Zake 3:15 - WẼNNAAM SEBRE 2014

¹⁵ Yam‑kãng ka yam sẽn yit yĩngr ye. A yita tẽng zug n yaa yĩng rẽnda, la zĩn-dãmb dẽnda.

SEBR SÕNGO

¹⁵ Fo sã n yagd zirẽ n na n kõ f meng bʋʋm, bãng tɩ yam kãng ka yit yĩngri soaba nengẽ ye, a yaa tẽng zug yam, a yaa rũng bɩ Sʋtãan dẽnna;

KÃAB-PAALGÃ KOE-NOOGO

¹⁵ Yam kãng ka yam sẽn yit yĩngr ye. A yita tẽng zug n ya yĩng rẽnda, la zĩn-dãmb dẽnda.

Zake 3:15 Iomraidhean Croise

2 Sãmwɛlle 13:3

A Amno rag n tara a zoa t'a yʋʋr boondẽ t'a Yonadaabe. A Yonadaab rag n yaa a Davɩɩd kẽem a Simeya biiga, la a rag n tara sɩlem wʋsgo.

2 Sãmwɛlle 15:31

B wa n togsa a Davɩɩd t'a Ayitofɛll bee ne neb nins sẽn naag a Absalom n dat n maan a Davɩɩd wẽngã sʋka. La a Davɩɩd zẽka a koɛɛg n pʋʋs n yeele: «Sẽn-Ka-Saabo, m kot-y lame tɩ y kɩt t'a Ayitofɛll saglsã yɩ zaalem.»

2 Sãmwɛlle 16:23

Wakat-kãnga, b rag n kelgda a Ayitofɛll saglsã fãa wa yaa Wẽnnaam meng n gomde. A Davɩɩd ne a Absalom dag n geelgda a Ayitofɛll saglsã wa goam sẽn yit Wẽnnaam nengẽ.

Zeremi 4:22

Sẽn-Ka-Saab yetame: «Sɩd-sɩdã, mam nebã ka tar yam ye. Bãmb ka mi maam ye. Bãmb yaa yalemba, b ka tar bãngr ye. Bãmb sẽn mi yaa wẽng maaneg bala, b ka tol n mi neer maaneg ye.»

A Luk Sõng 16:8

La a zu-soaba pẽga a tʋʋmã taoor soab sẽn ka tɩrgã, a sẽn maan yamã yĩnga. Bala, dũni‑kãnga neb maanda yam ne taaba, n yɩɩd vẽenem kambã.

A Zã Sõng 3:17

Sɩd me, Wẽnnaam ka tʋm b Bi-riblã dũniyã zug tɩ b kao ninsaalbã bʋʋd ye, la yaa tɩ nebã na paam fãagr bãmb maasem yĩnga.

A Zã Sõng 8:44

Yãmb ba la Sʋtãanã, la yãmb dat n pidsa y ba wã raabo. A yɩɩ nin-kʋʋd hal sɩngr wẽndẽ tɩ ta moasã, la a ka pa sɩd pʋgẽ ye, sɩd sẽn ka be yẽnda pʋgẽ wã yĩnga. A sã n yagd zĩrẽ, yaa a pʋga fãa la rẽnda, bala, a yaa zĩrẽ-yagda, la zĩrẽ wã ba.

Tʋʋma 13:10

n yeel-a yaa: «Sɩlem-wẽng soaba, fo pida ne wẽnem sʋtãan biiga, f yaa tɩrlem fãa bɛyã. F ka na n bas Zu-soab so-tɩrsã sãoongo?

Rom Dãmba 1:22

Bãmb wukda b mens n yet tɩ b yaa yam dãmbã, la b lebga yalemba.

1 Korẽnt rãmba 1:27

La Wẽnnaam yãka dũni bũmb nins sẽn yaa yalemdã n na n ning yam dãmb yãnde. Wẽnnaam yãka dũni bũmb nins sẽn yaa pãn-komsmã n na n ning pãens rãmbã yãnde.

1 Korẽnt rãmba 2:14

La ninsaal sẽn yaa yĩng neongã ka tõe n deeg bũmb nins sẽn yit Wẽnnaam Sɩɩgã nengẽ wã ye. Bala, b yaa yalemd ne yẽnda. La a ka tõe n bãng-b ye. Bala, yaa ne Sɩɩg-sõngã la ned tagsd-b yelle.

