Zeremi 1:18 - WẼNNAAM SEBRE 2014

^18-19 Ade, Zʋʋda rĩm-dãmbã ne b nanambsã la b maan-kʋʋdbã ne tẽngã nebã fãa na n zaba ne foom, la mam na n kõo foom pãng rũndã, tɩ f yɩ wa tẽng sẽn gũbg ne lalga, la f yɩ wa kut ra-lugdga, la f yɩ wa zũud lalg tẽngã nebã fãa taoore, tɩ b ka tõe n tõog foom ye. Bala, mam bee ne foom n na n fãag foom. Yaa maam a Sẽn-Ka-Saab n yeele.›

SEBR SÕNGO

¹⁸ Dũnna menga m kõt-f-la pãnga wa tãnsoben-tẽng sẽn tar a soabã; m na n yals-f-la wa kut lalga, wa zũud ra-luka, tẽnga rãmb taoore, a Zɩɩda rĩm dãmba taoore, a kug-zĩidba, a maan-kʋʋdba, a nin-zaalsa fãa taoore.

Zeremi 1:18 Iomraidhean Croise

A Ezayi 50:7

La Zu-soab a Sẽn-Ka-Saab sõnga maam. Rẽ kɩtame tɩ mam ka paam yãnd ye. Rẽ kɩtame tɩ mam keng m neng wa pĩiga, n miẽ tɩ mam ka na n tol n paam yãnd ye.

Zeremi 1:17

La foom a Zeremi, yik n sẽbg f sɛɛga, n togs bãmb bũmb nins fãa mam sẽn yeel foomã. Ra zoe bãmb tɩ m wa kɩt tɩ rabeem yõk foom bãmb nifẽ ye.

Zeremi 15:10

M ma, toog bee mam zugu, fo sẽn dog maamã yĩnga! Tẽngã neb fãa zabda ne maam, la b fãa kɩɩsda maam! Mam ka tar ned samde, ned me ka tar mam samde. La b fãa yaool n kãabda maam wẽnga.

Zeremi 15:20

La nin-bãmb nifẽ, mam na n kɩtame tɩ f yɩ wa zũud lalg nebã sẽn ka tõe n sãam ye. Bãmb na n zaba ne foom, la b ka na n tõog-f ye. Bala, mam bee ne foom n na n fãag-fo, la m yols-fo. Maam a Sẽn-Ka-Saab n yeele.

Zeremi 20:11

La Sẽn-Ka-Saab bee ne maam wa gãndaoog sẽn tar pãnga. Rẽ n kɩt tɩ mam namsdbã na n lak n lʋɩ. Bãmb ka na n tõog maam ye. Bãmb na n dɩɩ yãnde, b sẽn ka tõogã yĩnga. Na n yɩɩ yãnd sẽn ka na n sɛ abada, hal tɩ b ka leb n tõe n yĩm a yell ye.

Zeremi 21:4

«Sẽn-Ka-Saab sẽn yaa Israyɛll Wẽnnaamã yetame: ‹Mam na n kɩtame tɩ tãb-biisã ra leb n zab ne Babilond dĩmã, la Kalde nebã sẽn gũbg yãmbã ye. Mam na n tigim-b-la tẽngã pʋga.

Zeremi 26:24

La sã n yaa ne a Zeremi, a Safan biig a Ayikam kogla yẽnda, n ka bas tɩ nebã paam-a n kʋ ye.

Zeremi 34:3

La fo ka na n tõog n põs yẽnda ye. B na n yõka foom n kõ-a. Foom ne Babilond dĩmã na n yãnda taab neng ne nenga. Yẽnda na n goma ne foom, la fo na n kẽnga Babilonde.

Zeremi 37:7

«Maam a Sẽn-Ka-Saab sẽn yaa Israyɛll Wẽnnaamã yetame: Kẽng-y n tɩ yeel-y Zʋʋda rĩmã sẽn tʋm yãmb tɩ y wa sok maamã yaa: Ade, a Faarõ tãb-biisã sẽn wat n na n sõng yãmbã lebg n kuiisa Ezɩpte.

Zeremi 38:18

La yãmb sã n ka sak n yi n dɩk y meng n kõ Babilond dĩmã nanambse, Kalde rãmbã na n tõoga tẽn-kãngã n ning-a bugum, la yãmb ka na n põs ye.»

Zeremi 38:2

«Ade, Sẽn-Ka-Saab yetame tɩ zabre, kom la bã-longds n na n kʋ neb nins sẽn na n pa tẽn-kãngã pʋgẽ wã. La ned ning fãa sẽn na n yi n kẽng Kalde nebã nengẽ ka na n ki ye. A na n vɩɩmdame.»

Zeremi 42:22

Rẽ yĩngã, bãng-y tɩ moasã, zabr ne kom la bã-longds na n kʋʋ yãmb zĩig ning y sẽn dat n kẽng n tɩ zĩnd sãandã pʋgẽ.»

Zeremi 6:27

Mam yãka foom a Zeremi, tɩ f yɩ soab ning sẽn na n mak mam nebã, tɩ fo tõe n mak-ba, n bãng b sẽn yaa neb ninsi, la f mak-b n bãng b yel-manesmã sẽn yaa-a soaba.

A Zã Sõng 1:42

Yẽnda talla a Sɩmo n wa a Zeezi nengẽ. A Zeezi ges-a lame n yeele: Foom la a Sɩmo, a Zonaas bi-ribla. B na n boonda foom t'a Sefaase, sẽn dat n yeel tɩ Pɩyɛɛr (wall kugri).

Vẽnegre 3:12

Mam na n kɩtame tɩ ned ning sẽn tõog-a wã lebg ra-luk mam Wẽnnaamã roog pʋga, la yẽnda kõn leb n yi be ye. Mam na n gʋlsa mam Wẽnnaamã yʋʋre, la m Wẽnnaamã tẽng sẽn ya Zeruzalɛm paalg sẽn yit mam Wẽnnaamã nengẽ arzãn n sigdã yʋʋr yẽnda zugu, la m gʋls mam yʋ-paalgã yẽnda zugu.»