Yikri 7:23 - WẼNNAAM SEBRE 2014

²³ Faarõ lebg n kuila a yiri, la yẽnda ka ges bõn-kãng wa yell ye.

SEBR SÕNGO

²³ Dĩma gesa rẽ fãa wa zaalem la a leba a zakẽ.

Yikri 7:23 Iomraidhean Croise

A. Zoobe 7:17

Ninsaal yaa bõe tɩ yãmb nand-a, la y maand yɩɩr a yĩnga,

Yɩɩn‑sõamyã 62:10

Ninsaal buud fãa wẽnda pemsem bala! B sã n mak ninsaalbã ne zɩslem makdga, b mikdame tɩ b yaa wa sobg bala! Bãmb fãa zɩslmã ka ta pemsem ye.

Yikri 7:22

Ezɩpt tɩtã-rãmb me maana woto ne b tɩɩmã. La Faarõ sũurã riglmame tɩ yẽnda ka kelg bãmb ye. Kell n yɩɩ wa Sẽn-Ka-Saab sẽn dag n yeelã.

Yikri 7:24

Ezɩpt nebã fãa tuu buls Nill kʋɩlgã sɛɛgẽ n bao ko-yũudum. Bala, bãmb dag n ka tõe n yũ Nill kʋɩlgã koom ye.

Yikri 9:20

A Faarõ tʋmtʋmdb kẽer sẽn dag n zoet Sẽn-Ka-Saabã kɩtame tɩ b tall b tʋmtʋmdbã ne b rũmsã n wa kẽes rotẽ.

Yikri 9:21

La neb nins sẽn ka geelg Sẽn-Ka-Saab goamã basa b tʋmtʋmdbã ne b rũmsã weoogẽ wã.

Yelbũna 22:17

Kɩll f tʋbr n kelg yam dãmb goamã, yok f yam n deeg m bãngrã.

Yelbũna 24:32

Mam maaga m yĩng n tags bũmb ning mam sẽn yã wã yelle, la m paama zãmsgo.

Yelbũna 28:14

Sẽn zoet-a Wẽnnaam wakat fãa tara barka! La sẽn kengd-a a sũur na n paama toogo.

Yelbũna 29:1

B sã n keoogd ned t'a nakd a kãare, sãoong n na n wa ling-a tɩ sẽn maand kae ye.

A Ezayi 26:11

Sẽn-Ka-Saabo, yãmb nugã zãntame hal tɩ bãmb ka ne-a ye. Bãmb na n yãnda yãmb sẽn tar nonglem-kãseng ning y nebã yĩngã, tɩ bõn-kãng yãnd yõk-ba. Woto, bugum n na n dɩ yãmb bɛɛbã.

A Ezayi 47:7

Fo rag n yetame: «Mam na n kell n yɩɩ naab wakat fãa!» Fo ka tags bõn-kãensã fãa yell ye, fo ka tags yɛlã sẽn na n wa yɩ to-to wã ye.

Zeremi 36:24

La baoosgo, rĩmã ne a tʋmtʋmdb nins sẽn be ne yẽnda wã sẽn wʋm gom-kãensa wã, b ka yɛɛs wall b pãrs b fut ye.

Zeremi 5:3

Sẽn-Ka-Saabo, rẽ yĩnga, ka pʋ-peelem dãmb la yãmb baood sɩda? Yãmb wẽ-b lame la ka zab bãmb ye. Yãmb dag n dat n sãam-b lame, la b ka sak n deeg remsg ye. Bãmb kenga b nens n yɩɩg pĩig kugri. Bãmb ka sak n na n lebg n wa yãmb nengẽ ye.

Ezekiyɛl 40:4

Raoã yeela maam yaa: «Ninsaala, puk f nini, la f yok f tʋba! Ges mam sẽn na n wilg foom bũmb ningã neere. Bala, yaa bõn-kãng gesg yĩnga la m sẽn tall foom n wa ka wã. Wilg Israyɛll buudã bũmb nins fãa fo sẽn na n yãndã.»

Abakuk 1:5

Sẽn-Ka-Saab yeela b nebã yaa: «Ges-y bu-zẽmsã sʋka, ges-y tɩ y pɛleng yɩke, tɩ yɩ lingr ne-yã. Bala, bũmb n maand yãmb wakate, la b sã n dag n yeel yãmba, yãmb ka na n tẽ ye.

Malasi 2:2

«Ade, yãmb sã n ka kelge, la y sã n ka yãk yam n kõ mam yʋʋrã waoogre, mam na n tʋma kãab-wẽngã yãmb sʋka, la m kɩt tɩ y barkã lebg kãab-wẽnga. N-yẽe, mam na n kɩtame tɩ y barkã lebg kãab-wẽnga, yãmb sẽn ka kelg m keoogrã yĩnga.» Maam a Saasẽ-Pãng-Soabã n yeele.

Yaoolem 32:46

«Tags-y goam nins fãa mam sẽn togs yãmb dũndã wã yell neere, la y rɩk bãmb n wilg y kamba, tɩ b gũus b mens n sak tõ-kãensã fãa goamã.

1 Sãmwɛlle 4:20

La toogã sẽn sãag-a t'a rat n ki wã, pagb nins sẽn dag n be ne yẽnda wã yeel-a lame: «Da zoe rabeem ye. Bala, fo roga bi-ribla.» La a ka tõog n leok tɩ bũmb ye. A ka kelg-b meng ye.