Zeremi 10:16 - WẼNNAAM SEBRE 2014

¹⁶ A Zakoob yagensã Wẽnnaam ka woto ye. Bala, bãmb n yaa bũmb fãa naanda, la bãmb yãka Israyɛll buudã n maan b nebã. Bãmb yʋʋr la Saasẽ-Pãng-Soaba.

SEBR SÕNGO

¹⁶ Ad-y Soaala ka wẽnd bãmb ye, bãmb me ka wẽnd a Israyɛl Pʋɩɩr sõnga ye, b ka wẽnd dũni wã fãa Naanda ye. Dũni fãa Naanda la a Israyɛl Wẽnde, b yʋʋra la dũni fãa Soaala.

Zeremi 10:16 Iomraidhean Croise

Yɩɩn‑sõamyã 119:57

Sẽn-Ka-Saabo, mam yetame, mam pʋɩɩr yaa tɩ sak yãmb goamã.

Yɩɩn‑sõamyã 135:4

Bala, Sẽn-Ka-Saab yãka a Zakoobe, tɩ Israyɛll lebg bãmb dẽnda.

Yɩɩn‑sõamyã 142:5

Wẽneg-y n ges-y mam nug-rɩtgo, ned ka be sẽn yet t'a mii maam ye. Mam ka leb n tar solgr zĩig ye. Ned baa a yembr toog ka be ne mam vɩɩmã ye.

Yɩɩn‑sõamyã 33:6

Sẽn-Ka-Saab gomdã n naan saasã, la b noorã pemsem n naan tãb-biisã yĩngrã fãa.

Yɩɩn‑sõamyã 73:26

Mam yĩngã ne m sũurã yɛɛme, la Wẽnnaam n kengd mam pɛlg wakat fãa, la bãmb yaa mam pʋɩɩre.

Yɩɩn‑sõamyã 74:2

Tẽeg-y y nebã yãmb sẽn da hal kʋdem-wẽndẽ n fãag-bã yelle. Bu-kãng yaa yãmb buudu, la y pʋɩɩre! Tẽeg-y Sɩyõ tãngã sẽn yaa zĩig ning yãmb sẽn dag n be wã yelle.

Yikri 19:5

Moasã, yãmb sã n kelg mam koɛɛgã, la y sak kaool ning mam sẽn maan ne yãmbã, yãmb na n lebga mam mengã paoong buudã fãa sʋka. Bala, dũniyã fãa yaa maam n so.

Yikri 34:9

La yẽnda yeelame: «M Zu-soaba, yãmb sã n nonga maam, baa nebã sũyã sã n yaa kegemse, mam kotame tɩ y yãag tõndo. La y kõ tõnd sugr d kongrã ne d yel-wẽnã yĩnga. La tõnd na n yɩɩ yãmb dẽnda.»

Yelbũna 16:4

Sẽn-Ka-Saab ka maan bũmb ba a yembr zaalem yĩng ye, la b naana nin-wẽng me toog daar yĩnga.

A Ezayi 19:25

Saasẽ-Pãng-Soabã na n ninga bãmb bark n yeele: «Bark bee Ezɩpt sẽn yaa mam nebã zugu, bark bee Asiiri sẽn yaa mam nug tʋʋmdã zugu, la bark bee Israyɛll sẽn yaa mam meng rẽndã zugu.»

A Ezayi 45:7

Maam n naan vẽenem la m kɩt tɩ lik bida beẽ. Maam n wat ne vɩ-bãane, la maam n wat ne toogo. Maam a Sẽn-Ka-Saab n tõe n maan bõn-kãensã fãa.

A Ezayi 47:4

Tõnd fãagdã yʋʋr boondame tɩ Saasẽ-Pãng-soaba. Bãmb yaa Israyɛll Pʋ-Peelem-Soaba.

A Ezayi 47:6

Mam sũur dag n yika ne m nebã, mam dag n paooga mam nebã, mam dag n dɩk-b lame n bas fo nugẽ, la fo ka zoe bãmb nimbãaneg ye. Fo namsa bãmb nin-kẽembã wʋsgo.

