Yikri 7:10 - WẼNNAAM SEBRE 2014

¹⁰ La a Moyiis ne a Aarõ kẽnga Faarõ nengẽ n tɩ maan wa Sẽn-Ka-Saab sẽn yeel bãmbã. A Aarõ loba a rasaarã tẽng Faarõ ne a tʋmtʋmdbã fãa taoore, la rasaarã lebga waafo.

SEBR SÕNGO

¹⁰ A Moyiiz ne a Aarõ kẽnga dĩma taoore la b maana wala b sẽn da yeel-bã. A Aarõ loba a dasaarã dĩma taoore, a neba taoore, la dasaara lebga wag-bãnde.

Yikri 7:10 Iomraidhean Croise

Yɩɩn‑sõamyã 135:9

Ezɩpt nebã, bãmb tʋma bãn ne bõn-bãn yãmb sʋka, n sɩbga Faarõ ne a tʋmtʋmdbã fãa.

Yikri 12:28

Dẽ, Israyɛll nebã kẽngame n tɩ maan wa Sẽn-Ka-Saab sẽn dag n yeel a Moyiis ne a Aarõ wã.

Yikri 4:3

La Wẽnnaam yeelame: «Lob-a tẽnga.» Dẽ, yẽnda lob-a-la tẽnga, la a lebga waafo. La a Moyiis zoee waafã taoore.

Yikri 7:15

Kẽng yẽnda nengẽ beoog yibeoogo, wakat ning yẽnda sẽn na n kẽng koomã noorã. Kẽng n tɩ yaas be n seg yẽnda Nill kʋɩlgã noore. La bɩ f zã dasaar ning sẽn dag n lebg waafã f nugẽ.

Yikri 7:20

A Moyiis ne a Aarõ maana wa Sẽn-Ka-Saab sẽn yeel bãmbã. Yẽnda zẽka a rasaarã Nill kʋɩlgã koom zug Faarõ ne a tʋmtʋmdbã nifẽ, la Nill kʋɩlgã koom fãa lebga zɩɩm.

Yikri 7:6

A Moyiis ne a Aarõ maana wa Sẽn-Ka-Saab sẽn yeel bãmb tɩ b maanã.

Yikri 7:9

«Faarõ sã n yeel yãmb tɩ y maan bõn-bãnde, bɩ f yeel a Aarõ t'a rɩk a rasaarã n lob tẽng Faarõ taoore, la rasaarã na n lebga waafo.»

A Amoose 9:3

Bãmb sã n tɩ soond Karmell tãngã zugu, mam na n tɩ baoo bãmb be n yõg-ba, Bãmb sã n zoe n tɩ kẽ ko-kãsengã yaang n na n soonde, mam na n kɩtame tɩ wiis kɛ-ba

A Mark Sõng 16:18

Bãmb na n yõga wiisi, la b sã n yũ bũmb sẽn yaa zẽnem, a kõn zab-b ye. Bãmb na n tika bãad-rãmb ne b nusi, la b na n paama maagre.

A Luk Sõng 10:19

La ade, mam kõo yãmb pãng tɩ y tab wiis la namse, la bɛyã pãngã fãa, la baa fʋɩ kõn tõog n maan yãmb wẽng ye.