Zake 4:5 - WẼNNAAM SEBRE 2014

⁵ Yãmb tẽedame tɩ Wẽnnaam gʋls-sõamyã sẽn yet tɩ: «Yaa ne sũ-kiir la Wẽnnaam nong sɩɩg ninga b sẽn kɩt tɩ b be yãmb pʋgẽ wã.» B gomda zaalem la?

SEBR SÕNGO

⁵ Y tẽedame tɩ yaa zaalem la Sebra yet woto: Wẽnd data ne raab kãsenga zʋg-sõng ning b sẽn pʋdg tõndã?

KÃAB-PAALGÃ KOE-NOOGO

⁵ Yãmb tẽedame tɩ Wẽnnaam gʋls-sõamyã sẽn yet tɩ: Yaa ne sũ-kiir la Wẽnnaam nong sɩɩg ninga b sẽn kɩt tɩ b be yãmb pʋgẽ wã, b gomda zaalem laa?

Zake 4:5 Iomraidhean Croise

Sɩngrẽ 26:14

A Izak rag n tara rũm-bãoonego, la rũm-bɛd wʋsgo, la a tar tʋmtʋmdb wʋsgo. Woto kɩtame tɩ Filistẽ-dãmbã maan sũ-kiir ne a Izak paoongã.

Sɩngrẽ 30:1

A Rasɛll sẽn mik tɩ yẽnda ka rog a Zakoob biigã, a maana sũ-kiir ne a kẽem a Leya. A Rasɛll yeela a Zakoob yaa: «Kõ-y maam kamba, sã n ka rẽ, mam na n kiime!»

Sɩngrẽ 37:11

A Zozɛf kẽem-dãmbã maana sũ-kiir ne yẽnda. La a Zozɛf ba a Zakoob rag n bĩngda yel-kãensã a sũurẽ.

Sɩngrẽ 38:9

La a Onan sẽn ges tɩ kambã ka na n yɩ yẽnda kambã yĩnga, a sã n na n kẽ ne a kẽemã paga, a basdame tɩ rogmã bõn-buud koom raagd tẽnga, sẽn na n yɩlẽ n da rog kamb a kẽemã yʋʋr yĩng ye.

Sɩngrẽ 6:5

Sẽn-Ka-Saab gesame tɩ ninsaalbã wẽngã lebga wʋsg dũniyã zugu, la daar fãa, ninsaal tagsda wẽng maaneg yell bala.

Sɩngrẽ 8:21

Sẽn-Ka-Saab wʋma yũ-noogã, la bãmb yeela b sũurẽ: «Mam ka na n leb n kãab dũniyã kãab-wẽng ninsaal yĩng ye. Bala, hal ninsaal yãadem wakate, a tagsda wẽng maaneg bal a sũurẽ. La mam ka na n leb n sãam bõn-vɩɩsã wa mam sẽn zoe n maanã ye.

Yɩɩn‑sõamyã 106:16

Sik zĩigẽ wã, tõnd yaab-rãmbã maana sũ-kiir ne a Moyiisi, la ne a Aarõ, Sẽn-Ka-Saab sẽn welg-a soab toorã.

Yɩɩn‑sõamyã 37:1

A Davɩɩd yɩɩlle. Ra yik f sũur ne nin-wẽng ye. Ra maan sũ-kiir ne tʋʋm-wẽns maandbã ye.

Yelbũna 21:10

Nin-wẽng ratmã fãa yaa wẽng maaneg bala, la a ka zoet ba a zoa nimbãaneg ye.

Kowelɛt 4:4

Mam yãndame tɩ tʋʋm nins fãa nebã sẽn maandã, la tõogr ning nebã sẽn tõogd b tʋʋmã pʋgã, yaa sũ-kiir la ned kam fãa maand ne a to. Woto me yaa zaalem, la a wẽnda wa ned sẽn digd sebgo.

