Zake 1:14 - WẼNNAAM SEBRE 2014

¹⁴ La ned kam fãa paamda makre, a mengã ratem sẽn tusd-a n belgd-a wã yĩnga.

SEBR SÕNGO

¹⁴ Yaa ned kam fãa raab wẽng n takd-a, n belgd-a.

KÃAB-PAALGÃ KOE-NOOGO

¹⁴ La ned kam fãa paamda makre, a mengã ratem sẽn tusd-a n belgd-a wã yĩnga.

Zake 1:14 Iomraidhean Croise

Sɩngrẽ 3:6

Pagã gesame tɩ tɩɩgã biis yaa sõama tɩ rɩ, la a bee neer tɩ gese, la a yaa tɩɩg sẽn wat ne ratem tɩ rɩ n paam yam vẽnegre. Dẽ, pagã yãka tɩɩgã bil n dɩ, la a kõ a sɩdã sẽn dag n be ne yẽnda wã me t'a rɩ.

Sɩngrẽ 6:5

Sẽn-Ka-Saab gesame tɩ ninsaalbã wẽngã lebga wʋsg dũniyã zugu, la daar fãa, ninsaal tagsda wẽng maaneg yell bala.

Sɩngrẽ 8:21

Sẽn-Ka-Saab wʋma yũ-noogã, la bãmb yeela b sũurẽ: «Mam ka na n leb n kãab dũniyã kãab-wẽng ninsaal yĩng ye. Bala, hal ninsaal yãadem wakate, a tagsda wẽng maaneg bal a sũurẽ. La mam ka na n leb n sãam bõn-vɩɩsã wa mam sẽn zoe n maanã ye.

2 Sãmwɛlle 11:4

A Davɩɩd tʋmame tɩ b tɩ peeg-a n wa, la a Davɩɩd kẽe ne-a. Wakat-kãng tɩ yaa pagã sẽn nan yɩlga a meng bal a pekr zugẽ. La pagã kuilame.

A. Zoobe 31:27

mam sã n dag n sak makr m sũurã pʋgẽ n waoog-ba, la m nug sã n dag n gãd-b lame n moke,

A. Zoobe 31:9

Mam yamã sã n kẽe m yak paga, tɩ mam soond a zak noor n gũud-a,

Yelbũna 4:23

Maan gũusg ne f sũurã tagsg n yɩɩd bũmb fãa, bala, ninsaal vɩɩm yita a sũur pʋgẽ.

A Ezayi 44:20

Rẽ wã, yaa tompeglem bal la yẽnda pʋgda. A tagsgã belg-a lame n kẽes moogo, la a kõn tol n fãag yẽnda ye. A ka na n yeel tɩ: ‹Rẽ yĩnga, mam sẽn zãad m nug-rɩtgã ka belgr bũmb sɩda?› »

A Ooze 13:9

Israyɛll nebã, woto na n yɩɩ yãmb sãoongo, Yãmb sõangd yaool n dag n yaa maam.

A Matiye Sõng 15:18

La bũmb ning sẽn yit noorẽ yita sũurẽ, la yaa bõn-kãens n maand ned t'a yɩ rẽgdo.

A Matiye Sõng 15:20

Ad yaa bõn-kãens n maand ned t'a yɩ rẽgdo. La tɩ rɩ n ka nudg f nus ka maand ned t'a yɩ rẽgd ye.»

A Matiye Sõng 4:1

Dẽ, Sɩɩg-sõng talla a Zeezi n kẽng we-rasempʋɩɩgẽ tɩ sʋtãanã na n mak bãmba.

A Matiye Sõng 5:28

La mam yeta yãmb tɩ ned ning fãa sẽn get pag ne ratem wẽng zoe n maana yoob ne-a a sũurẽ.

Rom Dãmba 7:11

Bala, yel-wẽnã sẽn paam weerã, a talla tõogã n belg maam n tõoge, la a talla tõogã n kɩt tɩ mam ki.

Rom Dãmba 7:13

Dẽ yĩngã, bũmb ning sẽn yaa sõama wã lebga kũum mam yĩng bɩ? Yaa vẽeneg tɩ ayo. La sẽn na yɩlg tɩ yel-wẽnã puk a meng n wilg t'a yaa yel-wẽnã, a talla bõn-sõng n wa ne kũum mam yĩnga, tɩ tõogã maasem yĩnga, yel-wẽnã pãng na puk a wẽngã fãa pʋgẽ.

Ebre rãmba 3:13

Ayo! Wakat ning tɛk ned sẽn tõe n yeel tɩ ‹rũndã›, bɩ y sagl taaba, tɩ yel-wẽnã belgr da wa kɩt tɩ ned sũur riglim ye.

Zake 1:13

Bɩ ned baa a yembr sẽn paamd makr da yeel tɩ yaa Wẽnnaam n makd yẽnda ye. Bala, wẽng ka tõe n mak Wẽnnaam, la bãmb mengã ka makd ned baa a yembr ye.

Zake 1:15

La yĩngã ratem sã n dɩk pʋga, a rogda yel-wẽnde. La yel-wẽndã sã n wa n bɩ, a wata ne kũum.