Zeremi 1:16 - WẼNNAAM SEBRE 2014

¹⁶ Mam na n kaoo bãmb bʋʋdo, tʋʋm-wẽns nins fãa b sẽn maanã yĩnga: bãmb sẽn bas maam n yõogd wisd n kõt buud a taabã wẽnnaam-dãmbã, la b wõgemded n waoog bõn-naandsã sẽn yaa b nug tʋʋmdã yĩnga.

SEBR SÕNGO

¹⁶ Woto m na pids m sẽn kãab tẽnga rãmb bũmb ning fãa. La rẽ yaa b sẽn beeg-ma yĩnga; yaa b sẽn bas maam n tɩ kʋ maand wẽn-naands yĩnga. Yaa wẽnd dãmb b sẽn naane n na n waooge.

Zeremi 1:16 Iomraidhean Croise

2 Rĩm-dãmba 22:17

Bãmb sẽn wẽnemd n bas maam n yõog wisd n kõ wẽn-naandse, la b tʋm tʋʋm-wẽns buud fãa wã yĩnga, mam sũurã yika ne tẽn-kãngã n ka na n sig ye.

2 Kibayã 15:2

la yẽnda kẽnga rĩm a Aaza nengẽ n tɩ yeele: «Aaza, la yãmb fãa Zʋʋda ne Benzame nebã, kelg-y-yã! Yãmb sã n pa ne Sẽn-Ka-Saabo, bãmb me na n paa ne yãmba. Yãmb sã n bao bãmba, bãmb na n basame tɩ y yãnd-ba. La yãmb sã n bas bãmba, bãmb me na n basa yãmba.

2 Kibayã 28:2

Yẽnda maana wa Israyɛll rĩm-dãmbã sẽn dag n maanã, n maan kut wẽn-naands baall yĩnga.

2 Kibayã 34:25

La yaa bãmb sẽn bas maam n yõog wisd n kõ wẽn-naandsã yĩnga, la b maan tʋʋm-wẽns buud fãa n beeg maamã yĩng n kɩt tɩ mam sũurã yik ne tẽn-kãngã, n ka na n tol n sig ye.»

2 Kibayã 7:19

La yãmb sã n wẽnemd n bas m tõodã ne m noyã m sẽn kõ yãmbã, n kẽng n tɩ tũ wẽn-naands n wõgemd n waoog-ba,

A Ezayi 2:8

Yẽnda tẽngã pida ne wẽn-naandse, nebã wõgemdedame n waoogd bãmb nus tʋʋmã, b wõgemdeda bãmb mengã nus sẽn maanã taoore.

A Ezayi 37:19

n wʋk b wẽnnaam-dãmbã n yõog bugum, n menes-b zãnga. Sɩdã, wẽnnaam-bãmb rag n ka wẽnnaam-dãmb sɩd-sɩd ye. Bala, rag n yaa raad ne kug wẽn-naands ninsaalb nus sẽn maane.

A Ezayi 44:15

Ninsaalbã tar-b lame n tugund bugum. B tugunda raoogã bugum n wootẽ. Wakat kẽere, b yõgend-a-la bugum n segl rɩɩbo, n leb n pɛɛsd-a t'a yaa wẽnnaam, n wõgemded n waoogd-a. Yẽnda rɩkd-a lame n maan bõn-naandg n wõgemded a taoor n pʋʋsdẽ.

A Ezayi 65:3

Mam tuda buud ning sẽn yals mam taoor n kɩɩsd maamã wakat fãa wã m nusi. Bu-kãng maanda maand zẽed zĩisẽ, la a yõogd wisd n kõt wẽn-naandse.

Zeremi 10:15

Bãmb yaa zaalem. Bãmb yaa zĩrẽ tʋʋmã. Wakat ning Sẽn-Ka-Saab sẽn na n wa ges b yellã, b na n sãamame.

Zeremi 10:3

Bala, bu-bãmb minindã yaa zaalem. B kɛɛgda raoog kãgrẽ tɩ tʋʋm-mit rɩk a lar n pees-a.

Zeremi 11:12

La Zʋʋda ne Zeruzalɛm nebã na n tɩ kelem n boola wẽnnaam-dãmb nins bãmb sẽn dag n yõogd wisd n kõtẽ wã n kos sõngre, la wẽnnaam-kãens ka na n sõng bãmb b toogã wakat ye.

Zeremi 11:17

Saasẽ-Pãng-Soabã sẽn sel yãmb a Israyɛll ne Zʋʋda nebã yetame tɩ toog na n waa yãmb zutu, wẽng ning yãmb sẽn maanã yĩnga. Yãmb yõoga wisd n kõ Baalle, n kɩt tɩ m sũurã puugi.

