Yikri 7:17 - WẼNNAAM SEBRE 2014

¹⁷ Dẽ, ad Sẽn-Ka-Saab sẽn yeta: Yaa ne bõn-kãngã la fo na n bãng tɩ mam yaa Sẽn-Ka-Saabo: Ade, mam na n wẽe Nill kʋɩlgã koom ne dasaar ning sẽn be mam nugẽ wã, la koomã na n lebga zɩɩm.

SEBR SÕNGO

¹⁷ Ad-m sẽn yet-fo: ges bũmb ning sẽn na n wilg tɩ maam la Soaala-Wẽnde: m na n dɩka dasaarã m sẽn zãadã n wẽ kʋɩlga koom la a na n lebga zɩɩm.

Yikri 7:17 Iomraidhean Croise

1 Rĩm-dãmbã 20:28

Wẽnnaam daoã leb n waa Israyɛll rĩmã nengẽ n yeele: «Sẽn-Ka-Saab yetame: Siiri nebã yetame tɩ mam yaa tãms Wẽnnaam, tɩ m ka tãn-lond Wẽnnaam ye. Woto yĩngã, mam na n kɩtame tɩ f tõog kʋʋn-kãngã yãmb sẽn ne wã, la yãmb na n bãngame tɩ mam yaa Sẽn-Ka-Saabo.»

2 Rĩm-dãmba 19:19

Moasã, Sẽn-Ka-Saab sẽn yaa tõnd Wẽnnaam, d kotame tɩ y fãag tõnd a Senakeriib nugẽ, tɩ dũniyã soolem-dãmbã fãa bãng tɩ yaa yãmb a Sẽn-Ka-Saab y yembr bal n yaa Wẽnnaam.»

Yɩɩn‑sõamyã 105:29

Sẽn-Ka-Saab teka Ezɩpt tẽngã koomã tɩ lebg zɩɩm tɩ b zĩmã ki.

Yɩɩn‑sõamyã 78:44

Wẽnnaam teka Nill kʋɩlsã koom tɩ lebg zɩɩm, tɩ b ka leb n tõe n yũ ye.

Yɩɩn‑sõamyã 83:18

Bɩ yãnd ne rabeem yõk-b wakat fãa, bɩ yãnd yõk-b tɩ b sãame!

Yɩɩn‑sõamyã 9:16

Bu-zẽmsã wẽneg n lʋɩɩ bok ning bãmb sẽn tu wã pʋga. Bẽdg ning b sẽn solgã wẽneg n yõka bãmb naoã.

Yikri 1:22

Dẽ, Faarõ yeela a nebã fãa yaa: «Kom-dibli nins fãa sẽn na n dogã bɩ y lob-b Nill kʋɩlgã pʋgẽ, la y bas kom-pugli wã fãa tɩ b vɩɩmde.»

Yikri 10:2

Leb n yaa sẽn na n yɩlẽ tɩ fo togs f kambã ne f yagensã mam sẽn maan Ezɩpt nebã bũmb ninga, la bõn-yɛɛsds nins mam sẽn maan bãmb sʋkã. Woto, yãmb na bãng tɩ mam yaa Sẽn-Ka-Saabo.»

Yikri 4:9

La bãmb sã n ka tẽ bãn-kãens a yiibã fãa, la b sã n ka sak n kelg fo koɛɛgã, bɩ f yãk Nill kʋɩlgã koom n pʋdg tẽn-koɛɛngã zugu, la kʋɩlgã koom fo sẽn na n yãkã na n lebga zɩɩm tẽn-koɛɛngã zugu.»

Yikri 5:2

La Faarõ leokame: «Sẽn-Ka-Saab yaa ãnda tɩ mam na n kelg bãmb koɛɛg n bas Israyɛll nebã tɩ b looge? Mam ka mi Sẽn-Ka-Saabo, la m ka na n bas Israyɛll nebã tɩ b loog ye!»

Yikri 6:7

Mam na n deega yãmb tɩ y yɩ mam neba, la mam na n yɩɩ yãmb Wẽnnaam. La yãmb na n bãngame tɩ yaa Sẽn-Ka-Saab n yaa yãmb Wẽnnaam, soab ning sẽn fãag-a yãmb ne tʋʋm-wɛgl nins Ezɩpt nebã sẽn modg yãmb tɩ y maanã.

Yikri 7:20

A Moyiis ne a Aarõ maana wa Sẽn-Ka-Saab sẽn yeel bãmbã. Yẽnda zẽka a rasaarã Nill kʋɩlgã koom zug Faarõ ne a tʋmtʋmdbã nifẽ, la Nill kʋɩlgã koom fãa lebga zɩɩm.

Yikri 7:5

Wakat ning mam sẽn na n tẽeg m nugã Ezɩpt tẽngã n yiis Israyɛll nebã bãmb sʋkã, Ezɩpt rãmbã na n bãngame tɩ mam yaa Sẽn-Ka-Saabo.»

