yĩng bũmb fãa sẽn be, la tõnd sẽn be.

Yaoolem 32:31

Bala, bãmb fãagr kugrã ka wẽnd tõnd fãagr pĩigã ye. Tõnd bɛɛbã mens mii bõn-kãnga.

Yaoolem 33:26

Israyɛll nebã, ned ka be n yɩɩd Wẽnnaam sẽn zao saasẽ n pɩʋʋgd yĩngr ne naamã, n wat n na n sõng yãmbã ye.