Zeremi 15:6

Maam a Sẽn-Ka-Saab yetame: Yãmb basa maam, yãmb tuda maam y kudga. Woto yĩnga, mam zẽka m nug n sãamd yãmba. Mam yam ya n yii ne yãmb nimbãaneg zoeese.

Zeremi 16:11

Dẽ, bɩ f leok bãmb tɩ maam a Sẽn-Ka-Saab yetame: «Yaa yãmb yaab-rãmbã sẽn bas maam la b kɩɩs mam zãmsgã, n yaool n tũ bu-zẽms wẽnnaam-dãmb n wõgemd n waoog-bã yĩnga.

Zeremi 17:13

Sẽn-Ka-Saab sẽn yaa Israyɛll tẽebo, neb nins fãa sẽn basd-b yãmbã na n paama yãnde. Bãmb na n menema wa ned yʋʋr sẽn gʋls tẽng tom zugu, bala, bãmb basa yãmb sẽn yaa vɩɩm ko-bundgã.

Zeremi 18:15

Mam nebã yaool n yĩma mam yelle. Bãmb yõogda wisd n kõt belgr wẽnnaam-dãmba. B belga bãmb tɩ b bʋdg n bas b kʋdem-wẽndẽ soayã, n kɩt tɩ b tũ so-bugsi, la soay sẽn ka kõoge.

Zeremi 19:4

Bala, bãmb basa maam n yõogd wisd n kõt buud a taab wẽnnaam-dãmb bãmb ne b yaab-rãmbã la Zʋʋda rĩm-dãmbã sẽn ka mi, n dẽgem zĩ-kãngã. Bãmb pidsa zĩ-kãngã ne bʋʋm dãmb zɩɩm.

Zeremi 2:13

Bala, mam nebã maana yel-wẽn a yiibu. Bãmb basa mam sẽn yaa vɩɩm ko-bundum b yĩngã, n tu ko-bao n kõ b mense. La b ko-baoã yaool n yaa võy n ka tõe n tall koom ye.

Zeremi 2:17

Yel-kãngã sẽn paam yãmbã ka yãmb sẽn bas Sẽn-Ka-Saab sẽn yaa y Wẽnnaamã, wakat ning b sẽn yãag yãmb sorã zugã sɩda?

Zeremi 2:19

Bɩ wẽng ning y sẽn maanã rɩ-yã, la bɩ y sẽn bas maamã sɩbgr lʋɩ y zugu, tɩ y bãng tɩ yãmb sẽn bas maam a Sẽn-Ka-Saab sẽn yaa yãmb Wẽnnaam n ka leb n zoet maamã wata ne wẽng la toogo. Saasẽ-Pãng-Soabã n yeele.

Zeremi 2:28

Zʋʋda nebã, y wẽnnaam-dãmb nins y sẽn dag n maan n kõ y mensã bee yɛɛnẽ? Bãmb sã n tõe n fãag yãmb toog wakate, bɩ b yik n fãag-yã! Bala, yãmb wẽnnaam-dãmbã sõor zema y tẽmsã sõore!

Zeremi 4:12

Sob-toaag ning maam a Sẽn-Ka-Saab sẽn kɩt tɩ watẽ wã yɩɩda bũmb a woto. Moasã, mam meng n na n kao bãmb bʋʋdo.»

Zeremi 4:28

Bõn-kãng yĩng kɩtame tɩ tẽngã fãa be sũ-sãang pʋga, tɩ saasẽ lebg lik bida. Yaa maam n yeele, la m yam-yãkr la a woto. Mam ka maand m bãngẽ, la m kõn lebs m noor poorẽ me ye.»

Zeremi 44:17

Tõnd dat n maana bũmb nins tõnd sẽn dag n yeelã: d na n yõoga wisd n kõ saasẽ dĩm-poakã, la d kõ-a bõn-yũudl kũuni, wa tõnd mensã ne d yaab-rãmbã, la d rĩm-dãmbã ne d nanambsã sẽn dag n maan Zʋʋda soolem tẽmsã pʋs ne Zeruzalɛm soayã zutã. Wakat-kãnga, tõnd dag n dɩtame n tɩgda, d sũy rag n yaa noogo, la toog ka tol n paam tõnd ye.

Zeremi 5:29

Mam kõn sɩbg nin-bãmbã buud sɩda? Mam kõn dok m sũur ne bu-kãngã sɩda? Maam a Sẽn-Ka-Saab n yeele.

