Zeremi 10:5 - WẼNNAAM SEBRE 2014

⁵ Bõn-naands-kãens yaa wa b sẽn dɩk zug peoog n fõgen da-giuug pʋʋg pʋgẽ. Bãmb ka gomd ye. Yaa tɩlɛ tɩ b zãad-ba, b sẽn ka tõe n kẽn b toorã yĩnga. Ra zoe-y bãmb ye. Bala, bãmb ka tõe n maan wẽng bɩ neer ye.

SEBR SÕNGO

⁵ La wala belsem-belsem sẽn yag niir pʋʋgẽ, luiili yĩnga, ad-y wẽn-bãmb yɛsame la b ka mi goam ye; b sẽn pa kẽndã, dɩll b põk-ba. Da zoe-y bãmb rabeem ye, b pʋs n ka tõe n maan bũmb ye, b ka tõe bõn-wẽng y yĩnga, wa b sẽn ka tõe bõn-sõng y yĩnga.

Zeremi 10:5 Iomraidhean Croise

1 Rĩm-dãmbã 18:26

Bãmb dɩka loalg b sẽn kõ bãmbã n maneg maoongã yĩnga. La bãmb pʋʋsa ne a Baall yʋʋr yibeoog hal tɩ ta wĩnto-sʋka. Bãmb dag n kelemdame n yetẽ: «Baalle! Leok-d wɛ!» La bãmb ka wʋm koɛɛga, la ned ka leok me ye. Bãmb dag n bee tẽn-kugrã bãmb sẽn maanã taoor n yɩgd n tiimsdẽ.

2 Kibayã 25:15

Woto kɩtame tɩ Sẽn-Ka-Saab sũur puug ne a Amatsɩya, la bãmb tʋma b no-rɛɛs t'a wa yeel-a yaa: «Bõe tɩ f waoog wẽnnaam-dãmbã sẽn ka tõog n fãag b neb fo meng nugẽ?»

A Ezayi 16:12

Moaab leb n kẽnga maoong kʋʋb zĩisẽ wã. A kẽnga a zĩ-sõngẽ wã la a ka tõe n paam bũmb ye.

A Ezayi 45:20

Bɩ yãmb dãmb fãa sẽn põs n yi bu-zẽmsã sʋkã tigim taab n wa! Naag-y taab n kolge! Neb nins sẽn zãad bõn-naands sẽn yaa raad sẽn peesã ka tar bãngr ye. Bãmb pʋʋsda wẽnnaam sẽn ka tõe n fãag-b ye.

A Ezayi 46:1

Wẽn-naandg a Bɛll yĩgimdame, la wẽn-naandg a Nebo kɩlldame. B rɩkda b wẽn-naandsã n zɩlg rũmsi, la b zɩlgd-b rũms sẽn yɛ zutu. La a lebga zɩɩb rũng ning sẽn zɩt-a wã yĩnga!

A Ezayi 46:7

Bãmb tʋkd-a lame n palg b bãgdẽ, n tall-a n tɩ ning a zĩigẽ. Wẽn-naandgã yasame n ka yẽrgd a sẽn beẽ wã ye! Ba b sã n kelem n bool-a, a ka tõe n leoke, la a ka tõe n fãag ned a yel-pakr pʋg ye.

Zeremi 10:14

Nebã fãa lebga zɩtba, n ka tar bãngr ye. Yõak bõn-naandg yãnd tar-a lame. Bala, bãmb yaa zĩrẽ bõn-naandse, la vɩɩm ka be bãmb pʋgẽ ye.

Abakuk 2:19

Toog bee ned ning sẽn gomd-a ne ra-giig n yetẽ: «Yik n yalse!» La a yet kugr sẽn ka gomdã: «Nek n yiki!» Rẽ yĩnga, yẽnda tõe n kõo ned bãngr sɩda? B bolg-a-la ne sãnem la wanzuri bala, la vɩɩm yaool n ka be a pʋgẽ ye.

1 Korẽnt rãmba 12:2

Yãmb mii yãmb sẽn dag n ket n yaa nin-zaalse, tɩ yãmb sũyã loe ne wẽn-naands sẽn yaa mugsi, tɩ y ka tõe n lak ne-bã.

1 Korẽnt rãmba 8:4

Sã n yaa ne maandã b sẽn kʋ wẽn-naandsã nemd wãbr yelle, tõnd miime tɩ wẽn-naandg ka be dũni ye, la tɩ Wẽnnaam a yembr bal n be.

Yaoolem 4:28

La beenẽ, yãmb na n tɩ tũu bõn-naands ninsaalbã sẽn naan ne raado, la kuga. Bãmb ka ne, b ka wʋmde, b ka rɩte, b ka wʋmd yũugu.