Zake 2:9 - WẼNNAAM SEBRE 2014

⁹ La yãmb sã n get nebã n tũusd-ba, yãmb maanda yel-wẽnde, la tõogã kɩtame tɩ yãmb bãng tɩ y beegame.

SEBR SÕNGO

⁹ La y sã n be tẽngre n bakd ned ne a to, y maanda yel-wẽnde, la y na n dɩɩ taale, tɩ y tõdgda Noorã.

KÃAB-PAALGÃ KOE-NOOGO

⁹ La yãmb sã n get nebã n tũusd-ba, yãmb maanda yel-wẽnde, la tõogã kɩtame tɩ yãmb bãng tɩ y beegame.

Zake 2:9 Iomraidhean Croise

Maan‑kʋʋre 19:15

Da kao bʋʋd kegr ye. Ra mong naong soab bʋʋm a naongã yĩnga, la f ra kõ nin-kãseng bʋʋm a sẽn yaa nin-kãsengã yĩng ye. Bɩ y kao ba-biig bʋʋd tɩrga.

A Zã Sõng 16:8

La b sã n wa, b na n kɩtame tɩ dũniyã neb sak n deeg sẽn kẽed ne yel-wẽnã yelle, la tɩrlemã yelle, la bʋʋdã yelle.

A Zã Sõng 8:46

Ãnda yãmb sʋkã n na n wilg maam tɩ m maana yel-wẽnde? Mam sã n togsda sɩda, bõe tɩ yãmb ka tẽed maam?

A Zã Sõng 8:9

Tõog karen-saam-dãmbã ne Fariizẽ-dãmbã sẽn wʋm gom-kãngã, tɩ b sũyã kaset kao b bʋʋdo, b yii yembr yembre, sẽn sɩng ne kãsem hal tɩ ta yaoolem soaba. La a Zeezi paa b yembr ne pagã sẽn dag n yɛs nebã sʋkã.

Tʋʋma 10:34

Dẽ, a Pɩyɛɛr gomame n yeel yaa: Moasã, mam sɩd bãngame tɩ Wẽnnaam ka tũusd neb ye.

Rom Dãmba 3:20

Sɩdã, ned baa a yembr ka na n paam zemsg Wẽnnaam taoor tõogã sakr yĩng ye. Bala, tõogã kɩtdame bal tɩ ned bãng yel-wẽnd sẽn yaa a soaba.

1 Korẽnt rãmba 14:24

La nebã fãa sã n togsd pĩnd-n-bãngr goamã, tɩ ned sẽn ka tẽeda, wall kɛlgd bal wa, nebã fãa goamã kẽed-a lame, b fãa bʋʋda yẽnda bʋʋdo,

Galat Rãmba 2:19

Sɩd me, sã n yaa ne tõogã wɛɛngẽ, mam yaa kũum tõogã maasem yĩnga, tɩ m tõe n vɩɩmd Wẽnnaam yĩnga.

Yaoolem 1:17

Yãmb sã n na n bʋ bʋʋdã, bɩ y ra maan welgr nebã ne taab sʋk ye. Kelg-y nin-talsã ne nin-bɛdã. Ra-y zoe-y ned ba a yembr nif ye. Bala, yaa Wẽnnaam n so bʋʋdo. La yellã sã n yaa toog ne yãmb tɩ y ka tõe n bʋ a bʋʋdo, bɩ y tall-a n wa mam nengẽ tɩ m kelg-a.»

1 Zã 3:4

Ned ning fãa sẽn maand yel-wẽnde, a kɩɩsda tõogã me. Yel-wẽna yaa tõogã kɩɩsgo.

A Zʋʋde 1:15

n na n bʋ nebã fãa bʋʋdo, la b kɩt tɩ tʋʋm-wẽns maandbã yals n togs tʋʋm-wẽns nins fãa b sẽn maanã yelle, la gom-wẽns nins yel-wẽn maandb sẽn yaa wẽn-kɩɩsdbã sẽn gom bãmba.