Zeremi 5:9

Maam a Sẽn-Ka-Saab yetame: «Mam ka tog n sɩbg neb a woto buud sɩda? Mam ka tog n dok m sũur ne buud a woto sɩda?

Zeremi 51:17

Nebã fãa lebga zɩtba, n ka tar bãngr ye. Yõak bõn-naandg yãnd tar-a lame. Bala, bãmb yaa zĩrẽ bõn-naandse, la vɩɩm ka be bãmb pʋgẽ ye.

Zeremi 7:17

Fo ka ne bãmb sẽn maand bũmb nins Zʋʋda tẽmsã pʋs ne Zeruzalɛm soayã zutã la?

Zeremi 7:18

Kambã wʋkda raado, tɩ ba-rãmbã tugund bugum, tɩ pagbã nagd zom n maand miisd saasẽ dĩm-poakã yĩnga. La bãmb toogda reezẽ rãam n kõt wẽnnaam-dãmb a taab n sãamd mam sũuri.

Zeremi 7:9

Rẽ yĩnga, yãmb tõeeme n zuud la y kʋʋda, la y yooda, la y wẽend zĩrẽ wẽenego, la y yõogd wisd n kõt wẽn-naandg a Baalle, la y waoogd bu-zẽms wẽnnaam-dãmb yãmb sẽn ka mi,

Ezekiyɛl 16:18

Fo rɩka f fut nins b sẽn kãdã n pil wẽn-naandsã. La f rɩk m kaamã ne m wisdã n kõ-ba.

Ezekiyɛl 24:14

Yaa maam a Sẽn-Ka-Saab n yeele. Bõn-kãng na n waame, maam n na n pids-a. Mam kõn tol n bas tɩ bũmb ba a yembr vaale, mam kõn maan nimbãan-zoeere, la m kõn maan m bãngẽ ye. B na n kaoo fo bʋʋd wa sẽn zems f manesmã ne f tʋʋmã. Maam a Zu-soab a Sẽn-Ka-Saab n yeele.»

A Ooze 11:2

La b zãaga b mens ne sẽn boond-b bãmbã. Bãmb maana maand a Baall yĩnga. La b yõog wisd bõn-naandsã yĩnga.

A Ooze 8:6

Yãmb sãnem nag-bilã yita Israyɛlle. Ka Wẽnnaam n naan-a ye, yaa tʋʋm-mit n dõog-a. Woto yĩnga, b na n wãa Samaari nag-bilã.

A Zowɛlle 2:11

Sẽn-Ka-Saab lʋɩ b tãb-biisã taoor n tãsdẽ, bãmb tãb-biisã sõor yaa kʋʋngo, sẽn sakd-b bãmb noorã tara pãnga. Bala, Sẽn-Ka-Saab daarã yaa ra-kãsenga, la a seka yɛɛsg wʋsgo. Dẽ, ãndã n na n tõog n põs ra-kãnga?

Tʋʋma 7:41

Dẽ, badaare b maana nag-bila, n maan maoong n kõ wẽnd-naandgã, la b maana sũ-noog ne bũmb ning b mens nus sẽn maanã.

Yaoolem 28:20

Sẽn-Ka-Saab na n tʋma kãab-wẽngã t'a sig yãmb zugu, bãmb na n yɛɛsa yãmb n kẽes-y rabeem y tʋʋmã fãa pʋgẽ, hal tɩ yãmb wa sãam zãnga, n menem tao-tao, yãmb manesmã sẽn yaa wẽngã, la yãmb sẽn bas maamã yĩnga.

Yaoolem 31:16

Sẽn-Ka-Saab yeela a Moyiis yaa: «Gese, fo na n kiime n bʋʋg f saam-dãmba. La nebã na n yikame n tũ buud a taab wẽnnaam-dãmba, tẽng ning bãmb sẽn na n zĩndã pʋgẽ. Bãmb na n basa maam n sãam mam kaool ning mam sẽn maan ne bãmbã.

Zozuwe 24:20

Yãmb sã n bas Sẽn-Ka-Saab n sak wẽn-sãamse, bãmb na n wẽnemd n bas-y lame, n sɩbg-yã, la b na n menes-y lame, baa ne b sẽn dag n maan yãmb neerã.»

Vẽnegre 9:20

La neb a taabã sẽn kell tɩ to-kãensã ka kʋ wã ka tek yam n kos sugr tʋʋm nins b nusã sẽn tʋmã yĩng ye. Bãmb ka bas zĩn-dãmb ne wẽn-naands sẽn maan ne sãnem la wanzuri, la zũudu, la kuga, la raadã waoogr ye. Wẽn-naandsã ka tõe n yãnd wall b wʋme, wall b kẽn ye.