Yikri 9:6 - WẼNNAAM SEBRE 2014

⁶ La badaar vẽkembeoog bala, Sẽn-Ka-Saab sɩd maana wa b sẽn dag n yeelã. Bãmb kɩtame tɩ Ezɩpt rũmsã fãa ki, la Israyɛll rũng ba a yembr ka ki ye.

SEBR SÕNGO

⁶ Beoog sẽn vẽege, Soaala-Wẽnd sɩd pidsa b kãabgo, Ezipt rãmb rũmsa fãa kii gill kasi. A Israyɛl rũng ba a ye ka ki ye.

Yikri 9:6 Iomraidhean Croise

Yɩɩn‑sõamyã 78:48

Wẽnnaam basame tɩ sapɩlmã kʋ b rũmsã, n kɩt tɩ sa-tãs kʋ b rũm-kʋʋngã.

Yɩɩn‑sõamyã 78:50

Bãmb basame tɩ b sũ-puugrã maan a tʋʋmde, Wẽnnaam ka bas-b n ka kʋ ye. B basame tɩ bã-loangdg sãam b vɩɩmã.

Yikri 12:12

Badaar yʋngo, mam na n pɩʋʋga Ezɩpt tẽngã, la m na n kʋʋ Ezɩpt kom-dẽemsã fãa kɛpɩ, sẽn sɩng ne ninsaalbã tɩ ta rũmsã, la mam na n sɩbga Ezɩpt wẽnnaam-dãmbã fãa. Mam yaa Sẽn-Ka-Saabo.

Yikri 12:29

Yʋn-sʋk wakate, Sẽn-Ka-Saab kɩtame tɩ Ezɩpt kom-dẽemsã fãa ki, sẽn sɩng ne Faarõ sẽn zao a naam geerẽ wã bi-kãseng tɩ ta sẽn be-b bi-bees roogẽ wã kom-dẽemse, la rũmsã kom-dẽems me.

Yikri 8:22

La a Moyiis leokame: «Ka zems tɩ tõnd maan a woto ye. Bala, maand nins tõnd sẽn maand n kõt Sẽn-Ka-Saab sẽn yaa tõnd Wẽnnaamã yaa kisg ne Ezɩpt nebã. Tõnd sã n maan maoong sẽn yaa kisg ne Ezɩpt nebã bãmb nifẽ, b ka na n lob tõnd kug sɩda?

Yikri 9:25

Ezɩpt tẽngã fãa pʋgẽ, sapɩlmã sãama bũmb nins fãa sẽn be weoogã pʋgẽ wã, sẽn sɩng ne ninsaalbã tɩ tãag rũmsã. La sapɩlmã sãama pʋtã moodo, la a kao weoogã tɩɩs zãnga.

Yikri 9:26

La yaa Gosɛn tẽngã pʋg bal la sapɩlmã ka ni. Yaa beenẽ la Israyɛll nebã rag n be.»

Yikri 9:4

Sẽn-Ka-Saab na n welga Israyɛll rũmsã toor ne Ezɩpt rũmsã. La Israyɛll rũng ba a yembr ka na n ki ye.

Yikri 9:5

Sẽn-Ka-Saab yãka wakat n yeele: Yaa beoog la m na n maan bõn-kãng tẽngã pʋga.