Zeremi 1:9 - WẼNNAAM SEBRE 2014

⁹ Dẽ, Sẽn-Ka-Saab tẽega b nug n sɩɩs mam noorã n yeel maam yaa: Ade, mam ninga m goamã fo noorẽ.

SEBR SÕNGO

⁹ Soaala-Wẽnd yaool n tẽega b nugu, n sɩɩs mam noore n yeel maam: «Ade, yaa foom n na n togs m koeesã.

Zeremi 1:9 Iomraidhean Croise

A Ezayi 49:2

Bãmb kɩtame tɩ mam noorã yɩ wa sʋ-rɩtga, bãmb lilla maam ne b nugã maasem. Bãmb kɩtame tɩ mam yɩ wa pĩim sẽn yaa sɩlenga, bãmb solga maam bãmb lokã pʋga.

A Ezayi 50:4

Zu-soabã a Sẽn-Ka-Saab kõo maam zelemd sẽn mi goam wa karen-biiga, tɩ mam tõe n bãng n gom n bels ka-pãng soabã. Yibeoogo, bãmb nekdame, bãmb nekda maam tɩ m yok m tʋbr n kelg wa karen-biis sẽn kelgd to-to wã.

A Ezayi 51:16

Mam ninga mam goamã fo noorẽ, la m luda foom ne mam nugã maasem, n yɛdg sa-gãong la m kɩt tɩ tẽn-gãong beẽ, la m yeel Sɩyõ yaa: «Yãmb yaa mam nebã!»

A Ezayi 59:21

Sẽn-Ka-Saab yeelame: «Ad kaool ning mam sẽn maan ne bãmbã: Mam Sɩɩgã sẽn be ne foomã, la a be mam goam nins mam sẽn ning fo noorẽ wã zugã, na n zĩnda fo noorẽ wã, la a zĩnd fo yagensã ne f yagens yagensã noy pʋse. Yaa sẽn sɩng ne moasã la wakat sẽn ka sɛta. Maam a Sẽn-Ka-Saab n yeele.»

Zeremi 15:19

Woto yĩnga, maam a Sẽn-Ka-Saab yetame: «Fo sã n lebg n wa, mam na n deega foom, n kɩt tɩ f leb n yɩ m tʋmtʋmda. Fo sã n bas gom-yaals n gom gom-sõamyã, fo na n leb n yɩ m no-rɛɛsa. Yaa nebã n tog n lebg n wa fo nengẽ, ka foom n tog n lebg n bao bãmb zĩig ye.

Zeremi 34:6

No-rɛɛs a Zeremi togsa Zʋʋda rĩm a Sedesiyaas gom-kãensã fãa Zeruzalɛm tẽngã pʋga.

Zeremi 36:2

«Rɩk seb-pindg n gʋls goam nins fãa mam sẽn togs foom Israyɛll ne Zʋʋda la bu-zẽmsã wɛɛngẽ, sẽn sɩng ne a Zoziyaas zamaanã, daar ning mam sẽn gom ne foomã, hal tɩ ta rũndã.

Zeremi 5:14

Woto yĩnga, Sẽn-Ka-Saab sẽn yaa Saasẽ-Pãng-Soab a Wẽnnaamã yetame: «Yãmb sẽn gom a woto wã yĩnga, ad bũmb ning sẽn na n paam yãmba: Mam na n ninga m goamã fo noorẽ tɩ b yɩ wa bugum, la nin-kãensã na n yɩɩ wa raad tɩ bugmã rɩ-ba.»

Ezekiyɛl 3:10

Sẽn dag n gomd-a ne maamã yeela maam yaa: «Ninsaala, yok f tʋb n kelg goam nins mam sẽn togsd foomã, n dɩk-a n bĩng f sũurẽ.

A Dãniyɛlle 10:10

La gese, ned nug n wa n sɩɩs maam n kɩt tɩ mam yĩgimd m dũmã zugu, tɩ m nusã tik tẽng tɩ m digda.

A Dãniyɛlle 10:16

La gese, mam yãnda bũmb sẽn wẽnd ninsaala, la a sɩɩsa mam no-bɩmsã. La mam yaaga m noor n sɩng goamã. Mam yeela ned ning sẽn yas-a mam taoorã yaa: «M soaala, vẽnegrã kɩtame tɩ mam yamã bondge, la mam ka leb n tar pãng baa bilf ye.

Sõadga 23:5

Dẽ, Sẽn-Ka-Saab wilga a Balaam gomd ninga yẽnda sẽn tog n tɩ togsã.

A Matiye Sõng 10:19

La b sã n tall yãmb n kẽnge, bɩ y da maan yɩɩr ne yãmb sẽn na n gom to-to, wall y sẽn na n yet tɩ bũmb ning ye. Wakat-kãng bala, b na n wilga yãmb bũmb ning y sẽn na n gomã.

A Mark Sõng 7:33

Bãmb peega yẽnda kʋʋngã sʋk n yi kɛɛnga, n ning b nug-bi a tʋbã pʋsẽ, la b tʋbsame, n tẽk a zelemdã ne kolkoodã,

A Luk Sõng 12:12

Bala, wakat-kãng bala, Sɩɩg-sõng na n wilga yãmb bũmb ning y sẽn tog n yeelã.

A Luk Sõng 21:15

Bala, mam na n ninga goam y noorẽ, la m kõ-y yam, la yãmb bɛɛbã fãa baa a yembr kõn tõog n kɩɩs wall b wẽ nokoeemd ye.

Yaoolem 18:16

Yaa woto la yãmb sẽn dag n kos Sẽn-Ka-Saab sẽn yaa yãmb Wẽnnaamã Horɛɛb tigingã daarã. Yãmb yeelame: «D ka rat n leb n wʋm Sẽn-Ka-Saab sẽn yaa yãmb Wẽnnaamã koɛɛgã ye, la d ka rat n leb n yãnd bug-kãngã n wa ki ye.»

Yaoolem 18:17

La Sẽn-Ka-Saab yeela maam yaa: «Bãmb sẽn gom woto wã yaa neere.

Yaoolem 18:18

Mam na n yãka no-rɛɛs wa foom bãmb saam-biisã sʋk n kõ bãmba. Mam na n ninga m goamã a noorẽ t'a togs bãmb bũmb nins fãa mam sẽn na n yeelã.