Yikri 6:8 - WẼNNAAM SEBRE 2014

⁸ Mam na n talla yãmb n tɩ kẽes tẽng ning mam sẽn dag n zẽk m nug n wẽen n yeel tɩ m na n kõo a Abrahaam ne a Izak la a Zakoobã. Maam a Sẽn-Ka-Saab na n kõo yãmb tẽngã tɩ y sooge.»

SEBR SÕNGO

⁸ Dẽ poore, m na n kẽes-y-la tẽng ning m sẽn kãab a Abraam, a Izaak, a Zakoob, la tẽnga na waa n lebg y soolem, tɩ maam, y Wẽndã, n kãab-y rẽnna.»

Yikri 6:8 Iomraidhean Croise

Sɩngrẽ 14:22

La a Abram leoka Sodom rĩmã yaa: «Mam zẽkda m nug n wẽend ne Saasẽ-Pãng-Soab a Wẽnnaam Sẽn-Ka-Saab sẽn yaa yĩngr la tẽng naandã,

Sɩngrẽ 15:18

Badaare, Sẽn-Ka-Saab maana kaool ne a Abram n yeele: «Mam kõta fo yagensã tẽn-kãngã tɩ b sooge. Yaa sẽn sɩng ne Ezɩpt kʋɩlgã, n tall n tɩ tãag Efrat kʋɩl-kãsengã.

Sɩngrẽ 26:3

Zĩnd sãand tẽn-kãng pʋga, bala, mam bee ne foom, la m na n ning-f-la barka. Bala, mam na n dɩka tẽn-bãmb fãa n kõ foom ne f yagensã tɩ y sooge. Mam na n maana woto, n pids wẽeneg ning mam sẽn dag n wẽen ne fo ba a Abrahaamã.

Sɩngrẽ 28:13

La mikame tɩ Sẽn-Ka-Saab rag n yasa raodgã zugẽ n yetẽ yaa: «Mam yaa Sẽn-Ka-Saabo, n yaa fo yaab a Abrahaam Wẽnnaam, la a Izak Wẽnnaam. Fo sẽn gãe tẽng ning zugã, mam na n kõ-a-la foom ne f yagensã tɩ y sooge.

Sɩngrẽ 35:12

Mam na n kõo foom tẽng ninga, mam sẽn dag n kõ a Abrahaam ne a Izakã. La fo loogr zugẽ, mam na n kõo fo yagensã tẽn-kãngã.»

A Neemi 9:15

Yãmb kɩtame tɩ bur yi yĩngr n sig tɩ b rɩ n yiis b kom, la y kɩt tɩ koom pusg pĩig zug n yi, tɩ b yũ n yiis b ko-yũudu. La yãmb yeel-b lame tɩ b kẽng n tɩ reeg tẽng ning yãmb sẽn dag n zẽk y nug n wẽen n yeel tɩ y na n kõ-b lame tɩ b soogã.

Yikri 13:5

Sẽn-Ka-Saab sã n wa kɩt tɩ yãmb kẽ tẽng ning Kana nebã, ne Hɛt nebã, la Amoor nebã, ne Hevi nebã, la Zebuus nebã sẽn beẽ wã pʋga, tẽng ning Sẽn-Ka-Saab sẽn dag n kãab n yeel tɩ b na n kõo y yaab-rãmbã, sẽn yaa tẽng sẽn pid ne bĩisim la sɩɩdã, bɩ y maan minin-kãng ki-kãng pʋgẽ.

Yikri 32:13

Tẽeg-y yãmb tʋmtʋmdb a Abrahaam ne a Izak la a Israyɛll yãmb sẽn dag n wẽen ne bãmb ne yãmb meng yʋʋr n yeel tɩ: Mam na n kɩtame tɩ yãmb yagensã fɩɩg n lebg wʋsg wa ãds sẽn be yĩngrã. Mam na n kõo yãmb yagensã tẽng ning mam sẽn dag n gom a yellã n yeel t'a na n yɩɩ bãmb pʋɩɩr wakat sẽn ka sɛtã.»

Yikri 6:2

Wẽnnaam goma ne a Moyiis n yeele: «Mam yaa Sẽn-Ka-Saabo.

Yikri 6:4

La mam maana kãabg ne bãmb n yeel-b tɩ mam na n kõ-b-la Kana tẽngã, tẽng ning bãmb sẽn dag n yaa sãamb a pʋgẽ wã.

Yikri 6:6

Dẽ yĩnga, bɩ f yeel Israyɛll nebã tɩ mam yaa Sẽn-Ka-Saabo, la m na n yiisa Israyɛll nebã tʋʋm-wɛgl nins Ezɩpt nebã sẽn modg bãmb tɩ b maanã pʋgẽ. La mam na n fãaga bãmb n yiis-b yembd ning pʋg Ezɩpt nebã sẽn kẽes bãmbã. Yaa kang sẽn tar pãng la mam na n tẽeg n fãag yãmba. La mam na n sɩbga bãmb ne sɩbgr sẽn yaa kãseng n fãag yãmba.

