Yikri 7:11 - WẼNNAAM SEBRE 2014

¹¹ La Faarõ me boola yam dãmba ne tɩtã-rãmbã. Dẽ, Ezɩpt tɩtã-rãmb me maana woto ne bãmb tɩɩmã.

SEBR SÕNGO

¹¹ Naaba me boola neb sẽn tar yam zulunga, a bagba la a tɩt rãmba. Bãmb me tõogame n maan bõn-bãnd kãnga.

Yikri 7:11 Iomraidhean Croise

Sɩngrẽ 41:8

Beoogã sẽn vẽege, Faarõ pɛlengã yɩkame t'a kɩt tɩ b bool tɩtã-rãmb fãa ne Ezɩpt tẽngã tɩtã-rãmb zãng tɩ b wa. La Faarõ togsa bãmb yẽnda zãmsdã sẽn yɩ to-to. La bãmb ned baa a yembr ka tõog n na n bilg zãmsd baa a yembr võor n kõ Faarõ ye.

Yikri 7:12

Bãmb fãa loba b rasabã tẽnga, la b lebga wiisi. La a Aarõ dasaarã vela bãmb dẽndã.

Yikri 7:22

Ezɩpt tɩtã-rãmb me maana woto ne b tɩɩmã. La Faarõ sũurã riglmame tɩ yẽnda ka kelg bãmb ye. Kell n yɩɩ wa Sẽn-Ka-Saab sẽn dag n yeelã.

Yikri 8:18

La badaare, mam na n welga Gosɛn tẽngã, zĩig ning mam nebã sẽn be wã. La kɛooda wã ka na n tol n ta be ye, tɩ fo bãng tɩ mam yaa Sẽn-Ka-Saab la m bee dũniyã tẽn-sʋka.

Yikri 8:3

La tɩtã-rãmb me maana a woto ne b tɩɩmã, n kɩt tɩ loms yi n pid Ezɩpt tẽngã.

Yikri 8:7

Lomsã na n basa fo yirã ne f tʋmtʋmdbã la f nebã. Yaa Nill kʋɩlgã pʋgẽ bal la lomsã na n kell n zĩndi.»

A Dãniyɛlle 2:2

Rĩm a Nebukatnedzaar kɩtame tɩ b bool tɩtã-rãmbã, ne bãngdbã, la bag-bʋgdbã ne Kalde rãmbã bãngdbã fãa, tɩ b wa bilg yẽnda a zãmsdã võore. La bãmb fãa waa rĩmã nengẽ.

A Dãniyɛlle 2:27

A Dãniyɛll yalsa rĩmã taoor n leok n yeele: «Yel-solemd ning rĩmã sẽn dat n bãng a võorã, ka bãngdbã, wall bãngdb ne tɩtã-rãmb n tõe n bilg yãmb a võorã ye.

A Dãniyɛlle 4:6

«Bɛlsatzaare, fo yaa bãngdbã fãa naaba, la mam miime tɩ Wẽnnaam-sõmyã sɩɩgã bee ne foom, la yel-solemd ba a yembr ka be t'a bilgr yaa toog ne foom ye. Dẽ yĩngã, bɩ f bilg maam m zãmsdã võore.

A Dãniyɛlle 5:11

Ned a yembr n be yãmb soolmẽ wã n tar wẽnnaam-sõmyã sɩɩga. Yãmb ba wã zamaanẽ, b mikame t'a yaa ned sẽn tar vẽnegre, bãngre la a tar yam wa wẽnnaam-dãmbã yam. Dẽ kɩtame, tɩ rĩm a Nebukatnedzaar sẽn yaa yãmb ba wã yãk-a n kɩt t'a lebg tɩtã-rãmb ne bãngdbã, la Kalde rãmba bãngdbã ne bag-bʋgdbã fãa naaba. Yaa yãmb ba wã n dag n maan woto.

A Dãniyɛlle 5:7

La rĩmã tãsame, n yeel tɩ b tɩ bool bãngdbã ne Kalde rãmbã bãngdbã, ne bag-bʋgdbã tɩ b wa. Dẽ, rĩmã yeela bãmb yaa: «Ned ning sẽn na n tõog-a n karm-a gʋlsmã, la a bilg a võorã n kõ-ma, b na n yeelga a soabã naam fuugu, la b pid a soabã kokor sãnem yãndo, la b kõ-a naam n kɩt t'a yɩ tãabẽ-soab mam soolmã nanambs sʋka.»

A Matiye Sõng 24:24

Bala, belgr kiris-rãmb la belgr no-rɛɛsdb n na n puki. B na n maana bõn-kãsemse, la bõn-yɛɛsdse, hal tɩ b sã n tõe menga, b na n tudga nin-tũusdsã mense.

Galat Rãmba 3:1

Yãmb Galasi neb sẽn ka yam! Ãnda n belg yãmba, b bilga yãmb a Zeezi Kiris b sẽn ka da-pɩk zugã yellã vẽenegã ãnda n belg yãmba?

Efɛɛz Rãmba 4:14

Woto, tõnd kõn leb n yɩ wa kamb sẽn lengde, tɩ zãmsg buud fãa rɩkd-d n loogdẽ, tɩ ninsaalbã zãmbã ne b belgr tʋʋmã tar tõnd n leebdẽ ye.

2Tesalonik Rãmba 2:9

Wẽn-kɩɩsdã waoong na n yɩɩ ne a Sʋtãan pãnga, ne zĩrẽ bõn-bãn la bãna, la bõn-yɛɛsds buud toay-toaya,

2 Tɩmote 3:8

Wa a Zanɛs ne a Zãmbrɛs sẽn kɩɩs a Moyiisã, nin-kãensã kɩɩsda sɩdã me a woto. Bãmb yaa nebã, b tagsg sẽn sãame, la b tẽebã ka yalsd makr wakat ye.

2 Tɩmote 3:9

La b ka na n leb n kẽng taoor ye. Bala, nebã fãa na n yãnda b yalemdã, wa b sẽn yã daop a yiibã rẽndã.

Vẽnegre 19:20

La b yõka rũngã ne zãmb no-rɛɛs ning sẽn dag n maan bõn-yɛɛsds rũngã taoor n belg neb nins sẽn deeg rũngã bãndã la b wõgemded yẽnda bõn-naandgã taoorã. B loba bãmb b yiibã fãa vɩɩs bugum mogr pʋgẽ zĩig ning kidbr sẽn dɩtã.

1 Sãmwɛlle 6:2

La Filistẽ-dãmbã boola b maan-kʋʋdbã ne b bagbã n sok-b yaa: «Tõnd na n maana a wãn ne Sẽn-Ka-Saab kaoolã koglgã? Sõng-y tõnd tɩ d bãng d sẽn na n maan to-to n lebs-a a sẽn yiẽ wã.»