Zake 3:14 - WẼNNAAM SEBRE 2014

¹⁴ La sũ-ki-toaag sã n be yãmb sũuri, tɩ geesem-geesem me beẽ, da waoog-y y mense, la y da yag zĩrẽ n kɩɩs sɩdã ye.

SEBR SÕNGO

¹⁴ A sũura sã n wɩka ne sũ-kiiri la zab-taasem bɩ a gũus n da wa sak wakre la zirẽ-beed ye.

KÃAB-PAALGÃ KOE-NOOGO

¹⁴ La sũ-ki-toaag sã n be yãmb sũuri, tɩ geesem-geesem me beẽ, da waoog-y y mense, la y da yag zĩrĩ n kɩɩs sɩdã ye.

Zake 3:14 Iomraidhean Croise

Sɩngrẽ 37:11

A Zozɛf kẽem-dãmbã maana sũ-kiir ne yẽnda. La a Zozɛf ba a Zakoob rag n bĩngda yel-kãensã a sũurẽ.

Sɩngrẽ 38:9

La a Onan sẽn ges tɩ kambã ka na n yɩ yẽnda kambã yĩnga, a sã n na n kẽ ne a kẽemã paga, a basdame tɩ rogmã bõn-buud koom raagd tẽnga, sẽn na n yɩlẽ n da rog kamb a kẽemã yʋʋr yĩng ye.

2 Rĩm-dãmba 10:16

A Zehu yeela a Yonadaab yaa: «Wa n tũ maam, la fo na yãnd mam sẽn nong Sẽn-Ka-Saab to-to.» Woto, a Zehu talla a Yonadaab a saarã pʋga, tɩ b looge.

2 Rĩm-dãmba 10:31

La baa ne rẽ fãa, a Zehu ka sak Sẽn-Ka-Saab sẽn yaa Israyɛll Wẽnnaamã tõodã ne a sũur fãa ye. Yẽnda kell n maana yel-wẽn nins a Zeroboaam sẽn dag n maan n kɩt tɩ Israyɛll nebã lʋɩ kongr pʋgẽ wã.

A. Zoobe 5:2

Bala, yalem sũ-toog n kʋʋd-a, la ka-yam soab sũ-kiir n kʋʋd-a.

Yelbũna 14:30

Yam-gãneg kõta yĩns vɩɩm, la sũ-kiir yaa wa bãag sẽn dɩt kõaba.

Yelbũna 27:4

Sũ-puugr yaa wẽnga, la sũ-yikr ka sõama ye. La ãnda soab n tõe n yals sũ-ki-ned taoore?

A Ezayi 11:13

Efrayiim nebã sũ-kiirã na n sɛɛme, la b na n menesa Zʋʋda bɛɛbã. Efrayiim nebã ka na n leb n maan sũ-kiir ne Zʋʋda nebã ye. La Zʋʋda nebã ka na n leb n zab ne Efrayiim nebã ye.

Abakuk 1:3

Bõe yĩng tɩ yãmb bas tɩ m yãt tʋʋm-wẽnsã, bõe yĩng tɩ y get tõnd tɩ d be namsg pʋga? Sãoong ne wõr-taabã gũbga maam. Lebga zab taaba, tɩ nokoɛɛmã rãamd zẽkdẽ.

A Matiye Sõng 27:18

Bala, a rag n miime tɩ yaa sũ-kiir yĩng la b sẽn yõk a Zeezi n wa kõ yẽnda wã.

A Zã Sõng 16:2

B na n diga yãmb n yiis karen-dotã pʋse, la wakat pʋs n watame tɩ ned ning fãa sẽn na n kʋ-a yãmb na tẽ tɩ yẽnda maanda Wẽnnaam tʋʋmde.

Tʋʋma 13:45

Zʋɩf-rãmbã sẽn yã neb kʋʋngã, sũ-kiir yõk-b lame tɩ b kɩɩs a Poll goamã la b tʋ yẽnda.

Tʋʋma 26:9

Mam meng da tagsame tɩ m tog n zaba ne m pãng tɛka n kɩɩs Nazarɛt dao a Zeezi yʋʋrã.

Tʋʋma 5:17

La maan-kʋʋdbã kãsem ne neb nins fãa sẽn da be ne yẽnda wã, sẽn dat n togs tɩ Saduusẽ-dãmbã, yik n pida ne sũ-kiiri.

Tʋʋma 7:9

La Zʋɩf-rãmbã yaab-rãmb maana sũ-kiir ne a Zozɛf n koos-a tɩ b tall-a n kẽng Ezɩpte.

Rom Dãmba 1:29

Ka-tɩrlem buud fãa, la pʋ-toogo, la yão-beedo, la wẽnga, la ratem-wẽnga, la nin-kʋʋbo, la zaba, la zãmbo, la sɩlem n pid bãmba.

Rom Dãmba 13:13

Tɩ d kẽn ne pʋ-peelem, wa neb sẽn kẽnd wĩndga, n ka rɩt tɩ loogdẽ, la d ka rã-yũudba, n da maan raglem la yoobo, wall ka wʋm-taaba la sũ-kiir ye.

