Zeremi 10:12 - WẼNNAAM SEBRE 2014

¹² Sẽn-Ka-Saab naana tẽngã ne b meng pãnga. Bãmb yamã kɩtame tɩ dũniyã beẽ, la b yɛdga sa-gãongã ne b bãngrã.

SEBR SÕNGO

¹² Soaala-Wẽnd naana tẽngã n wilg b pãnga, b wilga b yẽesma n naan dũniyã; b wilga b yama-zulum n yɛdg saaga.

Zeremi 10:12 Iomraidhean Croise

Sɩngrẽ 1:1

Sɩngr wẽndẽ, Wẽnnaam naana yĩngr la tẽnga.

Sɩngrẽ 2:5

rẽ tɩ tɩɩg baa a yembr ka be tẽn-gãongã zugu, la mood me rag n nan ka yi wetã pʋs ye. Bala, Wẽnnaam Sẽn-Ka-Saab rag n nan ka kɩt tɩ saag ni dũniyã zug ye, la ninsaal me rag n ka be dũniyã zug n na n ko-a ye.

1 Kibayã 16:26

Bala, buud a taabã wẽnnaam-dãmbã fãa yaa zĩrẽ wẽnnaam-dãmbã, la yaa Sẽn-Ka-Saab n naan saasã.

A. Zoobe 26:7

Wẽnnaam n yɛdg nug-rɩtg sa-gãongã t'a luund vɩʋʋgẽ, la b kɩt tɩ dũniyã yag vɩʋʋgẽ.

A. Zoobe 37:18

Fo tõe n yɛdga sa-gãongã wa bãmb sẽn yɛdg-a to-to t'a yaa kãenkãe n pɩnd wa zũud nen-gɛtgã sɩda?

A. Zoobe 9:8

Bãmb b yembr bal n yɛdg sa-gãongã, la bãmb n kẽnd ko-kãsengã zugu.

Yɩɩn‑sõamyã 104:2

Bãmb yera vẽenem wa fuugu. Bãmb yɛdgda sa-gãongã wa fu-roogo.

Yɩɩn‑sõamyã 104:24

Sẽn-Ka-Saabo, yãmb tʋʋmã sõor waooga! Yãmb maana y tʋʋmã fãa ne yam. Dũniyã pida ne bũmb nins yãmb sẽn naanã.

Yɩɩn‑sõamyã 119:90

Yãmb maan-sɩdã paada zamaan woo zamaane. Yãmb n vigl tẽn-gãongã t'a beẽ.

Yɩɩn‑sõamyã 24:2

Bala, yaa Sẽn-Ka-Saab n ning-a ko-kãsemsã zutu, bãmb n kɩt t'a luund kʋɩlsã zutu.

Yɩɩn‑sõamyã 33:6

Sẽn-Ka-Saab gomdã n naan saasã, la b noorã pemsem n naan tãb-biisã yĩngrã fãa.

Yɩɩn‑sõamyã 65:7

Yãmb vigla tãmsã ne y pãngã, yãmb sɩd tara pãng tɩ seke.

Yɩɩn‑sõamyã 78:69

B mee b zĩ-sõngã n zẽk wa saasẽ, b me-a-la wa tẽngã b sẽn yẽbg wakat fãa yĩngã.

Yɩɩn‑sõamyã 93:1

Sẽn-Ka-Saab yaa rĩmã, bãmb dɩta naam. Sẽn-Ka-Saab sẽbga sɩdã tɩ yaa b sẽbdga, La b kɩt tɩ dũniyã yas kãenkãe n ka lʋɩtẽ ye.

Yelbũna 3:19

Yaa ne yam la Sẽn-Ka-Saab yẽbg dũniyã, la yaa ne bãngr la b lugl sa-gãongã.

Yelbũna 30:4

Ãnda n dʋ yĩngr n lebg n sigi? Ãnda n kogl a nus n kok pemsem? Ãnda n yondg koom a fuugẽ? Ãnda n naan tẽn-gãongã? A soab yʋʋr la a bõe, la a biigã yʋʋr la a bõe? Fo sã n miẽ, bɩ f togs-ma.

A Ezayi 37:16

«Saasẽ-Pãng-Soabã sẽn yaa Israyɛll Wẽnnaam, n zao serubẽ-rãmb zugu, yaa yãmb y yembr bal n yaa dũniyã soolem-dãmbã fãa Wẽnnaam, yaa yãmb n naan yĩngr la tẽnga.

A Ezayi 40:22

Bãmb bee dũni gilgã zugẽ, n get dũni-kãngã nebã tɩ b yaa wa sʋyã. Bãmb yɛdga sa-gãongã wa peen-faasga, bãmb yɛdg-a lame tɩ lebg wa fu-roog n na n zĩnd a pʋgẽ.

