Zake 1:12 - WẼNNAAM SEBRE 2014

¹² Ned ning sẽn yas kãenkãe makr pʋgẽ la sũ-noog soaba. Bala, makrã zugẽ, a na n paama vɩɩm sẽn yaa keoor Zu-soabã sẽn kãab neb nins sẽn nong bãmbã.

SEBR SÕNGO

¹² Zu-noog soaba la sẽn tõoga kʋɩɩbgo! A sã n tõog kʋɩɩbgo n puk a sõmblem, a paamda vɩɩm dolb ning Wẽnnaam sẽn kãab sẽn nong-b bãmba.

KÃAB-PAALGÃ KOE-NOOGO

¹² Ned ning sẽn yas kãenkãe makr pʋgẽ la sũ-noog soaba. Bala, makrã zugẽ, a na n paama vɩɩm sẽn ya keoor Zu-soabã sẽn kãab neb nins sẽn nong bãmbã.

Zake 1:12 Iomraidhean Croise

Sɩngrẽ 22:1

Bõn-kãensã fãa loogr zugẽ, Wẽnnaam maka a Abrahaam n yeele: «Abrahaam!» T'a sak tɩ naaba.

A Neemi 1:5

Mam pʋʋsame n yeele: «Sẽn-Ka-Saab sẽn yaa saasẽ Wẽnnaam, yãmb yaa Wẽnnaam-kãseng sẽn tar pãnga, yãmb pidsda y kaoolã ne neb nins sẽn sakd yãmb tõodã, la yãmb maanda neb nins sẽn nong yãmbã neere!

A. Zoobe 2:10

La a Zoob leoka yẽnda yaa: «Fo gomda wa fo yaa yalma! Wẽnnaam dag n kõta tõnd naarã tɩ d reegdẽ, dẽ wã, d kõn sak n deeg toogã me sɩda!» Bõn-kãng fãa pʋga, a Zoob ka tol n maan yel-wẽnd a noorã goam pʋgẽ ye.

A. Zoobe 5:17

Dẽ wã, bark bee Wẽnnaam sẽn demsd ned ningã zugu! Ra zãgs Pãng-Soabã zãmsg ye!

Yɩɩn‑sõamyã 11:5

Sẽn-Ka-Saab feesda nin-tɩrg ne nin-wẽnga. Bãmb kisa sẽn maand-b taab pãngã.

Yɩɩn‑sõamyã 119:67

Sẽn deng toogã sẽn na n paam maam, mam dag n kẽe moogo. La moasã, mam sakda yãmb sẽn yeelã.

Yɩɩn‑sõamyã 119:71

Toogã sẽn paam maamã manega maam, yaa tɩ mam na zãms n bãng yãmb noyã.

Yɩɩn‑sõamyã 119:75

Sẽn-Ka-Saabo, mam miime tɩ yãmb bʋ-kaoorã yaa tɩrga, la yãmb tara bʋʋm la y sẽn sɩbg maamã.

Yɩɩn‑sõamyã 5:11

Mam Wẽnnaam, da bas-y-b taal ye. Kɩt-y tɩ b saagrã lebg bẽdg n lub-ba! Rig-y-b tɩ b looge, b tʋʋm-beedã sẽn yaa wʋsgã yĩnga. Bala, bãmb kɩɩsda yãmba!

Yɩɩn‑sõamyã 94:12

Sẽn-Ka-Saabo, yãmb sẽn demsd a soab paamda barka, yãmb zãmsd-a-la y tõodã,

Yikri 20:6

Mam maanda neb nins sẽn nong-b maam n sakd mam tõodã yagensã neere, hal n tãag zamaan tusri.

Yelbũna 17:3

B zugda wanzuri ne sãnem n yɩlg-b boaagẽ, la yaa Sẽn-Ka-Saab n makd ninsaalbã sũyã.

A Ezayi 64:4

Yãmb dag n kẽnd n segda soab ning sẽn tar sũ-noog n kẽnd wa sẽn zems tɩrlmã, yãmb segda neb nins sẽn tẽr yãmb soayã yellã, yãmb yaa soab ning sẽn fãagd tõnd wakat fãa. La yãmb sũurã yika tõnd sẽn maan yel-wẽnã yĩnga.

