Zake 3:6 - WẼNNAAM SEBRE 2014

⁶ Zelemd me yaool n yaa bugum, a yaa wẽng zĩ-kãsenga. Zelemd bee tõnd yĩnga wila sʋka, a rẽgemda yĩngã tõre, la a wɩngda tõnd vɩɩmã tõr t'a lebg basɩ. A bugmã yita bug-tẽnga.

SEBR SÕNGO

⁶ Zelemd yaa tõnd yĩnga wilga la a me yaa bugum n pid ne wẽnem. A rẽgemda tõnd yĩngã, a rɩta d vɩɩma zãnga la a moka a bugma bugum yiri.

KÃAB-PAALGÃ KOE-NOOGO

⁶ Zelemd me yaool n yaa bugum, a yaa wẽng zĩ-kãsenga. Zelemd bee tõnd yĩnga wila sʋka, a rẽgemda yĩngã tõre, la a wɩngda tõnd vɩɩmã tõr t'a lebg bas. A bugma yita bug-tẽnga.

Zake 3:6 Iomraidhean Croise

2 Sãmwɛlle 16:20

A Absalom yeela a Ayitofɛll yaa: «Bɩ y yẽs ne taab tɩ d bãng d sẽn segd n maan-a soaba!»

2 Sãmwɛlle 19:43

Zʋʋda nebã leoka Israyɛll nebã yaa: «Yaa rĩmã sẽn yaa tõnd roogã nedã yĩnga. Yaa wãn tɩ yãmb sũy yikd yõwã yĩnga? Yaa rĩmã n dag n dɩlgd tõnd la? Bɩ rĩmã kõo tõnd bũmbu?»

2 Kibayã 13:17

A Abiya ne a nebã tõoga bãmb ne tõogr kãsenga. Bãmb kʋʋ Israyɛll neb nins sẽn mi zabr sõama wã tus kobs-nu.

Yɩɩn‑sõamyã 140:3

Nin-bãmb saagda saag-wẽns b sũyã pʋse, bãmb baooda zabr daar fãa.

Yɩɩn‑sõamyã 64:3

Bɩ y solg maam ne nin-wẽnsã saagrã, Zãag-y maam ne tʋʋm-wẽns maandbã.

Yelbũna 15:1

Leok-bʋgsg sigsda sũuri, la gom-kɛgeng paasda sũ-puugri.

Yelbũna 16:27

Nin-yaalg segendame n na n maan wẽnga, la yẽnda noorã goam yaa wa bug-vɩlenga.

Yelbũna 6:19

la kaset zĩrẽ soab sẽn yagd zĩrẽ, ne ned sẽn wat ne zab ba-biis ne taab sʋka.

Yelbũna 7:5

Woto, b na n gũu foom ne f to paga, la ne pʋg-sãang sẽn gomd no-noom goamã.

A Ezayi 30:27

Ade, Sẽn-Ka-Saab yʋʋrã yita zĩ-zãrg n watẽ. Bãmb sũ-yikrã yaa kãseng n wat ne toogo. Bãmb noorã pida ne sũ-yikri, la b zelemdã yaa wa bugum sẽn dɩta.

A Ezayi 50:11

Yãmb dãmb fãa sẽn yõgen bugum, la y zãad pɛɛm sẽn yaa bug-vɩlensã, Tall-y y pɛɛmã sẽn yaa bug-vɩlensã y sẽn yõgnã n kẽ-y y bugmẽ wã, kẽ-y wʋngã pʋga! Yaa mam meng nug n kɩt tɩ bõn-kãng paam yãmba. Yãmb na n kii toog pʋgẽ!

Zeremi 20:10

Mam wʋmda neb wʋsg sẽn wɩt maam n yetẽ: «A ‹Yɛɛsg-n-be-zĩigã-fãa!› » Wilg-y-yã a sẽn beẽ! Wilg-y-yã a zĩiga! Mam zo-rãmbã fãa geta maam n gũud m lʋɩɩse. Bãmb yetame: «Wa-y tɩ d belg-a tɩ daarning bɩ d tõog n dok d sũur ne-a.

Zeremi 28:16

Bõn-kãng yĩnga, Sẽn-Ka-Saab yetame: Mam na n menesa foom dũniyã zugu. Rõandã bala, fo na n kiime, fo sẽn kɩt tɩ nebã kɩɩs Sẽn-Ka-Saabã yĩnga.

Maan‑kʋʋre 24:11

Israyɛll bi-pugl-kãng biigã tʋʋsa Sẽn-Ka-Saab n paoog b yʋʋrã. La b tall-a lame n kẽng a Moyiis nengẽ. Bi-kãng ma wã yʋʋr boondame t'a Selomiti, n yaa a Dibri bi-pugla, n yaa Dan buudã neda.

Sõadga 25:2

La Moaab kom-pugli wã kɩtame tɩ Israyɛll nebã kʋ maand n kõ bãmb wẽn-naandsã. Dẽ, Israyɛll nebã naaga Moaab kom-pugli wã n wãb b maandã nemdo, la b pʋʋs b wẽn-naandsã.

Sõadga 31:16

Yãmb mensã bãng n sɛɛme tɩ yaa Madiyã pagb la sẽn kelg a Balaam saglsã, n kɩt tɩ Israyɛll nebã wẽnemd n bas Sẽn-Ka-Saabo, Pewoor wẽn-naandg a Baall yellã wakatã. La yaa yel-kãng pʋgẽ, la bã-wẽngã paam Sẽn-Ka-Saab nebã.