A Ezayi 42:5

Ade, Wẽnnaam Sẽn-Ka-Saab sẽn naan saasẽ n ning a zĩigẽ wã, la b yɛdg tẽn-gãongã ne a pʋgẽ teedã, n yaa soab ning sẽn kõt nebã sẽn be a pʋgẽ wã vɩɩmã, la b kɩt tɩ bũmb nins sẽn saagd tẽn-gãongã zugã tar vʋʋsmã yetame:

A Ezayi 44:24

Sẽn-Ka-Saab sẽn yaa yãmb fãagdã, sẽn naan-a yãmb y ma pʋgẽ wã yetame: «Mam yaa Sẽn-Ka-Saabo, maam n naan bũmb fãa. Maam m yembr n yɛdg sa-gãongã, yaa maam n naan tẽn-gãongã.

A Ezayi 45:12

Yaa maam n naan dũniyã, la m naan ninsaalbã sẽn be a pʋgẽ wã. Yaa mam meng nus n yɛdg sa-gãongã, la yaa maam n kɩt t'a ãdsã fãa beẽ.

A Ezayi 45:18

Bala, Sẽn-Ka-Saab sẽn yaa saasã naandã n gomde. Bãmb n yaa dũniyã naanda, bãmb n naan-a n kɩt t'a yasẽ, la b ka naan-a t'a yaa zaalem ye. B naan-a lame tɩ neb tõe n zĩnd a pʋgẽ. Bãmb yetame: «Mam yaa Sẽn-Ka-Saabo, la sã n ka maam, Wẽnnaam a to ka be ye.»

A Ezayi 48:13

Mam meng nug n vigl dũniyã, la mam nug-rɩtg n yɛdg saagã. Mam sã n bool-ba, b naagda taab n wa mam taoore.

A Ezayi 49:8

Sẽn-Ka-Saab yetame: «Nimbãan-zoeerã wakate, mam leoka foom, la fãagrã daare, mam sõnga foom. Mam gũu foom n kɩt tɩ fo yɩ kaool nebã yĩnga, n na n leb n yik tẽngã, la m kõ nebã b soolmã sẽn dag n sãamã.

Zeremi 10:13

Bãmb sã n zẽk b koɛɛgã, koomã sẽn be yĩngrã tigimda taaba. Bãmb kɩtdame tɩ sawat zẽk n ta dũniyã kɩremsã fãa. Bãmb kɩtdame tɩ sa-yãgb sikd sa-koom, la b kɩtdẽ tɩ sebgã yit a sẽn beẽ wã n fugda.

Zeremi 10:16

A Zakoob yagensã Wẽnnaam ka woto ye. Bala, bãmb n yaa bũmb fãa naanda, la bãmb yãka Israyɛll buudã n maan b nebã. Bãmb yʋʋr la Saasẽ-Pãng-Soaba.

Zeremi 14:22

Bu-zẽmsã zĩrẽ wẽnnaam-dãmbã sʋka, bʋg n tõe n kɩt tɩ saag ni? Yaa sa-gãongã n kɩtd tɩ saagã niid bɩ? Ka yãmb a Sẽn-Ka-Saab sɩda? Yãmb la d teeg yã! Bala, yãmb la bõn-kãens fãa naanda.

Zeremi 27:5

‹Yaa maam n tẽeg m nug n naan dũniyã ne ninsaalbã la rũmsã sẽn be a pʋgẽ wã ne m pãn-kãsengã, la m dɩkda dũniyã n kõt soab ning sẽn ta-a mam yam.

Zeremi 32:17

«Wẽnnaam Sẽn-Ka-Saabo, yãmb n tẽeg y nug n naan yĩngr la tẽng ne y pãn-kãsengã. Bũmb ka be yãmb sẽn ka tõe ye.

Zakari 12:1

Sɩbgr koɛɛga. Sẽn-Ka-Saab koɛɛg Israyɛll wɛɛngẽ. Ade, Sẽn-Ka-Saab sẽn yaa soab ning sẽn yɛdg sa-gãongã la b vigl tẽngã, n kɩt tɩ sɩɩg be ninsaalb pʋgẽ wã yetame:

A Zã Sõng 1:3

B naana bũmb fãa ne bãmba, la bũmb ka be sẽn naane, tɩ ka yɩ ne bãmb ye.

Kolos Rãmba 1:16

Bala, bãmb n naan bũmb nins fãa sẽn be yĩngr wall tẽng zugu, sẽn be yãab la sẽn ka tõe n yã, naam gɛyã, rĩm-dãmba, pãn-soaadba, la noyã. Bãmb n naan fãa b mengã yĩnga.