Zakari 13:9

La m na n dɩka sẽn kell-a wã n ning bugmẽ, mam na n yẽnega yẽnda wa b sẽn yẽnegd wanzuri, mam na n zuga yẽnda wa b sẽn zugd sãnem. Yẽnda na n boola mam yʋʋrã, la mam na n leok-a lame. Mam na n yeelame yaa: «Bãmb n yaa mam nebã.» La bãmb na n yeelame: «Sẽn-Ka-Saab n yaa tõnd Wẽnnaam.»

A Matiye Sõng 10:22

Neba fãa na n kisga yãmb mam yʋʋrã yĩnga, la ned ning sẽn na n yals-a kãenkãe tɩ wakat ta na paam fãagre.

A Matiye Sõng 25:34

Dẽ, Rĩmã na n yeela sẽn be‑b bãmb dɩtgã yaa: «Yãmb dãmb sẽn tar m ba wã barkã, wa-y-yã! Reeg-y soolmã sẽn dag n segl yãmb yĩng hal dũni naaneg wakatã tɩ yɩ y pʋɩɩre.

A Luk Sõng 6:22

Bark bee yãmb zutu, nebã sẽn na n kisg yãmba, la b bak yãmb toore, la b tʋʋd yãmba, la b tõdg yãmb yʋʋrã, n geelg-a wa bõn-wẽng Ninsaal Bi-riblã yĩnga.

Rom Dãmba 5:4

tɩ sũ-mar wat ne maan-sɩd sẽn wat ne tõogre, tɩ maan-sɩd sẽn wat ne tõogrã wat ne tẽeb pidsg gũudum.

Rom Dãmba 8:28

La tõnd miime tɩ bũmb fãa tʋmda ne taab neb nins sẽn nong Wẽnnaamã, b rãmb sẽn paam boolg wa sẽn zems Wẽnnaam yam-yãkrã sõngr yĩnga.

1 Korẽnt rãmba 2:9

La yaa wa b sẽn gʋlsã: Bũmb ned nif sẽn nan ka yã ye, bũmb ned tʋbr sẽn nan ka wʋm ye. La bũmb sẽn nan ka wa ninsaal tagsgẽ ye, bũmb ning fãa Wẽnnaam sẽn segl neb nins sẽn nong bãmbã yĩnga.

1 Korẽnt rãmba 8:3

La ned sã n nong Wẽnnaam, Wẽnnaam mi-a lame).

1 Korẽnt rãmba 9:25

Ned ning sẽn yõgd maoor modgda a meng n basd bũmb kẽere. Bãmb maanda a woto n dat maanf sẽn sãamda, la tõnd maandame n dat maanf sẽn ka sãamd ye.

Yaoolem 13:3

tɩ bãndã ne bõn-bãndã paam pidsgu, t'a yeel yãmb tɩ y wa tɩ b tɩ tũ wẽnnaam-dãmb a taab yãmb sẽn ka mi, la y waoog-ba,

Yaoolem 7:9

Bɩ y bãng tɩ Sẽn-Ka-Saab sẽn yaa yãmb Wẽnnaamã n yaa Wẽnnaam menga. Bãmb yaa sɩd Wẽnnaam. Bãmb pidsda b kaoolã, n nong neb nins sẽn nong bãmb la b sakd bãmb tõodã hal tɩ ta zamaan tusri.

Yaoolem 8:2

La y tẽeg Sẽn-Ka-Saab sẽn yaa yãmb Wẽnnaamã sẽn tall yãmb n gilim we-raoogã pʋgẽ yʋʋm pis-naasã, sẽn na n yɩl n nams yãmb la b mak yãmb n bãng bũmb ning sẽn be yãmb sũyẽ wã, y sã n na n saka bãmb tõodã, wall y sã n ka na n sake.

2 Tɩmote 2:15

Nang pãng n yals Wẽnnaam taoor wa ned sẽn bɩ, tʋmtʋmd sẽn kõn sulg a zug ne yãnd ye. Yɩ ned sẽn togsd sɩd koɛɛgã ne tɩrlem.

2 Tɩmote 4:8

Moasã, Wẽnnaam bĩnga tɩrlem maanfã mam yĩnga. Zu-soabã sẽn yaa bʋ-kaood tɩrgã na n kõ-a-la maam da-kãngã. La ka maam bal la b na n kõ ye, yaa neb nins fãa sẽn na nong bãmb pukrã.

