Zeremi 1:11 - WẼNNAAM SEBRE 2014

¹¹ Sẽn-Ka-Saab goma ne maam n yeele: ‹Zeremi, foom nee bõe? La mam leokame tɩ m nee tɩɩg ning sẽn ningd-a puud tao-tao wã willa.

SEBR SÕNGO

¹¹ Soaala-Wẽnd le goma ne maam n yeele: «Bõe la f ne Zeremi?» Tɩ m leoke: «M nee tɩɩg willi, tɩɩg ning sẽn yãgd ne puud wekra willẽ.»

Zeremi 1:11 Iomraidhean Croise

Sɩngrẽ 30:37

A Zakoob kɛɛga pepliye, noabga la gãaka, raoog n pẽeg b paokã n gilgi, t'a peelmã puki, tɩ yaa sabl-sabla, la pɛɛl-pɛɛla.

A Ezayi 55:11

woto me, gomd ning sẽn yit mam noorẽ wã, ka na n lebg n wa mam nengẽ n ka maan a tʋʋmde, n ka pids mam tʋlsmã, la a ka maan bũmb ning yĩng mam sẽn tʋm-a t'a maanã ye.

Zeremi 24:3

La peoog a yembrã kankam dag n yaa põaas tɩ ned ka tõe n dɩ ye. Sẽn-Ka-Saab soka maam yaa: «Zeremi, fo nee bõe?» La mam leokame tɩ m nee kankam pet a yiibu, tɩ peoog a yembrã kankam yaa sõama wʋsgo, t'a yembrã kankam yaa põaas tɩ ned ka tõe n dɩ ye.

Ezekiyɛl 12:25

Bala, mam yaa Sẽn-Ka-Saabo, la mam sẽn na n yeel bũmb ningã, m na n yeel-a lame. Yaa gomd sẽn na n paam pidsg yãmb zamaanã pʋga, n ka leb n kaoos ye. Buud sẽn yaa tõata, mam sẽn na n yeel bũmb ningã, m na n pids-a lame. Maam a Zu-soab a Sẽn-Ka-Saab n yeele.»

Ezekiyɛl 12:28

Woto yĩnga, yeel-b tɩ Zu-soab a Sẽn-Ka-Saab yetame: «Gomd ning fãa mam sẽn na n yeel na n paama pidsg n ka leb n kaoos ye. Maam a Zu-soab a Sẽn-Ka-Saab n yeele.»

Ezekiyɛl 7:10

Ade, daarã waame, a watame! Wakatã watame! Dasaarã ningda puudu! Tɩtaamã lebgda wʋsgo!

A Amoose 7:8

Zu-soabã soka maam yaa: ‹Amoose, fo nee bõe?› La mam yeelame tɩ m nee makdga. La Sẽn-Ka-Saab yeelame yaa: Mam makda m nebã ne makdga, la m ka na n leb n kõ-b sugr yɛs ye.

A Amoose 8:2

La b soka maam yaa: Amoose, fo nee bõe? La mam yeelame tɩ m nee peoog sẽn pid ne tɩɩs bi-moaama. La Zu-soabã yeela maam yaa: Israyɛll sẽn yaa mam nebã sɛɛb wakat taame. Mam ka na n leb n kõ-b sugr ye.

Zakari 4:2

Yẽnda soka maam yaa: «Fo nee bõe?» La mam leokame: «Mam nee fɩtl doagendg sẽn yaa sãnem gilli, n tar tʋk sẽn be a yĩngrã, la fɩtl-dãmb a yopoe n dog a zugu, la fɩtl fãa tara yõgneg zĩis a yopoe sẽn be a zugẽ wã.

Zakari 5:2

La malɛɛkã yeela maam yaa: «Fo nee bõe?» Mam leokame: «Mam nee seb-pindg sẽn laande, t'a woglmã yaa kãntɩɩg pisi, t'a yalmã yaa kãntɩɩg piiga.»

Sõadga 17:8

Woto, a Moyiis ne a Aarõ kẽnga sɛk roogã noore.