1 Korẽnt rãmba 3:19

Bala, dũni yam yaa yalemd wẽnnaam taoore. Dẽ n kɩt tɩ b gʋls n yeel tɩ: Wẽnnaam yõkda yam dãmbã b sɩlmã pʋga.

1 Korẽnt rãmba 3:3

Sũ-kiirã ne ka-wʋm-taabã sẽn be yãmb sʋkã, dẽ yĩnga, yãmb ka neb sẽn sakd yĩngã ratem, la y kẽnd wa ninsaal sẽn maandã sɩda?

2 Korẽnt rãmba 1:12

Bala, bũmb ning sẽn kõt tõnd sũ-noogã, yaa tõnd sũ-bãngrã sẽn kɩt kaset tɩ dũni wã neb sʋka, tõnd kẽna ne sõmblem la pʋ-peelem sẽn yit Wẽnnaam nengẽ wã yĩnga, la d kẽna yãmb sʋk a woto n yɩɩda. La ka yɩ ne ninsaal yam ye, yaa ne Wẽnnaam barkã la d maan woto.

2 Korẽnt rãmba 11:3

La baoosgo, a wa waafã sẽn maan sɩlem n zãmb a Awa wã, mam yɛɛsdame tɩ yãmb yam na n wa wẽnemd n lebg wẽng n kɩt tɩ y bas y sõmblmã ne y pʋ-peelmã y sẽn tar Kiris yĩngã ye.

Filip rãmba 3:19

Bãmb baoosg na n yɩɩ sãoongo, bãmb pʋsã n yaa b wẽnnaam, bãmb maanda sũ-noog ne bũmb ning sẽn yaa yãnd b yĩngã. B ka tagsd bũmb tɩ sã n ka dũniyã yɛl bal ye.

2Tesalonik Rãmba 2:9

Wẽn-kɩɩsdã waoong na n yɩɩ ne a Sʋtãan pãnga, ne zĩrẽ bõn-bãn la bãna, la bõn-yɛɛsds buud toay-toaya,

1 Tɩmote 4:1

Sɩɩg-sõng togsa vẽeneg tɩ yaoolem wakate, neb kẽer na n basa tẽebo, n pʋg belgr sɩɩse, la zãmsg zĩn-dãmb sẽn kõta.

Zake 1:17

Kũun-sõng fãa la kũun sẽn zems zãng fãa yita yĩngri, vẽenem ba wã nengẽ. Tekre, wall toeoong ka be bãmb pʋgẽ baa bilf ye.

Zake 1:5

Yam sã n paoog yãmb ned a yembre, bɩ a kos Wẽnnaam sẽn kõt nebã fãa ne yamleoog n ka lengdẽ wã, la b na kõ-a yamã.

Zake 3:17

Yam sẽn yit yĩngrã yaa sõama zãnga, la sẽn paase, a baooda laafɩ, a wata ne sũ-bʋgsem, la sugri, la a pida ne nimbãan-zoeere la bi-sõamyã fãa, la a ka be bakre, la zãmb ye.

A Zʋʋde 1:19

Ad yaa, bãmb n wat ne welgre, n yaa neb sẽn vɩ yĩngã yĩnga, tɩ Wẽnnaam Sɩɩg ka b pʋgẽ ye.

Vẽnegre 12:9

B riga wag‑bɛ-kãsengã, wag-kʋdrã b sẽn boond tɩ rõatã la a Sʋtãana, soab ning sẽn belgd tẽngã zĩig ning fãa neb sẽn be wã nebã. B tusa yẽnda ne a malegsã n lob tẽng zugu.

Vẽnegre 2:24

La yãmb Tɩyatɩɩr neb a taabã fãa sẽn ka sakd zãms-kãngã, la sẽn ka bãng a Sʋtãan yel-solgdsã wa b sẽn mi n yetã, mam yeta yãmb tɩ m ka na n zɩlg yãmb zɩɩb a to ye.

Vẽnegre 9:11

Bãmb tara b naaba, bul-zulung malɛɛkã n so bãmba. A yʋʋr ne Ebre yaa ‹Abadõ› la ne Gɛrk yaa ‹Apolyõ,› [sẽn dat n togs tɩ sãamda.]