Ebre rãmba 10:32

Tẽeg-y sɩngr wakatã yelle, wakat ning y sẽn paam namsg wʋsg tɩ yɩ maoor meng-menga, y sẽn paam vẽenemã zugẽ.

Ebre rãmba 11:17

Yaa ne tẽeb la wakat ning a Abrahaam sẽn paam makre, a rɩka a biig a Izak n kõ Wẽnnaam. Yaa a bi-ribl‑yend la a rɩk n kõ Wẽnnaam, tɩ yaool n yaa yẽnda la Wẽnnaam kãab bũmb toay-toayã,

Ebre rãmba 12:5

La yãmb yĩma saglg ning b sẽn sagl yãmba, wa ned sẽn sagend kom-dibli: M biiga, da ges sɩbgr ning Zu-soabã sẽn sɩbgd foomã wa bõn-yaalg ye, la b sã n lengd foom bɩ f da boog f raood ye.

Ebre rãmba 6:15

Yɩɩ woto t'a Abrahaam gũ ne sũ-mare, hal n wa paam bũmb ning Wẽnnaam sẽn kãab-a wã.

Zake 2:5

M ba-bi-nongdse, kelg-y-yã! Dẽ yĩnga, Wẽnnaam ka tũus neb nins dũni sẽn get wa naong rãmbã n kɩt tɩ b yɩ arzegs rãmba la b na n soog soolem ning bãmb sẽn kãab neb nins sẽn nong-b bãmbã yĩng sɩda?

Zake 5:11

Gese, tõnd yetame tɩ neb nins sẽn yals-b kãenkãe wã yaa sũ-noog rãmba. Yãmb wʋmame tɩ b gom a Zoob sũ-marã yelle, la yãmb yãnda baoosg ning Zu-soabã sẽn kõ-a wã. Bala, Zu-soabã pida ne nonglem la nimbãan-zoeere.

1 Pɩyɛɛr 3:14

La baa yãmb sã n paamd namsg tɩrlem yĩnga, yãmb na paam sũ-noogo. Da zoe-y ninsaalbã sẽn zoet bũmb ningã ye, la y ra sãam y sũy ye.

1 Pɩyɛɛr 4:13

Ka tog n yɩ a woto ye, maan-y sũ-noogo, yãmb sẽn paam pʋɩɩr ne Kiris namsgã yĩnga, tɩ yãmb tõe n maan sũ-noog n kɩdem wakat ning bãmb ziirã sẽn na n pukã.

1 Pɩyɛɛr 4:14

Bark bee yãmb zugu, nebã sã n nams yãmb Kiris yʋʋrã yĩnga, bala, Sɩɩg ning sẽn be ziirã sẽn yaa Wẽnnaam Sɩɩgã bee yãmb zutu.

1 Pɩyɛɛr 5:10

Yãmb sã n nams wakat bilf pʋgẽ, Wẽnnaam sẽn so bark fãa wã, sẽn bool-a yãmb tɩ y wa paam pʋɩɩr ne ziir ning sẽn kõn sa a Zeezi Kiris maasem yĩngã, bãmb menga na n zãmsa yãmba, n paas yãmb pãnga, n kɩt tɩ yãmb kɩ yẽga, la b kɩt tɩ yãmb yɩ neb sẽn ka vigsd ye.

1 Pɩyɛɛr 5:4

La Pe-kɩɩmbã kãsem sã n wa puki, yãmb na n paama maanf sẽn tar ziiri, la sẽn ka sãamd ye.

1 Zã 4:19

Ne tõndo, tõnd tara nonglem, Wẽnnaam sẽn deng n nong tõndã yĩnga.

Vẽnegre 2:10

Da maan-y rabeem ne namsg ning y sẽn na n namsã ye. Gese, Sʋtãanã na n kẽesa yãmb neb kẽer bi-bees roogo, sẽn na n yɩl n mak yãmba, la yãmb na n paama namsg rasem piiga. Kell‑y n maan-y neer hal tɩ ta kũum, la mam na kõ yãmb vɩɩm maanfo.»

Vẽnegre 3:19

Mam lengda neb nins fãa mam sẽn nonge, la m sɩbgd-ba. Dẽ wã, bɩ y nang pãng la y tek yam n kos sugri.

Vẽnegre 3:21

Mam na n kɩtame tɩ ned ning sẽn tõogã zĩnd ne maam mam geerã zug wa mam sẽn tõoge, n zao ne m ba b geerã zugã.»