Yikri 9:19 - WẼNNAAM SEBRE 2014

¹⁹ Dẽ yĩngã, bɩ f kɩt tɩ b kẽes fo rũmsã ne bũmb nins fãa fo sẽn so tɩ be weoogẽ wã roogẽ. Rũms nins fãa ne neb nins fãa b sẽn ka kẽes roog pʋgẽ wã, sapɩlmã na n pãb bãmb tɩ b ki.»

SEBR SÕNGO

¹⁹ Yeel-a t'a bao zĩig n solg a rũmsi la bũmb ning fãa a sẽn so, tɩ kẽnd yɩnga. Bũmb ning fãa sẽn be yɩnga, ninsaal bɩ rũnga, tɩ b pa tall-a n wa yiri, sapɩlem n na n kʋ.»

Yikri 9:19 Iomraidhean Croise

Yɩɩn‑sõamyã 78:48

Wẽnnaam basame tɩ sapɩlmã kʋ b rũmsã, n kɩt tɩ sa-tãs kʋ b rũm-kʋʋngã.

Yikri 9:25

Ezɩpt tẽngã fãa pʋgẽ, sapɩlmã sãama bũmb nins fãa sẽn be weoogã pʋgẽ wã, sẽn sɩng ne ninsaalbã tɩ tãag rũmsã. La sapɩlmã sãama pʋtã moodo, la a kao weoogã tɩɩs zãnga.

Yikri 9:6

La badaar vẽkembeoog bala, Sẽn-Ka-Saab sɩd maana wa b sẽn dag n yeelã. Bãmb kɩtame tɩ Ezɩpt rũmsã fãa ki, la Israyɛll rũng ba a yembr ka ki ye.

Ezekiyɛl 33:5

Bala, yẽnda wʋma baorgã peebgo, n zãgs keoogrã. Woto, yẽnda zɩɩmã taal be a meng zugu. La sẽn sak-a keoogrã n na n fãag a vɩɩm.

Abakuk 3:2

Sẽn-Ka-Saabo, mam dag n wʋmame tɩ b gomd yãmb tʋʋm-kãsemsã yelle. Yãmb tʋʋm-kãsemsã kẽesa maam dabeem. Maan-y tʋʋm-kãens tõnd zamaanẽ wã. Kɩt-y tɩ tõnd zamaanẽ nebã bãng y tʋʋm-kãsemsã! La y sũ-yikrã pʋga, tẽeg-y y nimbãan-zoeerã yelle!