Zake 5:5 - WẼNNAAM SEBRE 2014

⁵ Yãmb vɩɩmda rɩ-n-tɩk pʋgẽ, la teed sẽn nags sʋka. Yãmb wuba y mens sãoong daarã yĩnga.

SEBR SÕNGO

⁵ «M yĩnga kõn yãe toogo, a na tɩg faongo» n yɩ yãmb vɩɩma tẽng zugu la y sɩd rɩ-la y pãngẽ, n nob wa rũng sẽn nobe, n gũud koos naaba.

KÃAB-PAALGÃ KOE-NOOGO

⁵ Yãmb vɩɩmda rɩ-n-tɩk pʋgẽ, la teed sẽn nags sʋka. Yãmb wuba y mens sãoong daarã yĩnga.

Zake 5:5 Iomraidhean Croise

Yɩɩn‑sõamyã 17:14

Sẽn-Ka-Saabo, zẽk-y y nug n sõng-m tɩ m põs dũni-kãngã nebã! Bãmb pʋɩɩr yaa tɩ b yiis-b nin-vɩɩsã sʋka, la y yũnug-b toog ning yãmb sẽn bĩng b yĩngã. Kɩt-y tɩ sɩbg-kãng sek b kambã, n kell n bĩng b yagense!

Yɩɩn‑sõamyã 73:7

Bãmb nobame n pidi, la bãmb sũyã tags-wẽnsã yaa n looga nugu.

Yelbũna 17:1

F sẽn na n wãb bur-gɩrg n yaool n zĩ ne bãan n são zak sẽn pid ne nemdo, tɩ yaool n yaa zaba.

Yelbũna 7:14

«Mam dag n pʋlmame n na maan zems-n-taar maoongo. Dẽ, yaa rũndã la mam pids pʋlen-kãnga.

Kowelɛt 11:9

Bi-bɩɩga, maan sũ-noog f bi-bɩɩlmã wakate, la f noog f sũur f bɩʋʋngã wakate, n tũ soay nins f sũurã sẽn date, la f ninã sẽn getã. La bɩ f bãng tɩ Wẽnnaam na n bʋʋ ne foom bõn-kãens fãa yĩnga.

A Ezayi 22:13

La gese, yãmb bas n maanda sũ-noog n kɩdemdẽ! La y kʋʋd rũm-bɛda, la y koot rũm-bãoonego, n wãbd nemd la y yũud reezẽ rãam n yetẽ: «Bɩ d rɩ la d yũ, bala, beoogo, d na n kiime!»

A Ezayi 3:16

Sẽn-Ka-Saab yetame yaa: «Sɩyõ kom-pugli wã sẽn yaa tɩtaam dãmbã yĩnga, bãmb sẽn nak b nens yĩngrã yĩnga, bãmb sẽn nagd ne b ninã yĩnga, la b sẽn kẽnd n tĩmsd b nao tɩ b buglã maand bʋʋrã yĩnga,

A Ezayi 47:8

Moasã, vɩ-noanga, kelg koe-kãngã, fo zĩi ne pel-kɛgeng n yetẽ: «Ned ka be n ta maam ye! Mam kõn tol n yɩ pʋg-kõor ye, la b kõn tol n dees mam kambã n bas-m ye!»

A Ezayi 56:12

Bãmb yeelame: «Wa-y tɩ m na n waa ne reezẽ rãam, tõnd na n yũu rã-toose! Beoog me, d na n leb n maana a woto. Rãamã sẽn ketã yaa wʋsgo!»

Zeremi 12:3

La yãmb a Sẽn-Ka-Saabo, yãmb mii maam, yãmb nee maam. Yãmb feesa maam n yãnd tɩ m sũurã tagsg bee ne yãmba. Yiis-y nin-wẽnsã kɛɛng wa piis b sẽn yõg n na n tɩ kʋ. Welg-y bãmb toor kʋʋbã daar yĩnga.

Zeremi 25:34

Nanambse, zẽk-y y koees n yãbe! Gãand-y tom pʋgẽ n bilme! Bala, wakat taame tɩ b na n kood yãmb n yʋlme. Yãmb na n lʋɩɩ wa laok sẽn tar yõodo.