A Ezayi 11:13

Efrayiim nebã sũ-kiirã na n sɛɛme, la b na n menesa Zʋʋda bɛɛbã. Efrayiim nebã ka na n leb n maan sũ-kiir ne Zʋʋda nebã ye. La Zʋʋda nebã ka na n leb n zab ne Efrayiim nebã ye.

Sõadga 11:29

A Moyiis leoka a Zozoe yaa: «Fo maanda sũ-kiir mam yĩng la? Baa Sẽn-Ka-Saab sã n dag n pʋdg b Sɩɩgã Israyɛll nebã fãa zutu, n kɩt tɩ b lebg no-rɛɛsdba, yõwã ka yell ye!»

Sõadga 23:19

Wẽnnaam ka ninsaal n yagd zĩrẽ ye, La bãmb leb n ka ninsaal n tekd yam ye! Bãmb sã n yeel bũmbu, b pidsd-a lame.

A Zã Sõng 10:35

Sã n yaa tɩ tõogã boola Wẽnnaam sẽn gom ne neb ninsã tɩ wẽnnaam-dãmba (tõnd miime tɩ ned ka tõe n sãam Wẽnnaam gʋls-sõngã ye),

A Zã Sõng 19:37

Wẽnnaam gʋls-sõngã yeela zĩig a to yaa: «Bãmb na n gesa ned ning bãmb sẽn dag n kõsã.»

A Zã Sõng 7:42

Wẽnnaam gʋls-sõamyã ka yeel tɩ «Kirisã na n yɩɩ a Davɩɩd yagenga, n dog Betlehɛm sẽn yaa a Davɩɩd tẽngã» sɩda?

Tʋʋma 7:9

La Zʋɩf-rãmbã yaab-rãmb maana sũ-kiir ne a Zozɛf n koos-a tɩ b tall-a n kẽng Ezɩpte.

Rom Dãmba 1:29

Ka-tɩrlem buud fãa, la pʋ-toogo, la yão-beedo, la wẽnga, la ratem-wẽnga, la nin-kʋʋbo, la zaba, la zãmbo, la sɩlem n pid bãmba.

Rom Dãmba 9:17

Bala, Wẽnnaam gʋls-sõamyã yeela Farawõ yaa: Mam zẽka foom ne m raabo, n na n tall foom n wilg m pãngã, tɩ b na moon mam yʋʋrã tẽng zug tɛk fãa.

1 Korẽnt rãmba 6:19

Yãmb zɩ tɩ yãmb yĩnga yaa Sɩɩg-sõng roogo, Sɩɩg-sõng yãmb sẽn deeg Wẽnnaam nengẽ, la tɩ yãmb ka leb n so y meng la?

2 Korẽnt rãmba 6:16

Bõe lagem-n-taar n be Wẽnnaam doogã ne wẽn-naands sʋka? Bala, tõnd yaa Wẽnnaam sẽn vɩ roogo, wa Wẽnnaam sẽn yeel tɩ: Mam na n zĩnda ne bãmba, la m kẽn bãmb sʋka. Mam na n yɩɩ bãmb Wẽnnaam, la bãmb na n yɩɩ mam nebã.

Galat Rãmba 3:8

Woto, Wẽnnaam gʋls-sõamyã sẽn pĩnd n neẽ tɩ Wẽnnaam na n kɩtame tɩ bu-zẽmsã yɩ tɩrs tẽeb yĩngã, b pĩnd n togsa a Abrahaam koe-no-kãngã n yeele: Buud fãa na n paama bark fo yĩnga.

A Titi 3:3

Bala, pĩnda tõnd me rag n yaa yalemba, la nin-kɩɩsdba, la neb sẽn bʋdge, la ratem wẽns buud toay-toay la sũ-no-yood n dag n so tõndo. Tõnd dag n vɩɩ pʋ-toog la sũ-kĩir pʋga, tõnd dag n kisa neb a taaba tɩ bãmb me kis tõndo.