Zeremi 1:15 - WẼNNAAM SEBRE 2014

¹⁵ Maam a Sẽn-Ka-Saab yetame: Ade, mam na n boola buud toay-toayã sẽn be wĩndg sẽn lʋɩtẽ dɩtg soolem-dãmbã pʋgẽ wã. Bãmb na n waame, la b rĩm-dãmbã ned kam fãa na n vigla a naam geer Zeruzalɛm tẽngã rignoyẽ. B na n gũbga a lalgã ne Zʋʋda tẽms a taabã fãa.

SEBR SÕNGO

¹⁵ Maam n yeele, mam na n boola goabg rãmba, b sagsa ne b rĩundã. B na n waame, n vigl b rĩm dãmba naam goeel Zerizalɛɛm dignoy wã. B na n gũbga a lalsã. B na n taka zabre ne Zɩɩda tẽnsa fãa.

Zeremi 1:15 Iomraidhean Croise

A Ezayi 22:7

Zeruzalɛm, fo tãn-lond nins sẽn yaa neeb n yɩɩdã pida ne zabr saar-dãmba, la wed-rʋʋdbã yasa f tẽngã rignoorẽ n dat n zab ne-fo.

Zeremi 10:22

Kelg-y bʋrg rãamde! A kolgdame! Bʋr-kãseng n yit tẽng ning sẽn be nug-rɩtgã. A tãb-biisã na n kɩtame tɩ Zʋʋda tẽmsã lebg raboodo, la we-baas gãas zĩisi.

Zeremi 10:25

Pʋdg-y y sũ-yikrã bu-zẽmsã sẽn ka mi yãmbã zutu, la buud nins sẽn ka pʋʋsd ne yãmb yʋʋrã zutu. Bala, bãmb dɩ a Zakoob yagensã zãnga, n sãam b yiyã.

Zeremi 13:20

Zeruzalɛm nebã, zẽk-y y neng n gese. Ges-y neb nins sẽn yi tẽng ning sẽn be wĩndg sẽn lʋɩtẽ nug-rɩtg n watẽ wã. Neb nins mam sẽn kõ yãmb tɩ y gʋʋl wa piis tɩ rag n yaa y waoogrã bee yɛ?

Zeremi 25:28

«La bãmb sã n zãgs tɩ b ka na n deeg wamdã sẽn be fo nugẽ wã n yũ, bɩ f yeel-b tɩ Saasẽ-Pãng-Soabã yetame: ‹Yaa tɩlɛ tɩ y yũ! Y na yũ-a lame!›

Zeremi 25:9

mam na n kɩtame tɩ buud nins fãa sẽn be wĩntoog sẽn lʋɩtẽ dɩtgã, ne Babilond dĩm a Nebukatnedzaar sẽn yaa m tʋmtʋmdã, wa zab ne tẽn-kãngã nebã, la ne buud nins sẽn gũbg-a wã. Mam na n menesa bãmb n kɩt tɩ tẽngã lebg zĩ-vɩʋʋg wakat fãa yĩnga, tɩ neb sã n yãnd-a, bɩ b yɛɛs n fɩɩle.

Zeremi 33:10

Maam a Sẽn-Ka-Saab yetame: «Yãmb yetame tɩ zĩ-kãngã yaa vɩʋʋgo, tɩ ned wall rũng ka leb n be beenẽ ye. Zʋʋda tẽmsã pʋse, ne Zeruzalɛm soayã sẽn yaa vɩɩdã zutu, b na n leb n wʋma

Zeremi 34:1

Babilond dĩm a Nebukatnedzaar ne a tãb-biisã fãa la soolem nins fãa yẽnda sẽn dag n so wã, la nebã fãa rag n yika zabr ne Zeruzalɛm la a tẽn-kɩremsã fãa. Yaa wakat-kãng la Sẽn-Ka-Saab gom ne a Zeremi n yeel-a yaa:

Zeremi 34:22

Mam na n kõo noor tɩ b lebg n wa tẽn-kãngã pʋgẽ, n zab n deeg-a, n ning-a bugum. Mam na n kɩtame tɩ Zʋʋda tẽmsã lebg raboogo, tɩ ned ka leb n zĩnd beenẽ yɛs ye. Maam a Sẽn-Ka-Saab n yeele.› »

Zeremi 39:3

Dẽ, Babilond dĩmã nanambsã kẽngame n tɩ zĩnd tẽngã rignoor ning b sẽn boond tɩ tẽn-sʋk rignoorã. Yaa a Nergall-Saretsɛɛr ne a Samgaar-Nebu, la sõgen-kãseng a Sarsekim ne tãb-biisã na-kãseng a Nergall-Saretsɛɛre, ne Babilond dĩmã nanambs a taabã fãa.

