Yikri 9:25 - WẼNNAAM SEBRE 2014

²⁵ Ezɩpt tẽngã fãa pʋgẽ, sapɩlmã sãama bũmb nins fãa sẽn be weoogã pʋgẽ wã, sẽn sɩng ne ninsaalbã tɩ tãag rũmsã. La sapɩlmã sãama pʋtã moodo, la a kao weoogã tɩɩs zãnga.

SEBR SÕNGO

²⁵ Ezipt tẽn-peelma zãnga, sapɩlma sãama sẽn da be yɩng fãa. A kʋʋ neb la rũmsi, a kʋʋsa tẽnga mood fãa la tɩɩse.

Yikri 9:25 Iomraidhean Croise

Yɩɩn‑sõamyã 78:47

Wẽnnaam kɩtame tɩ sapɩlem dʋʋg n sãam b reezẽ tɩɩs pʋtã, la b kɩt tɩ wao-kãseng sãam b wom-seesã.

Yɩɩn‑sõamyã 78:48

Wẽnnaam basame tɩ sapɩlmã kʋ b rũmsã, n kɩt tɩ sa-tãs kʋ b rũm-kʋʋngã.

Yikri 9:19

Dẽ yĩngã, bɩ f kɩt tɩ b kẽes fo rũmsã ne bũmb nins fãa fo sẽn so tɩ be weoogẽ wã roogẽ. Rũms nins fãa ne neb nins fãa b sẽn ka kẽes roog pʋgẽ wã, sapɩlmã na n pãb bãmb tɩ b ki.»

Yikri 9:24

La sapɩlmã naaga ne bugum, la Ezɩpt tẽngã kibar pʋgẽ, Ezɩpt nebã zɩ n yãnd sapɩlem a woto buud ye.

Yikri 9:6

La badaar vẽkembeoog bala, Sẽn-Ka-Saab sɩd maana wa b sẽn dag n yeelã. Bãmb kɩtame tɩ Ezɩpt rũmsã fãa ki, la Israyɛll rũng ba a yembr ka ki ye.

Ezekiyɛl 13:13

Woto yĩnga, Zu-soab a Sẽn-Ka-Saab yetame: «Mam sũ-yikrã pʋga, mam na n kɩtame tɩ sob-bɛd fugi. La m sũ-puugrã pʋga, sa-kẽeng n na n wa, la sapɩlem n na n dʋʋg ne sũ-puugri, n wa ne sãoongo.

Zozuwe 10:11

Israyɛll nebã sẽn wa n digd Amoor-dãmbã tɩ b zoetẽ wã, b sẽn wa n ta Bɛt-Horon tãngã sigdgã, Sẽn-Ka-Saab kɩtame tɩ sapɩlem bɛd-bɛd yi yĩngr n lʋɩ n pãb bãmb n tɩ tãag Azɛka, la b kiime. Neb nins sapɩlmã sẽn kʋ wã sõor yɩɩda Israyɛll nebã sẽn kʋ-b rãmb ne zabr sʋʋgã.