Zake 2:5 - WẼNNAAM SEBRE 2014

⁵ M ba-bi-nongdse, kelg-y-yã! Dẽ yĩnga, Wẽnnaam ka tũus neb nins dũni sẽn get wa naong rãmbã n kɩt tɩ b yɩ arzegs rãmba la b na n soog soolem ning bãmb sẽn kãab neb nins sẽn nong-b bãmbã yĩng sɩda?

SEBR SÕNGO

⁵ Kelg-y, m saam-biisi m sẽn nong ne m sũur fãa, ka Wẽnd n tʋlg tɩ dũni wã sẽn boond tɩ naong rãmba lebg arzɛk rãmb b tẽebẽ la b lebg Arzãn Rĩunga yõod dɩtba wala Wẽnd sẽn kãab b zo-rãmba laa?

KÃAB-PAALGÃ KOE-NOOGO

⁵ M ba-bi-nongdse, kelg-y-yã! Dẽ yĩnga, Wẽnnaam ka tũus neb nins dũni sẽn get wa naong rãmbã n kɩt tɩ b yɩ arzegs rãmba la b na n soog soolem ning bãmb sẽn kãab neb nins sẽn nong-b bãmbã yĩng sɩda?

Zake 2:5 Iomraidhean Croise

1 Rĩm-dãmbã 22:28

A Miise leoka rĩm a Akaab yaa: «Yãmb sã n kẽng n lebg n wa ne tõogre, dẽnd ka Sẽn-Ka-Saab n kɩt tɩ mam gom ye.» A Miise leb n yeelame yaa: «Bɩ Israyɛll nebã fãa kelge!»

A. Zoobe 34:10

Woto yĩngã, yam dãmba, kelg-y maam! Wẽnnaam sẽn yaa Pãng-Soabã zãra ne wẽng maanego. Bãmb ka tol n maand wẽng ye!

A. Zoobe 34:19

Wẽnnaam ka geelgd nanambs ye, la b ka get arzegs rãmb n yɩɩd naong rãmb ye. Bala, bãmb fãa yaa bãmb nus n naane.

A. Zoobe 38:14

Zĩig sã n yẽege, tẽngã tekda wa ned sẽn dɩk yagd n maan dʋko, wall wa ned sẽn dɩk fuug n los gare.

Yikri 20:6

Mam maanda neb nins sẽn nong-b maam n sakd mam tõodã yagensã neere, hal n tãag zamaan tusri.

Yelbũna 13:7

Nina maanda a meng wa arzɛk soaba, n yaool n ka tar baa fɩ ye, tɩ nina maand a meng wa naong soaba, n yaool n tar arzegs wʋsgo.

Yelbũna 7:24

Dẽ wã yĩnga, m kamba, kelg-y maam neere, la y tags m goamã yell neere.

Yelbũna 8:32

Dẽ wã yĩnga, m kamba, kelg-y maam! Neb nins sẽn sakd-b mam saglgã paamda sũ-noogo.

A Ezayi 14:32

B na n leoka bu-kãngã koe-toagsdbã tɩ bõe? B leok tɩ yaa Sẽn-Ka-Saab n yẽbg Sɩyõ, tɩ bãmb nebã nimbãan-nebã na n paama zĩ-soalgdg beenẽ.

A Ezayi 29:19

Sik-m-mens rãmbã na n paama sũ-no-kãseng Sẽn-Ka-Saab pʋga, la sẽn yaa-b naong rãmbã n tɩ yɩɩd ninsaalbã sʋkã na n kɩdma Israyɛll Pʋ-Peelem-Soabã yĩnga.

Sofoni 3:12

Mam na n basa naong rãmbã, ne ka-pãens rãmbã yãmb sʋka, la bãmb na n paama gũudum maam a Sẽn-Ka-Saab yʋʋrã yĩnga.

Zakari 11:11

Kaoolã sãama badaare, la piisã lɛɛbdb sẽn dag n get maamã bãngame tɩ rag n yaa Sẽn-Ka-Saab n gomde.

Zakari 11:7

Dẽ, mam kɩtame tɩ b kɩɩm piisã b sẽn tog n kʋ wã raadbã yĩnga. Mam dɩka rasab a yiibu, n pʋd a yembr yʋʋr t'a ‹Bʋgsem›, la m pʋd yembrã t'a ‹Lagem-n-taare›, la mam gesa m piisã yelle.

A Matiye Sõng 11:5

zoens nin pugsdame, wobs kẽndame, yĩn-gãong bãas sẽn tar-b rãmbã yĩns lebgda yɩlma, wʋms wʋmdame, kũum vʋʋgdame, la koe-noogã moonda naong rãmb sʋka.

A Matiye Sõng 25:34

Dẽ, Rĩmã na n yeela sẽn be‑b bãmb dɩtgã yaa: «Yãmb dãmb sẽn tar m ba wã barkã, wa-y-yã! Reeg-y soolmã sẽn dag n segl yãmb yĩng hal dũni naaneg wakatã tɩ yɩ y pʋɩɩre.

