Zake 4:1 - WẼNNAAM SEBRE 2014

¹ Maoorã ne zabã sẽn be yãmb sʋkã yita yɛ, sã n ka yãmb datem sẽn maood ne taab yãmb yĩngã wil pʋsẽ wã pʋgẽ?

SEBR SÕNGO

¹ Y sẽn be ne taab tɩ ya zab la mo-beedã, dẽ yita yɛ? Ka y zʋg wẽnga sẽn gudgd pʋgẽ wã laa?

KÃAB-PAALGÃ KOE-NOOGO

¹ Maoorã ne zabã sẽn be yãmb sʋkã yita yɛ, sã n ka yãmb datem sẽn maood ne taab yãmb yĩngã wil pʋsẽ wã pʋgẽ?

Zake 4:1 Iomraidhean Croise

Zeremi 17:9

Ninsaal sũurã pida ne zãmb n yɩɩd bũmb fãa, la a yaa wẽng wʋsgo! Ãnda n tõe n bãng-a?

A Matiye Sõng 15:19

Bala, tags-wẽnse, nin-kʋʋre, yoobo, raglem, wagdem, zĩrẽ la kãnegr yita sũur pʋgẽ.

A Zã Sõng 8:44

Yãmb ba la Sʋtãanã, la yãmb dat n pidsa y ba wã raabo. A yɩɩ nin-kʋʋd hal sɩngr wẽndẽ tɩ ta moasã, la a ka pa sɩd pʋgẽ ye, sɩd sẽn ka be yẽnda pʋgẽ wã yĩnga. A sã n yagd zĩrẽ, yaa a pʋga fãa la rẽnda, bala, a yaa zĩrẽ-yagda, la zĩrẽ wã ba.

Rom Dãmba 7:23

La mam yãta tõog a to mam yĩnga wilẽ, t'a maood ne mam yam-wekrã tõogã, n kɩtd tɩ mam ya yel-wẽnã sẽn be mam yĩngã wilẽ wã tõog yamba.

Rom Dãmba 7:5

Bala, wakat ning yĩngã ratmã sẽn dag n so tõndã, tõogã kɩtame tɩ yel-wẽnã ratem yik n dag n tʋmd tõnd yĩngã wil pʋsẽ, n kɩtdẽ tɩ tõnd womd biis sẽn wat ne kũum.

Rom Dãmba 8:7

Bala, yĩngã ratem sakr yaa beem ne Wẽnnaam, tɩ bõe, yĩngã ka sakd Wẽnnaam tõogã ye, la a pʋs n ka tõe n sak-a me ye.

Galat Rãmba 5:17

Bala, yĩngã tara ratem sẽn yaa lebend ne Wẽnnaam Sɩɩgã rẽnda, la Wẽnnaam Sɩɩgã tara ratem sẽn yaa lebend ne yĩngã rẽnda. B kɩɩsda taaba, tɩ yãmb kõn maan y sẽn datã ye.

Kolos Rãmba 3:5

Dẽ wã yĩnga, kɩt-y tɩ y dũni ka yalẽ wã ki. Yaa yoobo, tʋʋm-rẽgdo, wẽng maaneg ratem, datem wẽnse, la rat-wʋsgo, sẽn yaa wa wẽn-naands pʋʋsgo.

2 Tɩmote 2:23

Zãgs no-koɛɛm sẽn yaa yalemdo la sẽn ka yõodã, fo sẽn mi tɩ b wata ne zabã yĩnga.

A Titi 3:3

Bala, pĩnda tõnd me rag n yaa yalemba, la nin-kɩɩsdba, la neb sẽn bʋdge, la ratem wẽns buud toay-toay la sũ-no-yood n dag n so tõndo. Tõnd dag n vɩɩ pʋ-toog la sũ-kĩir pʋga, tõnd dag n kisa neb a taaba tɩ bãmb me kis tõndo.

A Titi 3:9

Lak ne yalem goamã, la rot rɩkre, la ka-wʋmd-taaba, la nokoɛɛma tõog poorẽ. Bala, b ka tar yõodo la b yaa gom vɩɩdo.

Zake 1:14

La ned kam fãa paamda makre, a mengã ratem sẽn tusd-a n belgd-a wã yĩnga.

Zake 4:3

Yãmb kotame la y ka paamd ye, bala bũmb ning yãmb sẽn tags n kosã ka sõama ye. Yãmb kotame n dat n tall n maan y yĩnsã sẽn datã.

1 Pɩyɛɛr 1:14

Bɩ y yɩ kom-sakdse, la y ra sak wẽng ratem nins yãmb sẽn dag n sak wakat sẽn looge, y sẽn dag n be y zɩɩlmã pʋgã ye.

1 Pɩyɛɛr 2:11

Mam zo-nongdse, yãmb sẽn yaa sãamb la kaoos-wetã, mam sagenda yãmb tɩ y ra sak yĩngã ratem wẽnsã sẽn zabd ne sɩɩgã ye.

2 Pɩyɛɛr 2:18

Ne bãmb wuk-m-meng goamã sẽn yaa vɩɩdã, b rɩkda b yĩngã ratem sẽn yaa tʋʋm-dẽgdã n belgd neb nins sẽn nan lak b mens ne neb nins sẽn vɩ-b wẽng maaneg pʋgẽ wã.

2 Pɩyɛɛr 3:3

Sẽn deng bũmb fãa, bãng-y tɩ yaoolem wakate, neb sẽn laad neb n na n zĩndi. B na n yaala yãmba, b na n yɩɩ neb sẽn sakd b mens yĩngã ratem.