Ezekiyɛl 16:49

Ad kongr ning fo yao-bi-pugl a Sodom sẽn kongã: yẽnda maana tɩtaam, yẽnda rag n dɩt n tɩgdame, yẽnda ne a tẽn-bãoonegã rag n vɩɩ bãan n ka yɛɛsd yelle, la b rag n ka maand baa fɩ n na n paas naong-rãmbã ne nimbãan-dãmbã raood ye.

Ezekiyɛl 39:17

Zu-soab a Sẽn-Ka-Saab yetame: «Foom a ninsaala, yeel bõn-yɩgdɩ buud fãa, ne we-rũmsã fãa yaa: ‹Yi-y zĩig zãng n wa tigim, tigm-y taab mam maoongã maaneg yĩnga. Maoong ning mam mengã sẽn na n maan yãmb yĩngã. Yaa maoon-kãseng ning mam sẽn na n maan Israyɛll tãmsã zutã! Yãmb na n wãba nemd la y yũ zɩɩm.

A Amoose 6:1

Sẽn vɩ-b Sɩyõ tẽngã pʋg ne bãanã na n paama toogo! Sẽn be-b Samaari tãngã zug tɩ b sũur keemẽ wã, ne tẽn-kãsengã nin-kãsems Israyɛll nebã sẽn kẽnd-b rãmb nengẽ wã na n paama toogo!

A Luk Sõng 16:19

Rao a ye n dag n be n yaa arzɛk soaba, n yeelgd fu-sõama sẽn yaa neeba. La daar fãa, a tara bũmb fãa tɩ seke, t'a vɩɩmã ya noog wʋsgo.

A Luk Sõng 16:25

A Abrahaam leoka yẽnda n yeele: «M biiga, bɩ f tẽeg tɩ fo paama arzegs f vɩɩmã wakate, la t'a Lazaar paama toodo. La moasã, yẽnda paamda belsg ka, tɩ fo be toog pʋgẽ.

Rom Dãmba 13:13

Tɩ d kẽn ne pʋ-peelem, wa neb sẽn kẽnd wĩndga, n ka rɩt tɩ loogdẽ, la d ka rã-yũudba, n da maan raglem la yoobo, wall ka wʋm-taaba la sũ-kiir ye.

1 Tɩmote 5:6

La pʋg‑kõor ning sẽn vɩ yĩng sũ-noog pʋgẽ yaa kũum, baa ne a sẽn vɩ wã.

2 Tɩmote 3:4

zãmb rãmba, sũ-tʋʋls rãmba, tɩ wuk-m-meng leo b ninã, tɩ b nong b sũ-noogã n yɩɩd b sẽn nong Wẽnnaamã.

2 Pɩyɛɛr 2:13

Bãmb tʋʋm wẽnsã yĩnga, b na n deega tʋʋm wẽns yaoodo. Bãmb getame tɩ tʋm wẽngã ratem tʋʋm ne wĩntoog yaa sũ-noog bũmbu. Bãmb yaa wẽns la rẽgdo, la b sẽn naagd yãmb n dɩtẽ wã wakate, b maanda sũ-noog ne b zãmbã.

A Zʋʋde 1:12

Bãmb n wat ne yɛl yãmb ba-biir nonglem dɩɩbã wakatã, n kɩdemd be n ka zoet yãnde, n dɩt n digda. B yaa wa sawat sẽn ka koom tɩ sobg rɩkd-ba, n yaa wa tɩɩs sʋʋgr wakat tɩɩs sẽn ka tar biisi, tɩɩs sẽn kʋɩ n leb n kʋɩ, n vigs n gãe.

Vẽnegre 18:7

Yẽnda sẽn waoog a meng n kẽ nagma pʋgẽ n ta zĩig ningã, kɩt-y t'a toogã ne a sũ-sãangã ta a boto. Bala, a yeta a sũurẽ yaa: Mam zĩi wa rĩm-poaka, mam ka pʋg‑kõore, la mam kõn tol n paam kũum sũ-sãang ye.

1 Sãmwɛlle 25:36

A Abigayɩll sẽn lebg n ta a Naball yiri, a mikame t'a maanda tigr wa rĩm tigri. A Naball sũurã rag n yaa noog hal wʋsgo. Yẽnda yũu reezẽ rãam t'a neng yilimdẽ. La a Abigayɩll ka togs-a baa fɩ, hal tɩ beoogã vẽege.

1 Sãmwɛlle 25:6

la b yeel-a yaa: «Bɩ yãmb ne y yirã la bũmb nins yãmb sẽn so wã fãa zĩnd ne bãane!