Ezekiyɛl 25:17

Mam na n doka m sũur ne bãmba, ne sũ-puug-kãsemse. Mam sã n wa rok m sũurã ne bãmb n sɛ, la b na n bãng tɩ mam yaa Sẽn-Ka-Saabo.› »

Ezekiyɛl 29:9

Ezɩpt tẽngã na n lebga zĩ-vɩʋʋgo, la raboogo. Woto la b na n bãng tɩ mam yaa Zu-soab a Sẽn-Ka-Saabo.› » Bala, yẽnda yetame: «Nill kʋɩlgã yaa maam n so, la yaa maam n maan-a.

Ezekiyɛl 30:19

Mam na n sɩbga Ezɩpt tẽngã, la b na n bãngame tɩ maam la Sẽn-Ka-Saabo.»

Ezekiyɛl 30:8

Mam sã n wa ning Ezɩpt tẽngã bugum, la m sãam a sõangdbã fãa, bãmb na bãng tɩ mam yaa Sẽn-Ka-Saabo.

Ezekiyɛl 32:15

Mam sã n wa kɩt tɩ Ezɩpt lebg zĩ-vɩʋʋgo, la m kɩt tɩ b vaag bũmb nins fãa sẽn be tẽngã pʋgẽ wã n looge, mam sã n wa kʋ tẽngã neb fãa zãnga, bãmb na bãng tɩ mam yaa Zu-soab a Sẽn-Ka-Saabo.»

Ezekiyɛl 32:6

Mam na n zãgsa tẽng ning fo sẽn be a pʋgẽ n dugdã ne fo zɩɩmã, hal n tãag tãmsã zutu, n pid f kʋɩl-wagdã.

Ezekiyɛl 38:23

Mam na wilga m kãosengã ne m pʋ-peelmã, la m kɩt tɩ buud wʋsg bãng maam. Woto, bãmb na n bãngame tɩ mam yaa Sẽn-Ka-Saabo.»

Ezekiyɛl 39:28

Mam sã n wa sãeeg bãmb buud toay-toayã sʋka, mam na n leb n tigim-b-la b tẽngẽ wã. Mam ka na n bas bãmb sʋkã ned ba a yembr beenẽ ye. Woto, bãmb na bãng tɩ mam yaa Sẽn-Ka-Saab sẽn yaa bãmb Wẽnnaam.

A Dãniyɛlle 4:17

Tɩɩgã yãmb sẽn yã tɩ lebgd bedrã, hal t'a pãngã paasdẽ, t'a zugã tẽkd sa-gãongã, tɩ sẽn be-b dũniyã kɩremsã fãa ne-a wã,

A Dãniyɛlle 4:32

Dũniyã nebã fãa yaa wa zaalem bãmb taoore. Bãmb maanda b sẽn dat ne malɛgsã sẽn be saasẽ wã, la ne ninsaalbã sẽn be dũniyã zugã. Ned ka be n tar pãng n tõe n kɩɩs bãmb b naamẽ wã ye. La ned me ka be n tõe n sok tɩ yaa bõe la b maand ye.

A Dãniyɛlle 5:21

La b riga rĩm a Nebukatnedzaar n yiis ninsaalb sʋka, n kɩt tɩ b yamã menem, tɩ b lebg wa rũnga, la bãmb rag n tɩ vɩɩ ne we-rũmsi, la b rag n kõta bãmb yamd wa naafo. La meenem dʋʋga bãmba, hal tɩ ta wakat ning bãmb sẽn wa n bãng tɩ Wẽnnaam Sẽn-Ka-To wã n so ninsaalbã fãa naamã n kõt b sẽn dat-a soabã.

A Dãniyɛlle 5:23

Yãmb zẽka y meng n kɩɩs Zu-soabã sẽn be saasẽ wã. Yãmb kɩtame tɩ b tall Zu-soabã roogã laasã n wa kõ yãmba, tɩ yãmb ne y nin-kãsemsã, la y pagbã, ne y pʋg-rɩkdsã tall-b n yũ reezẽ rãam. Yãmb waooga y wẽn-naandsã sẽn maan ne wanzuri, la sãnem, la zũudu, ne kutu, la raad ne kugã. Bãmb yaa wẽnnaam-dãmb sẽn ka ne, la b ka wʋmde, la b ka tar bãngr ye. Yãmb ka waoog Wẽnnaam ning sẽn so-a yãmb vɩɩmã, ne bũmb nins fãa yãmb sẽn maandã ye.

Vẽnegre 11:6

Bãmb tara pãn-tõog tɩ pag yĩngri, tɩ saag ka ni dasem nins bãmb sẽn togsd pĩnd‑bãngr goamã wakate, la b tar pãn-tõog n tõe n tek koomã tɩ lebg zɩɩm, la b kɩt tɩ tood buud fãa paam nebã tẽng zugu, wakat ning fãa b sẽn date.

Vẽnegre 8:8

Malɛɛk a yiibẽ soabã peeba baorgo. La b loba bũmb sẽn wẽnd wa tãn-kãseng sẽn dɩt bugum ko-kãsengã pʋga. La ko-kãsengã pʋɩɩr a yembr tãab sʋk lebga zɩɩm.