Yikri 7:5 - WẼNNAAM SEBRE 2014

⁵ Wakat ning mam sẽn na n tẽeg m nugã Ezɩpt tẽngã n yiis Israyɛll nebã bãmb sʋkã, Ezɩpt rãmbã na n bãngame tɩ mam yaa Sẽn-Ka-Saabo.»

SEBR SÕNGO

⁵ Na n yɩɩ tɩlɛ ne Ezipt rãmba fãa tɩ b reeg tɩ maam la Soaala-Wẽnde, tɩ m na n zẽka m nug n sɩbg-ba n paam n yiis Israyɛl kamb b tẽngẽ.»

Yikri 7:5 Iomraidhean Croise

Yɩɩn‑sõamyã 138:7

Baa mam sã n kẽnd yel-pakr pʋga, yãmb n kõt maam vɩɩm. Mam bɛɛbã sũ-yikr pʋga, y tẽegda y nugu, yãmb tẽegda y nug-rɩtg n fãag maam.

Yɩɩn‑sõamyã 9:16

Bu-zẽmsã wẽneg n lʋɩɩ bok ning bãmb sẽn tu wã pʋga. Bẽdg ning b sẽn solgã wẽneg n yõka bãmb naoã.

Yikri 10:2

Leb n yaa sẽn na n yɩlẽ tɩ fo togs f kambã ne f yagensã mam sẽn maan Ezɩpt nebã bũmb ninga, la bõn-yɛɛsds nins mam sẽn maan bãmb sʋkã. Woto, yãmb na bãng tɩ mam yaa Sẽn-Ka-Saabo.»

Yikri 10:7

La rĩmã tʋmtʋmdbã yeela rĩmã yaa: «Rao-kãngã na n yɩɩ bẽdg tõnd yĩng hal tɩ ta dabʋre? Bas-y nin-bãmbã tɩ b kẽng n tɩ waoog Sẽn-Ka-Saab sẽn yaa bãmb Wẽnnaamã. Yãmb ket n nan ka mi tɩ Ezɩpt tẽngã sãamdame?»

Yikri 14:18

La mam sã n paam waoogr Faarõ ne a saar-dãmbã la a wed-rʋʋdbã fãa yĩnga, Ezɩpt rãmbã na bãng tɩ mam yaa Sẽn-Ka-Saabo.»

Yikri 14:4

Mam na n kenga Faarõ sũuri, t'a yik n pʋgl yãmba. Mam na n paama waoogr Faarõ ne a tãb-biisã fãa yĩnga, la Ezɩpt nebã na n bãngame tɩ mam yaa Sẽn-Ka-Saabo.» Dẽ, Israyɛll nebã maana a woto.

Yikri 18:8

La a Moyiis togsa a rɛɛmbã bũmb nins fãa Sẽn-Ka-Saab sẽn maan Faarõ ne Ezɩpt rãmbã Israyɛll nebã yĩngã, la namsg nins fãa sẽn paam bãmb sorã zugã, la Sẽn-Ka-Saab sẽn fãag bãmb to-to.

Yikri 3:20

La mam na n tẽega m nug n wẽ Ezɩpt ne bõn-bãn nins fãa mam sẽn na n maan bãmb sʋkã. Dẽ poore, a na n basa yãmb tɩ y looge.

Yikri 6:1

Sẽn-Ka-Saab yeela a Moyiis yaa: «Moasã, fo na n yãnda bũmb ning mam sẽn na n maan Faarõ. Yaa nug sẽn tar pãng n na n kɩt tɩ yẽnda bas nebã tɩ b looge. N-yẽe, nug sẽn tar pãng n na n kɩt tɩ Faarõ rig bãmb tɩ b yi n bas a tẽngã.»

