Zake 4:4 - WẼNNAAM SEBRE 2014

⁴ Yãmb sẽn yaa nin-yoaadbã, yãmb ka mi tɩ dũni nonglem yaa beem ne Wẽnnaam la? Dẽ, ned sã n dat n yɩ dũni zoa, a yɩta Wẽnnaam bɛyã.

SEBR SÕNGO

⁴ Long rõaag, long sɩɩg kamba, yãmb pa mi tɩ zamaana nonglem yaa beem ne Wẽnd laa? Sẽn data n yɩ zamaana zoa lebgda Wẽnd bɛyã.

KÃAB-PAALGÃ KOE-NOOGO

⁴ Yãmb sẽn ya nin-yoaadbã, yãmb ka mi tɩ dũni nonglem yaa beem ne Wẽnnaam laa? Dẽ, ned sã n dat n yɩ dũni zoa, a yɩta Wẽnnaam bɛyã.

Zake 4:4 Iomraidhean Croise

Sɩngrẽ 3:15

Mam na n ninga beem foom ne pagã sʋka, la fo yagengã ne pagã yageng sʋka. Pagã yageng na n bedsa fo zugu, la fo na n pogla yẽnda nao-kãsenkãare.»

Yɩɩn‑sõamyã 21:8

Rĩmã teega Sẽn-Ka-Saabo, la Sẽn-Ka-To nonglmã yĩnga, a ka vigsd ye.

Yɩɩn‑sõamyã 50:18

Fo sã n yãnd wagdre, fo sũur nooma ne-a, la fo tɩ naaga yoaadba.

Yɩɩn‑sõamyã 73:27

Bala, sẽn zãagd-b b mens ne yãmbã na n sãamame. Yãmb menesda neb nins fãa sẽn basd yãmbã.

A Ezayi 57:3

Yãmb a pʋg-bag-bʋgd kambã, pʋg-koos-m-meng kambã, yãmb dãmb sẽn maand yoobo, kolg-y ka!

Zeremi 2:2

«Kẽng n tɩ zẽk f koɛɛg n gom ne Zeruzalɛm nebã n yeel-b tɩ Sẽn-Ka-Saab yetame: ‹Mam tẽra yãmb bi-bɩɩlem wakatẽ pʋ-peelmã yelle. Yãmb dag n nonga maam wa pʋg-paal sẽn nong a sɩda, n tũ maam we-raoogẽ wã, zĩig ning bũmb sẽn ka tõe n yiẽ wã.

Zeremi 9:2

Bãmb rõnega b zɛlmã wa tãpo, n yagd zĩrẽ. Bãmb sẽn tar pãng tẽngã pʋgẽ wã ka sɩd la b maand ye. Bãmb tʋʋmd yaa wẽng woo wẽng maanego, la bãmb ka mi maam ye. Maam a Sẽn-Ka-Saab n yeele.

Ezekiyɛl 16:32

Pʋg-yoodr basda a sɩd n maand yoob ne sãamba.

A Ooze 3:1

Sẽn-Ka-Saab yeela maam yaa: Leb n kẽng n tɩ nong pag ning sẽn dag n bas-a foom n tɩ rɩk rao a to n maan yoobã, wa Sẽn-Ka-Saab sẽn nong Israyɛll nebã, baa ne b sẽn wẽnemd n bas bãmb n tũud buud a taab wẽnnaam-dãmbã, la b nong wẽn-naandsã.

A Matiye Sõng 12:39

A Zeezi leok-b lame n yeele: Zamaan‑kãngã neb sẽn yaa nin-wẽns la yoaadbã kota bãnde, la b kõn kõ bãmb bãnd a to tɩ sã n ka Wẽnnaam no-rɛɛs a Zonaas bãndã ye.

A Matiye Sõng 16:4

Zamaan neb sẽn yaa wẽns la yoaadbã baooda bãnde. La b ka na n kõ bãmb bãnd a to tɩ ka a Zonaas bãndã ye.» La a Zeezi basa bãmb n looge.

A Matiye Sõng 6:24

Ned ba a yembr ka tõe n sak zu-soben-dãmb a yiib ye. Bala, a na n kisga a yembr la a nong a to wã, wala a loe a meng ne a yembr la a paoog a to wã. Yãmb ka tõe n sak Wẽnnaam la y sak arzegs me ye.

A Luk Sõng 19:27

La sẽn keta, tall-y mam bɛɛbã sẽn da ka rat tɩ mam soog-bã n wa ne ka. Kood-y-b mam nifẽ ka.»

A Zã Sõng 15:19

Yãmb sã n dag n yaa dũniyã rẽnda, dũniyã neb dag n na nong bũmb nins a sẽn so. La yãmb sẽn ka dũniyã rẽnda, n paas mam sẽn tũus yãmb n yiis dũniyã neb sʋkã yĩnga, dũniyã rãmb kisa yãmba.

A Zã Sõng 17:14

Mam kõo bãmb yãmb goamã, la dũniyã neb kisga bãmba, bala, bãmb ka dũniyã neb wa mam me sẽn ka dũni nedã.

A Zã Sõng 7:7

Dũni wã ka tõe n kisg yãmb ye. B kisa maam, bala, mam kɩta kaset tɩ b tʋʋmã yaa wẽnse.

Rom Dãmba 5:10

Bala, sã n yaa tɩ tõnd sẽn dag n ket n ya bɛɛbã, tõnd yellã ne Wẽnnaamã paama yiisg bãmb Bi-riblã kũum yĩnga, moasã yellã sẽn sa wã, tõnd kõn paam fãagr bãmb vɩɩmã yĩng n yɩɩd sɩda?

Rom Dãmba 8:7

Bala, yĩngã ratem sakr yaa beem ne Wẽnnaam, tɩ bõe, yĩngã ka sakd Wẽnnaam tõogã ye, la a pʋs n ka tõe n sak-a me ye.

1 Korẽnt rãmba 1:20

Yam soabã bee yɛ? Tõog karen-saambã bee yɛɛnẽ? Zamaan‑kãngã no-koɛɛm wẽedã bee yɛ? Dẽ yĩnga, Wẽnnaam ka kɩt tɩ dũni yam lebg yalemd sɩda?

1 Korẽnt rãmba 1:21

Bala, dũni wã sẽn ka tũnug Wẽnnaam yamã n bãng bãmbã, a meng yamã pʋgẽ wã yĩnga, a taa Wẽnnaam yam tɩ tall koe-moonegã yalemda n fãag neb nins sẽn tẽedã.

Galat Rãmba 1:10

Dẽ wã, mam dat n taa nebã yam bɩ, bɩ Wẽnnaam yam? Dẽ yĩnga, mam baoodame tɩ maan sẽn noom nebã la? Mam sã n dag n ket n maandẽ sẽn noom nebã, mam dag n kõn yaẽ a Kiris tʋmtʋmd ye.

Zake 1:27

Ba a Wẽnnaam taoore, wẽn-tũudum sẽn yaa yɩlemde, n ka tar wada, yaa tɩ kẽng n ges kɩɩbse la pʋg‑kõap b yel-pakr pʋse, la tɩ gũus f meng ne dũni rẽgdo.