Rom Dãmba 2:17

Fo boonda f meng tɩ Zʋɩfe, n teegd tõogã, n waoogd f menga, f sẽn yaa wẽn-tũudã yĩngã.

Rom Dãmba 2:8

la neb nins no-koɛɛm sɩɩg sẽn tar tɩ b kɩɩsd sɩd la b sakd ka-tɩrlmã na n paama Wẽnnaam sũ-yikri la b sũ-puugri.

1 Korẽnt rãmba 13:4

Nonglem tara sũ-mare, nonglem sõngda neb a taaba, a ka maand sũ-kiir ye. Nonglem ka fʋʋmd a menga, a ka maand wilg-m-menga,

1 Korẽnt rãmba 3:3

Sũ-kiirã ne ka-wʋm-taabã sẽn be yãmb sʋkã, dẽ yĩnga, yãmb ka neb sẽn sakd yĩngã ratem, la y kẽnd wa ninsaal sẽn maandã sɩda?

1 Korẽnt rãmba 5:2

Tɩ yãmb yaool n wuk y mense. Yãmb ka maan sũ-sãang wa kũum yĩnga, tɩ b tõe n yiis ned ning sẽn maan a woto wã yãmb sʋk ye.

1 Korẽnt rãmba 5:6

Bũmb ning yãmb sẽn dɩkd n waoogd y mensã ka neer ye. Yãmb ka mi tɩ rã-bɩll bilf bal kɩtdame tɩ zom-nagdg tõr wuk la?

2 Korẽnt rãmba 12:20

Bala, mam zoeta m na n wa wa n mik tɩ yãmb ka ya wa mam sẽn datã ye, la tɩ yãmb da mik tɩ mam mengã ka ya wa yãmb sẽn datã ye. Mam yɛɛsdame tɩ welgre, la sũ-kiiri, la kis-taaba, la geesem-geesem, la wɩdga, la paoog-taaba, la wuk-m-meng la zũnglug na n wa zĩnd yãmb sʋka.

Galat Rãmba 5:15

La yãmb sã n wãbd taab wa baase, la y namsd taaba, bɩ y gũus n da wa gõdg n sãam taab ye.

Galat Rãmba 5:20

wẽn-naands pʋʋsgo, tɩɩm, beem, ka-wʋmd-taaba, sũ-kiiri, sũ-yikri, no-koɛɛma, welgre, yi-taaba,

Galat Rãmba 5:21

zoe-bõne, rã-tɩgre, yão-beedo, la bũmb sẽn wẽnd a woto. Mam pĩnd n keoogda yãmb wa mam sẽn da zoe n maanã. Neb nins sẽn maand bõn-kãensã kõn paam Wẽnnaam soolem tɩ yɩ b pʋɩɩr ye.

Galat Rãmba 5:26

Bɩ d da lebg wuk-m-mens rãmba, n baood taab noore, la d maand sũ-kiir ne taab ye.

Galat Rãmba 6:13

Bala, bãmb mensã sẽn yaa zũnsã, b ka sakd tõogã ye. La b ratame tɩ yãmb kɩt tɩ b kẽes-y bãongo, tɩ bãmb paam waoogr yãmb yĩn-neong yĩnga.

Filip rãmba 1:15

Yaa sɩd tɩ neb kẽer moonda a Kiris koɛɛgã sũ-kiir la geesem-geesem yĩnga. La neb kẽer moond-a-la ne yam sẽn yaa sõama.

Filip rãmba 2:3

Da maan-y bũmb baa fɩ ne geesem-geesem wall ne wuk-m-meng ye, la bɩ ned kam fãa paam sik-m-meng yam n tags tɩ neb a taaba yɩɩda yẽnda.

1 Tɩmote 2:4

Bãmb daab yaa tɩ nebã fãa paam fãagre, la b tõog n bãng sɩdã.

1 Tɩmote 6:4

soab‑kãng pida ne wuk-m-menga, la a ka mi baa fɩ ye. A sã n ka wẽed no-koɛɛma, la a ka maand zab gom-biis poorẽ, yaa bãag ne-a. Yaa bõn-kãens n wat ne sũ-kiiri, la ka-wʋm-taaba, la kãnegre, la tags-wẽng neb a taab zutu,

A Titi 3:3

Bala, pĩnda tõnd me rag n yaa yalemba, la nin-kɩɩsdba, la neb sẽn bʋdge, la ratem wẽns buud toay-toay la sũ-no-yood n dag n so tõndo. Tõnd dag n vɩɩ pʋ-toog la sũ-kĩir pʋga, tõnd dag n kisa neb a taaba tɩ bãmb me kis tõndo.

Zake 1:18

Bãmb n dog tõnd wa sẽn zems b raabo, sɩd-goamã maasem yĩnga, tɩ tõnd na lʋɩ bãmb bõn-naandsã fãa taoore.

Zake 3:16

Bala, sũ-kĩir la geesem-geesem sẽn be zĩig ningã, zũnglug la maan wẽns buud fãa bee be.

Zake 5:19

M ba-biisi, yãmb ned a yembr sã n menem n zãag ne sɩdã, tɩ ned a to leb n tall-a t'a wa a pʋgẽ,