A Matiye Sõng 12:24

La Fariizẽ-dãmbã sẽn wʋm woto, b yeelame: «Dao-kãngã ka rigd zĩn-dãmbã tɩ sã n ka ne zĩn-dãmbã naab a Belzebull pãng ye.»

A Matiye Sõng 5:22

La mam yeta yãmb tɩ ned sũur sã n yik ne a ba-biiga, a zemsame tɩ bʋ-kaoodbã kao yẽnda bʋʋdo. Ned sã n yeel a ba-biig t'a ka bark ye, a zemsame tɩ kaorengã yɛl bʋ-bʋʋdbã kao a bʋʋdo. La ned sã n yeel a ba-biig tɩ yalma, yẽnda soab zemsa bug-tẽnga.

A Mark Sõng 7:15

Bũmb ka be n kẽed ninsaal pʋgẽ n tõe n kɩt t'a lebg rẽgd ye. Yaa bũmb ning sẽn yit ninsaal pʋgẽ wã n kɩtd t'a lebg rẽgdo.

A Luk Sõng 16:24

Yẽnda zẽka a koɛɛg n yeel: «M ba a Abrahaam! Zoe-y mam nimbãanega, n tʋm a Lazaar t'a tẽk a nug-bil koomẽ n wa n wʋlg m zelemdã. Bala, mam namsda wʋsg bug-kãngã pʋgẽ.»

Tʋʋma 20:30

La neb n na n yik yãmb sʋkã n zãmsd nebã sẽn ka sɩda, n maan a woto n belg tẽedbã tɩ b tũ-ba.

Tʋʋma 5:3

La a Pɩyɛɛr sok-a lame yaa: Ananiyaase, yaa bõe tɩ Sʋtãanã soog fo sũurã halɩ n kɩt tɩ f yag zĩrẽ ne Sɩɩg-sõng n yãk pʋʋgã ligd fo sẽn koosã?

Tʋʋma 6:13

Bãmb waa ne zĩrẽ kaset dãmb tɩ b yet t'a Etɛn tʋʋda zĩ-sõngã la tõogã n ka basdẽ ye.

Yaoolem 13:6

No-rɛɛs-kãng wall zãmsdã soab tog n kiime. Bala, yẽnda zãmsa neb tɩ b zãgs Sẽn-Ka-Saab sẽn yaa yãmb Wẽnnaamã sẽn yiis yãmb Ezɩpt yembd pʋgẽ wã, n dat n kɩt tɩ y bʋdg n bas sor ning Sẽn-Ka-Saab sẽn yaa yãmb Wẽnnaamã sẽn yeel yãmb tɩ y tũ wã. Yaa woto la y na n yiis bũmb ning sẽn yaa wẽngã yãmb sʋka.

A Titi 1:11

F tog n kɩtame tɩ b sĩndi. Bãmb lubda zags zãnga n zãmsd nebã bũmb sẽn ka zems ye, n baood paoong ne zãmbo.

Zake 2:7

Dẽ yĩnga, ka bãmb n paoogd yʋ-sõng ning Wẽnnaam sẽn kõ yãmbã?

Zake 3:7

Ninsaal wõra we-rũmsã buud fãa, liuuli buud fãa bõn-vuuds buud fãa, koomẽ rũms buud fãa, n kɩt tɩ b sakd yẽnda.

2 Pɩyɛɛr 3:3

Sẽn deng bũmb fãa, bãng-y tɩ yaoolem wakate, neb sẽn laad neb n na n zĩndi. B na n yaala yãmba, b na n yɩɩ neb sẽn sakd b mens yĩngã ratem.

3 Zã 1:10

Yaa woto yĩng tɩ mam sã n wa wa, mam na n tẽega tʋʋm nins yẽnda sẽn maandã, a sẽn saad n gomd tõnd yell wẽngã. Tɩ rẽ ka sek-a ye. Yẽnda mengã ka reegd ba-biisã ye, la yẽnda gɩdgda neb nins sẽn dat n deeg-bã, la a rigd-b n yiisd Kiris tẽedbã sʋka.

Vẽnegre 12:9

B riga wag‑bɛ-kãsengã, wag-kʋdrã b sẽn boond tɩ rõatã la a Sʋtãana, soab ning sẽn belgd tẽngã zĩig ning fãa neb sẽn be wã nebã. B tusa yẽnda ne a malegsã n lob tẽng zugu.

Vẽnegre 13:14

Ne bãn b sẽn kõ-a noor t'a maan pipi rũngã taoorã, a belga nebã sẽn be tẽng zugã, n yeel-b tɩ b maan rũng ning sẽn paam poglg ne zabr sʋʋg n kell n põsã bõn-naandga.

Vẽnegre 18:23

Fɩtl vẽenem kõn leb n yãg be ye, la ned kõn leb n wʋm pʋg-paal sɩd ne a pʋg-paalã koees beenẽ yɛs ye. Bala, fo toandbã dag n yaa dũni nin-kãsemse, fo belga soolem dãmbã fãa ne f bagrã.

Vẽnegre 19:20

La b yõka rũngã ne zãmb no-rɛɛs ning sẽn dag n maan bõn-yɛɛsds rũngã taoor n belg neb nins sẽn deeg rũngã bãndã la b wõgemded yẽnda bõn-naandgã taoorã. B loba bãmb b yiibã fãa vɩɩs bugum mogr pʋgẽ zĩig ning kidbr sẽn dɩtã.