Zake 3:1 - WẼNNAAM SEBRE 2014

¹ M ba-biisi, bɩ yãmb neb wʋsg da bao tɩ lebg karen-saam-dãmb ye. Bala, yãmb miime tɩ tõnd karen-saam-dãmbã bʋʋd na n yɩɩ toog n yɩɩda.

SEBR SÕNGO

¹ Bɩ yãmb sʋka, sẽn dat-b n lebg karen-saam-dãmba sõor da yɩ wʋsg tɩ loog ye. Karen-saamba sẽn na n wa ne bũmb ning yaa paas d bʋʋda toolem bala.

KÃAB-PAALGÃ KOE-NOOGO

¹ M ba-biisi, bɩ yãmb neb wʋsg da bao tɩ lebg karen-saamb dãmb ye, bala, yãmb miime tɩ tõnd karen-saamb dãmbã bʋʋd na n yɩɩ toog n yɩɩda.

Zake 3:1 Iomraidhean Croise

Maan‑kʋʋre 10:3

A Moyiis yeela a Aarõ yaa: «Sẽn-Ka-Saab rag n yeelame: ‹Neb nins sẽn kolgd maamã tog bãngame tɩ mam welga toore, la tɩ nebã fãa tõe n waoog maam.› » La a Aarõ ka leb n yeel tɩ bũmb yɛs ye.

Malasi 2:12

Ned ning sẽn maand-a woto, Sẽn-Ka-Saab na n menes-a lame, tɩ ned ka be n na n yeel tɩ bũmb ye. B na n yiis-a-la a Zakoob yagensã sʋka, b na n menesa ned ning sẽn wat-a ne kũun n kõt bãmbã. Baa a sã n yaa maan-kʋʋda.

A Matiye Sõng 10:24

Karen-biig ka yɩɩd a karen-saamb ye, la tʋmtʋmd ka yɩɩd a zu-soab ye.

A Matiye Sõng 23:13

Yãmba, tõog karen-saam-dãmbã, la Fariizẽ-dãmb sẽn yaa zãmb dãmbã, yãmb na paam toogo! Bala, yãmb pagda arzãn soolmã tɩ nebã ka tõe n kẽ ye. Yãmb mensã ka kẽede, la yãmb ka basd neb nins sẽn dat n kẽ wã me tɩ b kẽ ye.

A Matiye Sõng 23:14

[Yãmba, tõog karen-saam-dãmbã, la Fariizẽ-dãmb sẽn yaa zãmb dãmba, yãmb na paam toogo! Bala, yãmb sɛɛsda pʋg‑kõap paoongo, n pʋʋsd pʋʋs-wogd n belgd nebã. Bõn-kãng yĩnga, yãmb sɩbgr na n yɩɩ toog n yɩɩda.]

A Matiye Sõng 9:11

Fariizẽ-dãmbã sẽn yã rẽnda, b soka a Zeezi karen-biisã yaa: «Yaa bõe tɩ yãmb karen-saambã rɩt ne yaood-dɛɛgdb la yel-wẽn maandba?»

A Luk Sõng 16:2

Yẽnda boola tʋʋmã taoor soab n yeel-a yaa: «Bõe tɩ b gomd fo yell a woto tɩ mam wʋmdẽ? Wilg maam fo tʋʋmã sẽn yɩ to-to. Bala, fo ka na n leb n yɩ mam tʋʋmã taoor soab ye.»

A Luk Sõng 6:37

Da bʋ-y ned bʋʋd ye, la b kõn bʋ yãmb bʋʋd ye. Da kao-y ned bʋʋd ye, la b kõn kao yãmb bʋʋd ye. Maan-y sugri, la b na maan yãmb me sugri.

A Zã Sõng 3:10

A Zeezi leoka yẽnda: «Fo yaa Israyɛll karen-saam-kãsenga, n yaool n ka mi rẽnda?

Tʋʋma 13:1

Wẽnnaam no-rɛɛsdb la karen-saam-dãmb n dag n be a Zeezi tẽedbã sẽn be Ãntiyoosã sʋka. Yaa a Barnabaas ne a Sɩmyõ b sẽn boond t'a Nizɛɛr ne a Lisiyuus sẽn yit Sirɛn la a Manayɛn sẽn wub rĩm a Erood ba wã zakẽ, ne a Solle.

1 Korẽnt rãmba 12:28

Wẽnnaam ninga neb b roogẽ wã: pipi rãmb yaa tẽn-tʋmdbã, tɩ Wẽnnaam no-rɛɛsdbã ya yiib rãmba, tɩ karen-saam-dãmbã ya tãab rãmba. Rẽ poore, bõn-bãn maaneg kũun n be, tɩ maagr kũuni, sõngr kũuni, lʋɩ neb taoor kũuni, gom-zẽn buud toay-toay kũun n pʋgda.

2 Korẽnt rãmba 5:10

Bala, yaa tɩlɛ tɩ tõnd fãa yals Kiris bʋʋdã geer taoore, tɩ b keo ned kam fãa wa sẽn zems tʋʋm nins yẽ sẽn tʋmã yĩngã pʋgã. Sã n yaa tʋʋm-sõamyã wall tʋʋm-wẽnse.

Efɛɛz Rãmba 4:11

Yaa bãmb n kɩt tɩ neb kẽer yɩ tẽn-tʋmdbã, tɩ kẽer yɩ bãmb no-rɛɛsdba, tɩ kẽer yɩ koe-noogã moaandba, tɩ kẽer yɩ pe-kɩɩmba la karen-saam-dãmba,

1 Tɩmote 1:7

Bãmb dat n yɩɩ a Moyiis tõog karen-saam-dãmba, n yaool n ka wʋmd b sẽn gomdã, la b sẽn yetã võor ye.

1 Tɩmote 2:7

Wẽnnaam yãka maam tɩ m moon kaset‑kãnga, la m yɩ tẽn-tʋmda (mam yeta sɩda, mam ka yagd ye,) la m zãms bu-zẽmsã ne tẽebo la ne sɩda.

2 Tɩmote 1:11

Wẽnnaam yãka maam tɩ m yɩ koe-no-kãng moaanda, a tẽn-tʋmda, a karen-saamba.

Ebre rãmba 13:17

Sak-y yãmb taoor dãmbã noore, la y sakd-ba. Bala, bãmb geta yãmb sɩɩsã yelle, bãmb sẽn na n gom b yell Wẽnnaam taoorã yĩnga. Maan-y y sẽn tõe tɩ b na ges y yell ne sũ-noogo, la ka ne wõosg tɩ rẽ ka na n zĩnd yõod ne yãmb ye.

Zake 1:16

M ba-bi-nongdse, da tudg-y y mens ne yel-kãng ye:

Zake 1:19

M ba-bi-nongdse, bãng-y yõwã neere: Woto, bɩ ned fãa wɩng ne kelgre, la a maag ne goamã, la a maag ne sũ-yikri.

Zake 3:10

Bark la kãab-wẽng yita noor a yembr pʋgẽ. M ba-biisi, a ka tog n yɩɩ a woto ye.

1 Pɩyɛɛr 5:3

La ka tɩ y soog nebã b sẽn gũnug yãmbã ne pãng ye, la yaa tɩ yãmb na yɩ mamsg wʋsg piisã yĩnga.