Yikri 6:4 - WẼNNAAM SEBRE 2014

⁴ La mam maana kãabg ne bãmb n yeel-b tɩ mam na n kõ-b-la Kana tẽngã, tẽng ning bãmb sẽn dag n yaa sãamb a pʋgẽ wã.

SEBR SÕNGO

⁴ Mam yõga zood ne bãmba la m maana kaseto tɩ m na n kõ-b-la Kanaã tẽnga, tẽng ning b sẽn yi b ba-yir n wa kẽ sãandã.

Yikri 6:4 Iomraidhean Croise

Sɩngrẽ 12:7

Sẽn-Ka-Saab puka b meng ne a Abram n yeele: «Mam na n kõo fo yagensã tẽn-kãngã tɩ b sooge.» La a Abram mee tẽn-kugr beenẽ, Sẽn-Ka-Saab sẽn puk b meng ne yẽnda wã yĩnga.

Sɩngrẽ 15:13

Sẽn-Ka-Saab yeela a Abram yaa: «Bãng tɩ fo yagensã na n yɩɩ sãamb n zĩnd tẽng sẽn ka bãmb tẽng pʋga. Bãmb na n lebga yembse, la b na n namsa bãmb yʋʋm kobs-naase.

Sɩngrẽ 15:18

Badaare, Sẽn-Ka-Saab maana kaool ne a Abram n yeele: «Mam kõta fo yagensã tẽn-kãngã tɩ b sooge. Yaa sẽn sɩng ne Ezɩpt kʋɩlgã, n tall n tɩ tãag Efrat kʋɩl-kãsengã.

Sɩngrẽ 17:13

Neb nins fãa sẽn be fo zakã pʋgã, la ne yembs nins fãa fo sẽn da ne ligdã tog n kẽe bãongo. Dẽ, mam kaoolã bãnd na n bee yãmb yĩngã zugu. La a na n yɩɩ kaool sẽn paad wakat sẽn kõn sa.

Sɩngrẽ 17:4

«Sã n yaa ne maam, ad kaool ning sẽn na n zĩnd foom ne maam sʋkã! Fo na n lebga buud wʋsg ba.

Sɩngrẽ 23:4

«Mam yaa sãana, la nin-loaagdg n be ne yãmba, dẽ wã, sõng-y maam tɩ m paam yaad zĩig yãmb nengẽ n dɩk m pagã kũum n mum.»

Sɩngrẽ 26:3

Zĩnd sãand tẽn-kãng pʋga, bala, mam bee ne foom, la m na n ning-f-la barka. Bala, mam na n dɩka tẽn-bãmb fãa n kõ foom ne f yagensã tɩ y sooge. Mam na n maana woto, n pids wẽeneg ning mam sẽn dag n wẽen ne fo ba a Abrahaamã.

Sɩngrẽ 26:4

Mam na n kɩtame tɩ fo yagensã fɩɩge n lebg wʋsg wa yĩngr ãdse. Mam na n kõo fo yagensã tẽn-bãmbã fãa. La dũniyã nebã fãa na n paama bark fo yagensã zug maasem yĩnga.

Sɩngrẽ 28:13

La mikame tɩ Sẽn-Ka-Saab rag n yasa raodgã zugẽ n yetẽ yaa: «Mam yaa Sẽn-Ka-Saabo, n yaa fo yaab a Abrahaam Wẽnnaam, la a Izak Wẽnnaam. Fo sẽn gãe tẽng ning zugã, mam na n kõ-a-la foom ne f yagensã tɩ y sooge.

Sɩngrẽ 28:4

Bɩ Wẽnnaam kõ foom ne f yagensã fãa a Abrahaam barkã, n kɩt tɩ f soog tẽng ning fo sẽn yaa sãan a pʋgẽ wã. Wẽnnaam dag n dɩk-a lame n kõ a Abrahaam!»

Sɩngrẽ 6:18

La mam na n maana m kaool ne foom. Fo na n kẽe koom koglgã pʋga, foom ne f kom-dibli wã, la f pagã ne f bi-pagbã.

2 Sãmwɛlle 23:5

N-yẽe! Mam doogã me na n yɩɩ woto Wẽnnaam taoore. Bala, bãmb maana kaool sẽn kõn sɛ ne maam. Bũmbã fãa manegame tɩ zemse. Bãmb na n kɩtame tɩ m paam fãagre, la bũmb ning fãa sẽn yaa sõama.

Yɩɩn‑sõamyã 105:11

n yeele: «Mam na n kõo foom Kana tẽngã tɩ yɩ yãmb pʋɩɩre.»

Yɩɩn‑sõamyã 105:12

Bãmb sõorã rag n ka waoog ye, bãmb dag n yaa neb bilf bala. Bãmb dag n yaa sãamb beenẽ.

Yikri 13:4

Rũndã, yãmb yita bõn-bɩʋʋng kiuugã.

Yikri 13:5

Sẽn-Ka-Saab sã n wa kɩt tɩ yãmb kẽ tẽng ning Kana nebã, ne Hɛt nebã, la Amoor nebã, ne Hevi nebã, la Zebuus nebã sẽn beẽ wã pʋga, tẽng ning Sẽn-Ka-Saab sẽn dag n kãab n yeel tɩ b na n kõo y yaab-rãmbã, sẽn yaa tẽng sẽn pid ne bĩisim la sɩɩdã, bɩ y maan minin-kãng ki-kãng pʋgẽ.

Yikri 6:8

Mam na n talla yãmb n tɩ kẽes tẽng ning mam sẽn dag n zẽk m nug n wẽen n yeel tɩ m na n kõo a Abrahaam ne a Izak la a Zakoobã. Maam a Sẽn-Ka-Saab na n kõo yãmb tẽngã tɩ y sooge.»

A Ezayi 55:3

Yok-y y tʋbr n kelg la y wa mam nengẽ. Kelg-y-yã, la y na vɩɩmde. Mam na n maana kaool sẽn ka sɛt ne yãmba, yaa nonglem ning mam sẽn tar a Davɩɩd yĩng wakat fãa wã yĩnga.

Sõadga 10:29

A Moyiis yeela a rɛɛmb a Rehuyɛll sẽn yit Madiyã wã biig a Obaab yaa: «Tõnd dabda tẽng ning Sẽn-Ka-Saab sẽn dag n kãab n yeel tɩ b na n kõ-d lame wã pʋgẽ. Dẽ wã, wa tũ tõndo, tɩ d na n kɩtame tɩ f naag tõnd n paam maan-neer ning Sẽn-Ka-Saab sẽn dag n kãab Israyɛll nebã.»

Tʋʋma 7:5

La Wẽnnaam ka kõ a Abrahaam zĩig ba sẽn sekd naoor rɩglg tɩ yɩ a pʋɩɩr tẽn‑kãngã pʋgẽ ye. La Wẽnnaam kãabame tɩ b na n kõo bãmb ne b yagensã tẽngã tɩ b soog-a, a Abrahaam loogr poore. La rẽ t'a Abrahaam nan ka tar biig ye. Wẽnnaam da gomame n yeel a Abrahaam a woto: