Zake 5:4 - WẼNNAAM SEBRE 2014

⁴ Ade, tẽn-tʋmdb nins sẽn tigs yãmb koodã tɩ yãmb yaool n ka yao-bã kelemdame. Tigsdbã kelems zẽk n taa pãn-kẽemd soabã tʋbẽ.

SEBR SÕNGO

⁴ Kelg-y rãamde: neb la yãmb dɩk yã tɩb wa tigs y koodo la y maana zãmbo n pa yao-b ye; ad-y yaa bãmb n kelemde la b kɛlenga sãag n lʋɩ Pãng Soaba tʋbrẽ.

KÃAB-PAALGÃ KOE-NOOGO

⁴ Ade, tẽn-tʋmdb nins sẽn tigs yãmb koodã tɩ yãmb yaool n ka yao-bã kelemdame. Tigsdbã kelems zẽk n taa pãn-kẽemd soabã tʋbẽ.

Zake 5:4 Iomraidhean Croise

Sɩngrẽ 4:10

Dẽ, Wẽnnaam leb n yeel-a lame: «Yaa bõe la fo sẽn maanã? Fo yao wã zɩɩm bee tẽn-gãongã zug n kelemdẽ tɩ tat maam.

A. Zoobe 34:28

Nin-wẽns kɩtame tɩ naong rãmb yãbd n boond Wẽnnaam. La Wẽnnaam wʋmda nimbãan-nebã kɛlenga.

A. Zoobe 7:2

Wa yamb sẽn baood maasmã, la wa tʋmtʋmd sẽn gũud a yaoodã,

Yɩɩn‑sõamyã 9:12

Bɩ y yɩɩl n pẽg Sẽn-Ka-Saab sẽn dɩt naam Sɩyõ wã. Moon-y bãmb tʋʋm-kãsemsã nebã sʋka!

Yikri 22:27

Ra tʋʋs Wẽnnaam ye. La f ra kãab f nebã naab wẽng ye.

Yikri 3:9

Moasã, Israyɛll nebã kelems taa maam. La sẽn paas me, mam yãnda namsg ning Ezɩpt nebã sẽn namsd bãmbã.

A Ezayi 1:9

Saasẽ-Pãng-Soabã sã n dag n ka basẽ tɩ neb bilf põse, tõnd dag n na n lebgẽ-la wa Sodom tẽngã, tõnd dag n na n wẽnegẽ-la Gomoore.

A Ezayi 5:7

Ade, Saasẽ-Pãng-Soabã reezẽ tɩɩs pʋʋgã yaa Israyɛll nebã. La tɩɩs nins bãmb sẽn dag n nongã yaa Zʋʋda nebã. Sẽn-Ka-Saab rag n tagsdame tɩ b na n yãnda zemsg beenẽ, la b mika zɩɩm daagr bala! Bãmb dag n tagsdame tɩ b na n yãnda tɩrlem beenẽ, la b mikame tɩ yaa b sẽn kʋʋd-b rãmbã kelems n be beenẽ.

A Ezayi 5:9

Ad wẽeneg ning Saasẽ-Pãng-Soabã sẽn wẽen tɩ mam wʋme: «Hakɩɩka, ro-bãmbã sẽn yaa wʋsgã na n sãamame, ned kõn leb n zĩnd ro-bɛd-bãmbã sẽn yaa neebã pʋs ye.

Zeremi 22:13

Toog bee ned ning sẽn maand wẽgd n met a roog zugu! Yẽnda maanda zãmb n met a yĩngr doogo, la a kɩtdẽ t'a taab tʋmd zaalem, t'a ka kõt bãmb b yaood ye.

Maan‑kʋʋre 19:13

Bɩ f ra wẽg f to, la ra zu-a ye. Da bas f tʋm-tʋmd yaood f nengẽ n vẽeg beoog ye.

Abakuk 2:11

Baa kugã sẽn be lalsã zutã na n kelmame, tɩ sug-raoogã sẽn be sugrã zugã reesdẽ.»

Malasi 3:5

Saasẽ-Pãng-Soabã yetame: «Ade, mam na n wa y nengẽ, n wa kao y bʋʋdo. M na n yika tao-tao n mong nin-bãmbã bʋʋm: yaa bagbã, ne yoaadbã, la neb nins sẽn ka pidsd b pʋlengã, la sẽn zãmbd-b b tʋmtʋmdba, ne pʋg-kõap la kɩɩbse, la b maand sãamb pãnga, n ka zoet maamã.

A Matiye Sõng 9:37

Dẽ a Zeezi yeela b karen-biisã yaa: «Koodã sẽn dat tigsgã yaa wʋsgo, la tigsdbã sõor paoodame.

A Luk Sõng 18:7

Dẽ, Wẽnnaam kõn sõng bãmb nin-tũusdsã sẽn zẽkd b koees wĩndg la yʋng n kot bãmbã sɩda? B na kaoos n sõng-ba?

Rom Dãmba 9:29

La a wa a Ezayi sẽn da pĩnd n yeelã, Saasẽ sodaas naabã sã n dag ka kellẽ tõnd buudã, tõnd dag n na n lebgẽ la wa Sodom, la tõnd dag n na n wẽnegẽ‑la Gomoore.

Yaoolem 15:9

Gũus f meng n da wa paam tags-yood n yeele: «Yʋʋm a yopoe yʋʋmdã sẽn yaa bas taal yʋʋmdã kolgdame» n ka zoe f saam-biigã sẽn yaa naong soabã nimbãanega, n mong-a bũmbu, fo yĩng sã n kɩt t'a yãb ne Sẽn-Ka-Saabo, fo na n konga bʋʋm.

Kolos Rãmba 4:1

Zu-soben-dãmba, yao-y y tʋmtʋmdbã ne tɩrlem la wa sẽn zemse, yãmb sẽn mi tɩ yãmb me tara Zu-soab arzãn pʋgẽ wã yĩnga.