Ezekiyɛl 20:15

La we-raoogã pʋgẽ, mam zẽka m nug n wẽen tɩ m ka na n leb n tall bãmb n taas tẽng ning mam sẽn dag n kãab bãmbã ye. Yaa tẽng sẽn tar bĩisim ne sɩɩd wʋsgo, n yaa neer n yɩɩd tẽms a taabã fãa.

Ezekiyɛl 20:23

We-raoogã pʋgẽ, maam n leb n zẽk m nug n wẽen n yeel bãmb tɩ m na n kɩtame tɩ b sãeeg n kẽ bu-zẽmsã sʋka, la m kɩt tɩ b sãeeg n zĩnd tẽmsã fãa pʋsẽ.

Ezekiyɛl 20:28

Mam talla bãmb n ta tẽng ning mam sẽn dag n zẽk m nug n wẽen tɩ m na n kõo bãmbã pʋga, la bãmb wẽnemd n gesa kunkub nins fãa sẽn zẽkã, la b ges tɩɩg ning sẽn tar maasem wʋsgã. Bãmb maana b maandã beenẽ, la b wa ne b kũun n yik m sũuri. Bãmb waa ne kũun toor-toor sẽn tar yũ-noogo, la b raag b bõn-yũudl kũunã.

Ezekiyɛl 20:42

Mam sã n tall yãmb n lebg n leb Israyɛll tẽngẽ wã, tẽng ning mam sẽn dag n zẽk m nug n wẽen n yeel tɩ m na n kõ y yaab-rãmbã, yãmb na yaool n bãng tɩ mam yaa Sẽn-ka-Saabo.

Ezekiyɛl 36:7

Bõn-kãng yĩnga, Zu-soab a Sẽn-Ka-Saab yetame: «Mam zẽkda m nug n wẽend n yetẽ: ‹Hakɩɩka!› Buud a taabã sẽn gũbg yãmbã na n paama yãnd b mensã tʋy yĩnga.»

Ezekiyɛl 47:14

Tẽngã na n yɩɩ yãmb soolem, wa mam sẽn dag n zẽk m nug n wẽen n yeel tɩ m na n kõ y yaab-rãmbã. Dẽ, tẽngã yaa yãmb pʋɩɩre.

Sõadga 10:29

A Moyiis yeela a rɛɛmb a Rehuyɛll sẽn yit Madiyã wã biig a Obaab yaa: «Tõnd dabda tẽng ning Sẽn-Ka-Saab sẽn dag n kãab n yeel tɩ b na n kõ-d lame wã pʋgẽ. Dẽ wã, wa tũ tõndo, tɩ d na n kɩtame tɩ f naag tõnd n paam maan-neer ning Sẽn-Ka-Saab sẽn dag n kãab Israyɛll nebã.»

Sõadga 11:12

Yaa maam n dog nin-bãmbã la? Bɩ yaa maam n wa ne-b dũni zugu, tɩ yãmb dat tɩ mam zã bãmb wa bi-yaoond sẽn zãad bi-pɛɛlga, n tall-b n ta tẽng ning yãmb sẽn kãab tɩ y na n kõ b yaab-rãmbã.

Sõadga 14:30

Mam wẽendame tɩ yãmb ned ba a yembr ka na n kẽ tẽng ninga mam sẽn da kãab tɩ y na n zĩnda a pʋgẽ wã ye. Yaa a Yefune biig a Kalɛɛb ne a Nun biig a Zozoe bal n na kẽ tẽn-kãng pʋgẽ.

Sõadga 23:19

Wẽnnaam ka ninsaal n yagd zĩrẽ ye, La bãmb leb n ka ninsaal n tekd yam ye! Bãmb sã n yeel bũmbu, b pidsd-a lame.

Yaoolem 32:40

Bala, mam zẽkda m nug yĩngri, n yetẽ tɩ m vɩɩ wakat sẽn ka sɛta.

Yaoolem 4:31

Bala, Sẽn-Ka-Saab sẽn yaa yãmb Wẽnnaamã yaa nimbãan-zoeer soaba, la bãmb ka na n bas yãmba, la b kõn yĩm kãabg ning bãmb sẽn dag n kãab yãmb yaab-rãmbã yell ye.»

Zozuwe 24:13

Mam kõo yãmb tẽms yãmb sẽn ka nams n paam ye, la m kõ-y tẽms yãmb sẽn ka tilg n kẽ, la m kõ-y reezẽ tɩɩs pʋto, ne oliiv tɩɩs yãmb sẽn ka sele, tɩ yãmb yaool n dɩt-ba.»

Vẽnegre 10:6

la a wẽena ne soab ning sẽn vɩ-a zamaan woo zamaanã, sẽn naan-a yĩngr ne bũmb nins sẽn be beenẽ wã, la dũniyã ne bũmb nins sẽn be beenẽ wã, la ko-kãsengã ne bũmb nins sẽn be a pʋgẽ wã, n wẽen n yeel tɩ wakatã ka na n leb n kaoos yɛs ye.

1 Sãmwɛlle 15:29

Soab ning sẽn yaa Israyɛll Wẽnnaam wakat sẽn ka sɛtã ka yagd zĩrẽ, la b ka ninsaal n na n maan b bãngẽ ye.»