Yikri 8:20 - WẼNNAAM SEBRE 2014

²⁰ Sẽn-Ka-Saab maana woto. La kɛooda wʋsg waa Faarõ roogẽ wã, la yẽnda poorẽ dãmbã rotẽ Ezɩpt soolmã tɛk fãa. La tẽngã sãamã kɛooda wã yĩnga.

SEBR SÕNGO

²⁰ Soaala-Wẽnd maana wala b sẽn yeele la keooda ka tɛk kẽe dĩma zakẽ, n kẽ a meng rotẽ, n kẽe a neba rotẽ n kẽ Ezipt tẽnsa fãa n yaal-b zãnga.

Yikri 8:20 Iomraidhean Croise

Yɩɩn‑sõamyã 105:31

Wẽnnaam gomame, la kɛooda waame, la b kɩtame tɩ rũm-pigli wa pid b soolmã zãnga.

Yɩɩn‑sõamyã 78:45

Wẽnnaam tʋma kɛɛda tɩ b wãb Ezɩpt nebã, la b tʋm loms tɩ b sãam-ba.

Yikri 2:5

Faarõ bi-puglã siga Nill kʋɩlgẽ wã n na n so koom, la pʋg-sadb nins sẽn dag n tũud yẽnda wã rag n yegda kʋɩlgã n kẽnda. Faarõ bi-puglã yãnda peoogã sẽn be rudmã sʋkã. La a tʋma a tʋmtʋmd-poakã t'a tɩ rɩk-a n wa.

Yikri 3:18

Dẽ, bãmb na n kelga fo koɛɛgã. Bɩ foom ne Israyɛll kãsem-dãmbã kẽng Ezɩpt rĩmã nengẽ n tɩ yeel yẽnda yaa: Sẽn-Ka-Saab sẽn yaa Ebre nebã Wẽnnaamã waa tõnd nengẽ. Dẽ, tõnd kota yãmb sor moasã n kẽng rasem a tãab kẽnd we-raoogã pʋgẽ n tɩ maan maoong Sẽn-Ka-Saab sẽn yaa tõnd Wẽnnaamã yĩnga.

Yikri 4:23

Mam yeta foom tɩ f bas m bi-riblã t'a kẽng n tɩ waoog maam. La fo sã n kɩɩs n ka bas yẽnda t'a kẽnge, mam na n kʋʋ fo bi-ribl-kãsengã.»

Yikri 5:1

Dẽ poore, a Moyiis ne a Aarõ kẽnga Faarõ nengẽ n tɩ yeel-a yaa: «Sẽn-Ka-Saab sẽn yaa Israyɛll Wẽnnaamã yetame: Bas mam nebã tɩ b kẽng n tɩ maan tigr mam yĩng we-raoogẽ wã.»

Yikri 5:3

A Moyiis ne a Aarõ yeelame: «Ebre nebã Wẽnnaamã waa tõnd nengẽ. Tõnd kotame tɩ y bas-d tɩ d kẽng n tɩ kẽn dasem a tãab kẽnd we-raoogẽ wã n maan maand n kõ Sẽn-Ka-Saab sẽn yaa tõnd Wẽnnaamã, tɩ b ra wa wẽ tõnd ne bã-loangd wall ne zabr sʋʋg ye.»

Yikri 7:15

Kẽng yẽnda nengẽ beoog yibeoogo, wakat ning yẽnda sẽn na n kẽng koomã noorã. Kẽng n tɩ yaas be n seg yẽnda Nill kʋɩlgã noore. La bɩ f zã dasaar ning sẽn dag n lebg waafã f nugẽ.

Yikri 8:1

Sẽn-Ka-Saab yeela a Moyiis yaa: «Yeel a Aarõ t'a rɩk a dasaarã n tẽeg a nugã tẽngã kʋɩlsã zutu, ne Nill kʋɩlgã ko-soayã, ne bãgsã fãa zutu, n kɩt tɩ lomsã yi n pid Ezɩpt tẽngã.»

Yikri 8:21

La Faarõ boola a Moyiis ne a Aarõ n yeele: «Kẽng-y n tɩ maan-y maoong tẽn-kãngã pʋg yãmb Wẽnnaamã yĩnga.»

Yikri 9:13

Sẽn-Ka-Saab yeela a Moyiis yaa: «Yik tõdbeoog n kẽng Ezɩpt rĩmã nengẽ n tɩ yeel-a tɩ maam a Sẽn-Ka-Saab sẽn yaa Ebre nebã Wẽnnaamã yetame yaa: Bas mam nebã tɩ b kẽng n tɩ waoog maam.