Yikri 7:16 - WẼNNAAM SEBRE 2014

¹⁶ Yeel Faarõ yaa: Sẽn-Ka-Saab sẽn yaa Ebre nebã Wẽnnaamã tʋma maam fo nengẽ tɩ m wa yeel-f tɩ f bas bãmb nebã tɩ b kẽng we-raoogẽ wã n tɩ waoog bãmba. La hal tɩ ta moasã, fo ka kelg ye.

SEBR SÕNGO

¹⁶ Gom ne dĩma woto: Soaala-Wẽnde, a Israyɛl Wẽndã tʋma maam f nengẽ tɩ m wa yeel-fo: bas m neba tɩ b yi n tɩ waoog-m we-raoogẽ. Sẽn ta marsã, fo yẽda f tʋba.

Yikri 7:16 Iomraidhean Croise

Yikri 10:3

Dẽ, a Moyiis ne a Aarõ kẽnga Faarõ nengẽ n tɩ yeel-a tɩ Sẽn-Ka-Saab sẽn yaa Ebre nebã Wẽnnaamã sokdame yaa: «Fo na n zãgsame tɩ f ka na n sik f meng mam taoor hal tɩ ta dabʋre? Bas mam nebã tɩ b kẽng n tɩ waoog maam.

Yikri 13:15

Faarõ sẽn zãgs n ka bas tõnd tɩ d loogã, Sẽn-Ka-Saab kʋʋ Ezɩpt kom-dẽemsã fãa, sẽn sɩng ne ninsaalbã kom-dẽems hal tɩ ta rũmsã kom-dẽemse. Yaa rẽ n kɩt tɩ tõnd dɩkd kom-dẽemsã fãa sẽn yaa raopã n maand maand n kõt Sẽn-Ka-Saabo, la d daad kom-dẽems nins fãa sẽn be tõnd kom-dibli wã sʋkã.

Yikri 14:5

B togsa Ezɩpt rĩmã tɩ nebã zoeeme. Dẽ, Faarõ ne a tʋmtʋmdbã teka yam Israyɛll nebã yell poorẽ, la b yeelame: «Yaa bõe la tõnd sẽn maan woto wã, n bas Israyɛll nebã tɩ b loog n bas tõndo, tɩ b yaool n dag n tʋmd n kõta tõndo?»

Yikri 3:12

Wẽnnaam yeelame: «Mam na n zĩnda ne foom. La ad bãnd ning sẽn na n kɩt tɩ fo bãng tɩ yaa maam n tʋm foom. Fo sã n tõog n tall nebã n yi Ezɩpt soolmẽ wã, bɩ y waoog Wẽnnaam tãn-kãngã zugu.»

Yikri 3:13

Dẽ, a Moyiis yeela Wẽnnaam yaa: «Beneere! Wa mam sã n kẽng Israyɛll nebã nengẽ n tɩ yeel bãmb tɩ bãmb yaab-rãmbã Wẽnnaam n tʋm maam b nengẽ, tɩ bãmb sok maam a yʋʋre, mam na n leok-b lame tɩ bõe?»

Yikri 3:18

Dẽ, bãmb na n kelga fo koɛɛgã. Bɩ foom ne Israyɛll kãsem-dãmbã kẽng Ezɩpt rĩmã nengẽ n tɩ yeel yẽnda yaa: Sẽn-Ka-Saab sẽn yaa Ebre nebã Wẽnnaamã waa tõnd nengẽ. Dẽ, tõnd kota yãmb sor moasã n kẽng rasem a tãab kẽnd we-raoogã pʋgẽ n tɩ maan maoong Sẽn-Ka-Saab sẽn yaa tõnd Wẽnnaamã yĩnga.

Yikri 4:22

Fo na n yeela Faarõ yaa: «Ade, Sẽn-Ka-Saab yetame: ‹Israyɛll yaa mam bi-ribl-kãsenga.›

Yikri 4:23

Mam yeta foom tɩ f bas m bi-riblã t'a kẽng n tɩ waoog maam. La fo sã n kɩɩs n ka bas yẽnda t'a kẽnge, mam na n kʋʋ fo bi-ribl-kãsengã.»

Yikri 7:4

La Faarõ ka na n kelg yãmb ye. Dẽ, mam na n tẽega m nug Ezɩpt soolmã zug n sɩbg bãmb ne sɩbgr sẽn yaa kãsenga, la m na n yiisa Israyɛll nebã sẽn yaa m tãb-biisã Ezɩpt soolmã pʋgẽ.

Yikri 8:1

Sẽn-Ka-Saab yeela a Moyiis yaa: «Yeel a Aarõ t'a rɩk a dasaarã n tẽeg a nugã tẽngã kʋɩlsã zutu, ne Nill kʋɩlgã ko-soayã, ne bãgsã fãa zutu, n kɩt tɩ lomsã yi n pid Ezɩpt tẽngã.»

Yikri 8:20

Sẽn-Ka-Saab maana woto. La kɛooda wʋsg waa Faarõ roogẽ wã, la yẽnda poorẽ dãmbã rotẽ Ezɩpt soolmã tɛk fãa. La tẽngã sãamã kɛooda wã yĩnga.

Yikri 9:1

Sẽn-Ka-Saab yeela a Moyiis yaa: «Kẽng Faarõ nengẽ n tɩ yeel-a tɩ Sẽn-Ka-Saab sẽn yaa Ebre nebã Wẽnnaamã yetame: ‹Bas mam nebã tɩ b kẽng n tɩ waoog maam.

Yikri 9:13

Sẽn-Ka-Saab yeela a Moyiis yaa: «Yik tõdbeoog n kẽng Ezɩpt rĩmã nengẽ n tɩ yeel-a tɩ maam a Sẽn-Ka-Saab sẽn yaa Ebre nebã Wẽnnaamã yetame yaa: Bas mam nebã tɩ b kẽng n tɩ waoog maam.

A Ezayi 45:13

Maam n yãk a Siruus wa sẽn zems mam tɩrlmã, la m na n manega a soayã fãa. Yẽnda na n lebs n mee mam tẽngã, la a bas mam nebã sẽn be yembdã tɩ b looge, n ka reeg yaood wall kũun ye. Yaa Saasẽ-Pãng-Soabã n yeele.› »

Zeremi 50:33

Ad Saasẽ-Pãng-Soabã sẽn yeta: B namsa Israyɛll ne Zʋʋda nebã. Neb nins fãa sẽn yõg bãmb n maan yembsã ka rat n bas-b tɩ b loog ye.