A Ezayi 51:15

Maam a Sẽn-Ka-Saab n yaa fo Wẽnnaam, maam n dãmbd ko-kãsengã n kɩt t'a ko-wĩisã guglumdẽ. Bãmb yʋʋr boondame tɩ Saasẽ-Pãng-Soaba.

A Ezayi 54:5

Bala, soab ning sẽn naan-a foomã n yaa fo sɩda. Bãmb yʋʋr boondame tɩ Saasẽ-Pãng-Soaba. Bãmb yaa Israyɛll Pʋ-Peelem-Soabã n yaa fo fãagda. B boonda bãmb tɩ dũni gill Wẽnnaam.

Zeremi 10:12

Sẽn-Ka-Saab naana tẽngã ne b meng pãnga. Bãmb yamã kɩtame tɩ dũniyã beẽ, la b yɛdga sa-gãongã ne b bãngrã.

Zeremi 10:6

Sẽn-Ka-Saabo, yãmb to ka be ye. Yãmb yaa kãsenga, la y yʋʋrã yaa kãseng n tar pãnga.

Zeremi 31:35

Ade, Sẽn-Ka-Saab sokdame: «Ãnda n kɩt tɩ wĩndgã beẽ, n kõt vẽenem wĩntoogo? Ãnda n kɩt tɩ kiuugã ne ãdsã vẽenem yãgd yʋngo? Ãnda n kɩt tɩ ko-kãsengã rãmbdẽ, t'a ko-wĩisã tãoosdẽ? Yaa soab ning yʋʋr sẽn boond tɩ Saasẽ-Pãng-Soabã.»

Zeremi 32:18

Yãmb wilgda y nonglem hal n tãag zamaan tusri, la y sɩbgd kamb b ba-rãmb beegr yĩnga. Yãmb yaa Wẽnnaam-kãsenga, y yaa gãndaoogo. Y yʋʋr yaa Saasẽ-Pãng-Soaba!

Zeremi 33:2

«Maam a Sẽn-Ka-Saab sẽn yaa soab ning sẽn maand bõn-kãensã wã, n naand-b n kɩtdẽ tɩ b beẽ wã, soab ning yʋʋr sẽn boond tɩ Sẽn-Ka-Saab yetame:

Zeremi 46:18

Maam a rĩm ning yʋʋr sẽn boond tɩ Saasẽ-Pãng-Soabã yetame: «Bɛ wã waoong ka na n vaal ye. Na n yɩɩ wa Taboor tãngã sẽn be tãms a taabã sʋkã, la wa Karmell tãngã sẽn zẽk n tʋʋg ko-kãsengã!

Zeremi 50:34

La bãmb fãagdã tara pãnga. Bãmb yʋʋr la Saasẽ-Pãng-Soaba. Yaa fãagd-kãng n na n zab n sõng bãmba, n kɩt tɩ vɩ-bãan wa tẽngã pʋga, la b kɩt tɩ Babilond nebã rig ne rabeem.

Zeremi 51:19

A Zakoob yagensã Wẽnnaam ka woto ye. Bala, bãmb n yaa bũmb fãa naanda, la bãmb yãka Israyɛll buudã n maan b nebã. Bãmb yʋʋr la Saasẽ-Pãng-Soaba.

Kʋʋr yɩɩla 3:24

Mam yetame: «Sẽn-Ka-Saab yaa mam pʋɩɩre. Yaa rẽ n kɩt tɩ mam maand tẽeb ne bãmba.»

A Amoose 4:13

Bala, yaa bãmb n maan tãmsã ne sebgã, la b wilg ninsaal b tagsgo. Bãmb n kɩtd tɩ yibeoog lebg lika. Bãmb tabda tãms nins sẽn yaa lug-lugã zut n kẽnda. Bãmb yʋʋr yaa Zu-soabã sẽn yaa Saasẽ-Pãng-Soabã.

Zakari 2:12

Bala, Saasẽ-Pãng-Soabã, soab ning sẽn gom-a wã tʋma maam ne koɛɛga, buud nins sẽn fã yãmbã wɛɛngẽ n yeele: «Ned sã n sɩɩs yãmba, yaa wa a sẽn tuk mam nifu!

Yaoolem 32:9

Bala, Sẽn-Ka-Saab nebã yaa bãmb pʋɩɩre. Bãmb dɩka a Zakoob yagensã n kõ b menga.