Yikri 6:6

Dẽ yĩnga, bɩ f yeel Israyɛll nebã tɩ mam yaa Sẽn-Ka-Saabo, la m na n yiisa Israyɛll nebã tʋʋm-wɛgl nins Ezɩpt nebã sẽn modg bãmb tɩ b maanã pʋgẽ. La mam na n fãaga bãmb n yiis-b yembd ning pʋg Ezɩpt nebã sẽn kẽes bãmbã. Yaa kang sẽn tar pãng la mam na n tẽeg n fãag yãmba. La mam na n sɩbga bãmb ne sɩbgr sẽn yaa kãseng n fãag yãmba.

Yikri 7:17

Dẽ, ad Sẽn-Ka-Saab sẽn yeta: Yaa ne bõn-kãngã la fo na n bãng tɩ mam yaa Sẽn-Ka-Saabo: Ade, mam na n wẽe Nill kʋɩlgã koom ne dasaar ning sẽn be mam nugẽ wã, la koomã na n lebga zɩɩm.

Yikri 8:10

La nebã wʋka lomsã n zame, t'a yũugã kell n piuug ne tẽngã.

Yikri 8:19

La mam na n welga m nebã ne fo nebã. Yaa beoog la bõn-bãn-kãng na n zĩndi.»

Yikri 8:22

La a Moyiis leokame: «Ka zems tɩ tõnd maan a woto ye. Bala, maand nins tõnd sẽn maand n kõt Sẽn-Ka-Saab sẽn yaa tõnd Wẽnnaamã yaa kisg ne Ezɩpt nebã. Tõnd sã n maan maoong sẽn yaa kisg ne Ezɩpt nebã bãmb nifẽ, b ka na n lob tõnd kug sɩda?

Ezekiyɛl 25:17

Mam na n doka m sũur ne bãmba, ne sũ-puug-kãsemse. Mam sã n wa rok m sũurã ne bãmb n sɛ, la b na n bãng tɩ mam yaa Sẽn-Ka-Saabo.› »

Ezekiyɛl 28:22

Yeel bãmb tɩ maam a Zu-soab a Sẽn-Ka-Saab yetame yaa: ‹Sɩdõ, mam zabda ne foom! Mam na n wilga m ziirã fo pʋgẽ.› Mam sã n wa na n sɩbg yẽnda, b na bãng tɩ mam yaa Zu-soab a Sẽn-Ka-Saabo. Mam na n wilga m pʋ-peelmã yẽnda pʋgẽ.

Ezekiyɛl 32:15

Mam sã n wa kɩt tɩ Ezɩpt lebg zĩ-vɩʋʋgo, la m kɩt tɩ b vaag bũmb nins fãa sẽn be tẽngã pʋgẽ wã n looge, mam sã n wa kʋ tẽngã neb fãa zãnga, bãmb na bãng tɩ mam yaa Zu-soab a Sẽn-Ka-Saabo.»

Ezekiyɛl 36:23

Mam na n wilgame tɩ m yʋ-kãsengã b sẽn sãam buud toay-toayã sʋkã, yʋʋr ning yãmb sẽn dag n sãam bu-bãmb sʋkã, yaa yʋʋr sẽn welg toore. Woto, mam sã n wa wilg m pʋ-peelmã ne yãmb buud toay-toayã nifẽ, bãmb na bãng tɩ mam yaa Sẽn-Ka-Saabo! Maam a Zu-soab a Sẽn-Ka-Saab n yeele.»

Ezekiyɛl 39:22

Sẽn sɩng ne badaare, Israyɛll buudã na bãng tɩ mam yaa Sẽn-Ka-Saab sẽn yaa bãmb Wẽnnaam.› »

Ezekiyɛl 39:7

Mam na n kɩtame tɩ Israyɛll sẽn yaa mam nebã bãng mam yʋʋrã sẽn welg toorã. La m ka na n tol n leb n bas tɩ b sãam m yʋʋrã sẽn welg toorã ye. Woto, buud toay-toayã na n bãngame tɩ mam yaa Zu-soab a Sẽn-Ka-Saabo, n yaa Israyɛll Pʋ-Peelem-Soabã.