A Matiye Sõng 5:3

Bark bee sik-m-mens rãmbã zutu, bala arzãn soolem yaa bãmb dẽnda.

A Mark Sõng 7:14

Dẽ poore, bãmb leb n boola neb kʋʋngã n yeel-ba: «Yãmb fãa, kelg-y maam la y bãnge.

A Luk Sõng 12:21

Yaa a woto ne ned ning fãa sẽn tigsd paoong a meng yĩnga, n yaool n ka tar Wẽnnaam arzegsã.

A Luk Sõng 12:32

Mam piisi, da zoe-y dabeem ye. Bala, a taa yãmb ba wã yam tɩ b kõ yãmb b soolmã.

A Luk Sõng 16:22

Naong soabã wa n kiime. La malegsã talla yẽnda n kẽng a Abrahaam nengẽ. La arzɛk soabã me wa n kiime, la b mum-a lame.

A Luk Sõng 16:25

A Abrahaam leoka yẽnda n yeele: «M biiga, bɩ f tẽeg tɩ fo paama arzegs f vɩɩmã wakate, la t'a Lazaar paama toodo. La moasã, yẽnda paamda belsg ka, tɩ fo be toog pʋgẽ.

A Luk Sõng 22:29

Yaa rẽnd n kɩt tɩ mam kõt yãmb soolmã, wa m ba sẽn kõ-a maamã,

A Luk Sõng 6:20

Dẽ, a Zeezi zẽka b neng n ges b karen-biisã n yeel yaa: bark bee yãmb sẽn yaa naong rãmba zutu, bala, Wẽnnaam soolem yaa yãmb dẽnda.

A Zã Sõng 7:48

Dẽ yĩnga, naab bɩ Fariizẽ baa a yembr tãa beeme n tẽ bãmb sɩda?

Tʋʋma 7:2

A Etɛn leokame n yeel yaa: M ba-bi‑raop la m ba-rãmba, kelg-y-yã. Tõnd yaab a Abrahaam sẽn dag n be Mezopotami n nan ka kẽng Kaarã nandã, Wẽnnaam sẽn tar ziirã vẽnega b meng ne bãmba.

Rom Dãmba 8:17

La tõnd sã n yaa bãmb kamba, tõnd yaa b rãmb nins sẽn na n soog bãmb paoong me. Tõnd na n sooga Wẽnnaam paoongã, la d yaa pʋɩt-n-taas ne Kirisi, a sã n yaa tɩ tõnd lagma ne bãmb n namse, tɩ d tõe n naag bãmb n paam waoogr me.

1 Korẽnt rãmba 2:9

La yaa wa b sẽn gʋlsã: Bũmb ned nif sẽn nan ka yã ye, bũmb ned tʋbr sẽn nan ka wʋm ye. La bũmb sẽn nan ka wa ninsaal tagsgẽ ye, bũmb ning fãa Wẽnnaam sẽn segl neb nins sẽn nong bãmbã yĩnga.

2 Korẽnt rãmba 4:15

Bala, bõn-kãens sẽn maandã yaa yãmb yĩnga, tɩ barkã sẽn tat neb wʋsgã kɩt tɩ b pʋʋs Wẽnnaam barka, Wẽnnaam waoogr yĩnga.

2 Korẽnt rãmba 6:10

B geta tõnd wa sũ-sãang rãmba, la tõnd tara sũ-noog daar fãa. B geta tõnd wa naong rãmba, la tõnd kɩtdame tɩ neb wʋsg lebgd arzegs rãmba. B geta tõnd wa neb sẽn ka tar baa fʋɩ, la tõnd yaool n tara bũmb fãa.

2 Korẽnt rãmba 8:9

Bala, yãmb mii tõnd Zu-soab a Zeezi Kiris barkã. Tɩ baa bãmb sẽn yaa arzɛk soabã, b maana b meng naong soab yãmb yĩnga, tɩ ne bãmb naongã, yãmb na paam arzegse.

Efɛɛz Rãmba 1:18

Mam pʋʋsdame tɩ Wẽnnaam na puk yãmb pʋ-tẽer ninã tɩ y bãng bõn-neer ning b sẽn bool yãmb tɩ ka tar paamã, la y bãng bãmb pʋɩɩr ning sẽn yaa arzegs sẽn be ziirã, Wẽnnaam nin-tũusdsã sẽn tarã.

Efɛɛz Rãmba 3:8

Mam sẽn yaa Wẽnnaam nebã fãa yao-zʋʋgã, Wẽnnaam kõo maam bakr‑kãnga, tɩ m moon koe-noog ning sẽn wilgd Kiris arzegs sẽn ka sɛtã bu-zẽmsã sʋka,

1Tesalonik Rãmba 2:12

Tõnd sagla yãmba, n bels yãmba, la d bõos yãmb tɩ y kẽn wa sẽn zemsd Wẽnnaam daabo, bãmb sẽn bool yãmb tɩ y paam pʋɩɩr ne bãmb soolem la b ziirã yĩnga.

2Tesalonik Rãmba 1:5

Yõwã wilgdame tɩ Wẽnnaam bʋʋdã yaa tɩrga, tɩ b na kɩt tɩ yãmb zems ne Wẽnnaam soolem kõom, soolem ning yãmb sẽn sakd namsgã yĩnga.