Zeremi 4:16

Keoog-y buud toay-toayã, la y moon n togs Zeruzalɛm nebã yaa: «Bɛɛb n yi tẽn-zãrgẽ n watẽ. Bãmb zẽkda b koees n tãsd Zʋʋda soolem tẽmsã.

Zeremi 4:6

Zẽk-y tãb-kaoor n tees Sɩyõ sẽnẽ! Zoe-y la y ra yals ye! Bala, mam kɩtame tɩ toog ne sãan-kãseng yi wĩndg sẽn lʋɩtẽ dɩtg tẽngã n watẽ.

Zeremi 43:10

Yeel Zʋʋda nebã tɩ maam a Saasẽ-Pãng-Soabã sẽn yaa Israyɛll Wẽnnaamã yetame: ‹Mam na n kɩtame tɩ b tɩ tall Babilond dĩm a Nebukatnedzaar sẽn yaa m tʋmtʋmdã n wa ka. Mam na n kɩtame t'a tilg a naam geerã kug-kãensã mam sẽn solgã zutu, la a na n tilga a zãndã kug-bãmb zutu.

Zeremi 44:6

Woto yĩnga, mam sũ-yikrã ne m sũ-puugrã widga wa bugum n dɩ Zʋʋda tẽmsã ne Zeruzalɛm soayã, tɩ b lebg raboodo, la zĩ-vɩɩdo, n ket n yaa a woto hal tɩ ta rũndã.

Zeremi 46:24

Yãnd tara Ezɩpt tẽn-neerã nebã. B basa bãmb wĩntoog sẽn lʋɩtẽ dɩtg tẽngã neb nugẽ.

Zeremi 5:15

Maam a Sẽn-Ka-Saab yetame: «Israyɛll nebã, ade, mam na n kɩtame tɩ buud sẽn yit zĩ-zãrgẽ wa zab ne-yã. Yaa buud sẽn tar pãng hal kʋdem-wẽndẽ. Yãmb ka mi b buudã sẽn gomd gomd ning ye, yãmb ka na n wʋm b sẽn gomdã võor me ye.

Zeremi 6:22

Sẽn-Ka-Saab yetame: «Ade, neb n yit tẽng ning sẽn be rɩtgã n watẽ. Bu-kãseng n yit dũniyã kɩremsã n watẽ.

Zeremi 9:11

Ãnda soab n tar yam n tõe wʋm bõn-kãensã võore? Bɩ Sẽn-Ka-Saab sẽn kõ ned ning bõn-kãens bilgrã togse. Bõe yĩng tɩ tẽngã sãame, n lebg wa we-raoog sẽn dɩ bugum tɩ ned ka leb n tũud be n loogdẽ?

Kʋʋr yɩɩla 5:11

Bãmb yõga pagbã n sãam bãmb Sɩyõ tẽngã pʋgẽ. La b maana pʋg-sadbã me woto Zʋʋda tẽmsã pʋsẽ.

Ezekiyɛl 32:30

Ad tẽms nins fãa sẽn be nug-rɩtgã nanambsã, ne Sɩdõ nebã fãa sẽn naag sẽn ki-bã n sigã. Baa ne bãmb sẽn yɩ gãndaad n dag n kẽesd nebã rabeemã, bãmb dɩɩ yãnde. Nin-bãmbã sẽn ka kẽ bãongã gãeeme n naag sẽn pa-b tãpẽ wã, la bãmb ne sẽn sigd-b bokẽ wã rɩɩ yãnde.

A Zowɛlle 2:20

Mam na n diga yãmb nug-rɩtg bɛɛbã tɩ b zãag ne-yã, mam na n dig-b lame n tɩ kẽes tẽn-koɛɛng sẽn yaa vɩ-raoog pʋgẽ, m na n diga b tãb-biis nins sẽn deng taoorã n kẽes ko-kãsengã sẽn be yaangã pʋga, la m dig b tãb-biis nins sẽn pa poorẽ wã n kẽes ko-kãsengã sẽn be nin-taoorã pʋga. Bãmb na n põogame tɩ b yũugã zẽke, b põogrã yũug na n wulumda zĩig zãnga, bãmb sẽn maan yel-bɛdã yĩnga.

Zakari 6:6

Wed-mo-sablsã sẽn tɛt saar a yembrã yi n teesa nug-rɩtg tẽmsã sẽnẽ, tɩ wed-mo-peelsã yi n pʋgl bãmba. La wed-mo-pẽrem-pẽrmã yi n teesa nug-goabg tẽmsã sẽnẽ.