1 Tɩmote 6:18

Bɩ b maan neere, la bɩ b yɩ neb sẽn maand tʋʋm-sõamy wʋsgo, la b yɩ neb sẽn kõte, la sẽn nong n pʋɩ b sẽn tarã ne neb a taaba.

2 Tɩmote 4:18

Zu-soabã na n yolsa maam ne tʋʋm-wẽng fãa, la b na n fãaga maam n kẽes b soolmẽ. Bãmb n so ziir wakat sẽn ka sɛta. Ãmina!

2 Tɩmote 4:8

Moasã, Wẽnnaam bĩnga tɩrlem maanfã mam yĩnga. Zu-soabã sẽn yaa bʋ-kaood tɩrgã na n kõ-a-la maam da-kãngã. La ka maam bal la b na n kõ ye, yaa neb nins fãa sẽn na nong bãmb pukrã.

Ebre rãmba 11:26

Sɩda, a dag n getame tɩ yẽndã sã n paam yãnd ning Kirisã sẽn na n paamã yaa arzɛk n yɩɩd Ezɩpt arzegsã. Bala, a long n geta keoorã sẽn be yɩɩgã.

Zake 1:12

Ned ning sẽn yas kãenkãe makr pʋgẽ la sũ-noog soaba. Bala, makrã zugẽ, a na n paama vɩɩm sẽn yaa keoor Zu-soabã sẽn kãab neb nins sẽn nong bãmbã.

Zake 1:16

M ba-bi-nongdse, da tudg-y y mens ne yel-kãng ye:

Zake 1:19

M ba-bi-nongdse, bãng-y yõwã neere: Woto, bɩ ned fãa wɩng ne kelgre, la a maag ne goamã, la a maag ne sũ-yikri.

Zake 1:9

Bɩ ba-biig sẽn yaa naong soab maan sũ-noog ne Wẽnnaam sẽn waoog-a wã.

1 Pɩyɛɛr 1:4

sẽn vɩ, la d paam dogem-pʋɩɩr sẽn ka tõe n sãame, wall rẽgme, wall zelg ye. La b bĩng-a-la arzãn pʋg yãmb yĩnga,

2 Pɩyɛɛr 1:11

Yaa woto n na n kɩt tɩ b kõ yãmb noor zãnga, tɩ y kẽ tõnd Zu-soab la d fãagd a Zeezi Kiris soolem sẽn kõn sa wã pʋgẽ.

Vẽnegre 2:9

«Mam bãnga yãmb yel-pakrã ne y naongã, la yãmb yaool n yaa arzegs rãmba, la mam bãnga kãnegr ning neb nins sẽn yet tɩ b yaa Zʋɩf-rãmb n yaool n ka Zʋɩf-rãmba, la b ya Sʋtãanã karen-doogã rãmb sẽn kãnegd yãmbã.

Vẽnegre 21:7

Ned ning sẽn na n tõogã pʋɩɩr na n yɩɩ a woto: Mam na n yɩɩ yẽnda Wẽnnaam, la yẽnda na n yɩɩ mam biiga.

Vẽnegre 3:18

mam sagenda yãmb tɩ y ra sãnem sẽn yɩlg ne bugum mam nengẽ, tɩ y tõe n lebg arzegs rãmba, la y ra fu-peels mam nengẽ, tɩ y tõe n paam n yeelge, n lud y yãnd n da yɩ y zaal ye, la y ra nin kaam mam nengẽ n sõog y ninã tɩ y tõe n yã.

Bʋ-kaoodba 9:7

B rɩka yellã n tɩ togs a Zotam. La yẽnda kẽng n tɩ rʋʋ Garizim tãngã zugu, n zẽk a koɛɛg n yeel yaa: «Sɩkɛm taoor-dãmba, kelg-y maam neere, la bɩ Wẽnnaam kelg yãmba!

1 Sãmwɛlle 2:30

Beneere, maam a Sẽn-Ka-Saab sẽn yaa Israyɛll Wẽnnaamã yetame yaa: «Mam dag n yeelame tɩ yãmb doogã ne y yaab-rãmbã roog na n maana mam tʋʋmdã wakat fãa yĩnga. La moasã, maam a Sẽn-Ka-Saab yetame tɩ kãab-kãngã kõn tol n leb n paam pidsg yɛs ye. Bala, mam waoogda neb nins sẽn waoogd maamã, la neb nins sẽn paoogd maamã na n paama paoogre.»

1 Sãmwɛlle 2:8

Sẽn-Ka-Saab n yiisd nimbãan-ned wubsg pʋgẽ. Bãmb n yiisd naong soab tãmpʋʋrẽ, n kɩt t'a zĩnd ne nanambse. Bãmb n kɩtd tɩ b paam waoogr zĩig tɩ yɩ b pʋɩɩre. Bala, dũni wã yẽbgr fãa yaa Sẽn-Ka-Saab n so. La yaa yẽbg-kãens zug la b zaoolg dũni wã.