Yikri 6:3 - WẼNNAAM SEBRE 2014

³ Mam vẽnega m meng ne a Abrahaam la a Izak ne a Zakoob n wilg bãmb tɩ mam yaa Pãng-Soab a Wẽnnaam. La mam ka kɩt tɩ bãmb bãng tɩ mam yʋʋr la Sẽn-Ka-Saab ye.

SEBR SÕNGO

³ Mam lika m meng a Abraam, a Izaak, a Zakoob wala Wẽnd ning sẽn yɛs a zĩigẽ daar fãa; m wilg-b-la neere tɩ maam la Soaala sẽn bɛ-a bãmb poorẽ dũnna la beoogã.

Yikri 6:3 Iomraidhean Croise

Sɩngrẽ 13:18

Dẽ, a Abram tilga a fu-rotã Mamre tɩɩsã sẽnẽ, n yegl Ebrõ n kẽ. La a Abram mee tẽn-kugr beenẽ Sẽn-Ka-Saab yĩnga.

Sɩngrẽ 17:1

A Abram sẽn wa n tar yʋʋm pis-wɛ la a wɛ, Sẽn-Ka-Saab puka b meng ne yẽnda, n yeel-a yaa: «Mam yaa Wẽnnaam Sẽn-Tõe-Fãa! Bɩ f tũ maam ne burkĩndi.

Sɩngrẽ 22:14

A Abrahaam pʋda zĩigã yʋʋr tɩ ‹Adonay-Yɩɩre› sẽn dat n togs tɩ ‹Sẽn-Ka-Saab n na n gese.› Rẽ kɩtame tɩ hal tɩ ta rũndã, b ket n yetame tɩ: ‹Sẽn-Ka-Saab tãngã zugu, bãmb geta yelle.›

Sɩngrẽ 28:3

Bɩ Pãng-Soab a Wẽnnaam ning f zug barka, la b kõ-f rogem, n kɩt tɩ f fɩɩge, n lebg buud wʋsgo!

Sɩngrẽ 35:11

Wẽnnaam yeela a Zakoob yaa: «Mam yaa Pãng-Soab a Wẽnnaam. Bɩ f paam dogem n fɩɩg n lebg wʋsgo, fo na n yɩɩ bu-kãsenga, la buud wʋsg na n yii fo pʋgẽ. La rĩm-dãmb na n yii fo pʋgẽ.

Sɩngrẽ 48:3

A Zakoob yeela a Zozɛf yaa: «Pãng-Soab a Wẽnnaam vẽnega b meng ne maam Luuzi, Kana tẽnga pʋga, la b ninga maam barka.

Yɩɩn‑sõamyã 68:4

La nin-tɩrsã maanda sũ-noogo, n kɩdemd Wẽnnaam taoore. Bãmb sũur noomame tɩ b kɩdemdẽ.

Yɩɩn‑sõamyã 83:18

Bɩ yãnd ne rabeem yõk-b wakat fãa, bɩ yãnd yõk-b tɩ b sãame!

Yikri 15:3

Sẽn-Ka-Saab yaa zabr gãndaoogo. Bãmb yʋʋr la a Sẽn-Ka-Saabo.

Yikri 23:21

Gũus-y neere, n sak koɛɛg ning fãa yẽnda sẽn na n togs yãmbã. Ra kɩt tɩ yẽnda sũur yik ye. Sã n ka rẽ, yẽnda ka na n kõ yãmb sugr y beegrã yĩng ye. Bala, mam yʋʋr bee yẽnda pʋgẽ.

Yikri 3:14

La Wẽnnaam yeela a Moyiis yaa: «Mam yaa m sẽn yaa-a soabã.» La bãmb leb n yeela yẽnda n paase: Tɩ yeel Israyɛll nebã a woto: «A ‹Mam yaa› n tʋm maam yãmb nengẽ.»

A Ezayi 42:8

Mam yaa Sẽn-Ka-Saabo, mam yʋʋr la woto. Mam kõn dɩk m ziirã n kõ ned a to ye, la m kõn dɩk m waoogrã n kõ wẽn-naands ye.

A Ezayi 44:6

Sẽn-Ka-Saab sẽn yaa Israyɛll nebã rĩm la b fãagdã, n yaa Saasẽ-Pãng-Soabã yetame: «Mam yaa dẽenem la yaoolem. Sã n ka maam, Wẽnnaam a to ka be ye.

Zeremi 16:21

Yaa woto n kɩte, tɩ mam na n kɩt tɩ b bãng tɩ m tara noor la pãn-kãsenga. Woto, bãmb na bãng tɩ m yʋʋr yaa Sẽn-Ka-Saabo.

Zeremi 33:2

«Maam a Sẽn-Ka-Saab sẽn yaa soab ning sẽn maand bõn-kãensã wã, n naand-b n kɩtdẽ tɩ b beẽ wã, soab ning yʋʋr sẽn boond tɩ Sẽn-Ka-Saab yetame:

Ezekiyɛl 20:5

Yeel bãmb tɩ Zu-soab a Sẽn-Ka-Saab yetame: Daar ning mam sẽn yãk Israyɛll nebã, mam zẽka m nug n wẽen ne a Zakoob yagensã, la m vẽneg m meng ne bãmb Ezɩpt tẽnga. Mam zẽka m nug n wẽen ne bãmb n yeel tɩ m yaa Sẽn-Ka-Saab sẽn yaa bãmb Wẽnnaam.

Ezekiyɛl 37:13

Mam nebã, m sã n wa pags y yaadã n yiis-yã, y na yaool n bãng tɩ mam yaa Sẽn-Ka-Saabo.

Ezekiyɛl 37:6

Mam na n kõo yãmb gĩina, n kɩt tɩ yĩn-nemd zĩnd y zugu, la m lud-y ne yĩn-gãongo, la mam na n kõo yãmb vʋʋsem n kɩt tɩ y paam vɩɩm. Woto, yãmb na n bãngame tɩ mam yaa Sẽn-Ka-Saabo.»

A Zã Sõng 8:58

A Zeezi yeela bãmb yaa: «Mam yeta yãmb sɩd-sɩd tɩ sẽn deng a Abrahaam dogem, mam dag n beeme.»

Vẽnegre 1:4

Maam a Zã n tʋmd seb‑kãngã wẽnd-dot a yopoe wã sẽn be Aazi Porvẽnsã pʋgẽ wã. Bɩ soab ning sẽn be, la sẽn dag n be la sẽn watã, n paas sɩɩs a yopoe wã sẽn be bãmb geerã taoorã, la a Zeezi Kiris sẽn yaa kaset soab sẽn yaa tɩrga, la pipi soab Wẽnnaam sẽn vʋʋg n bas kũum la dũniyã rĩm-dãmbã Rĩmã ning yãmb zut barka, la b kõ-y bãane. Soab ning sẽn nonga tõndo, n pek tõnd ne b zɩɩmã

A Ruti 1:20

La a Naoomi yeela pagbã yaa: «Da bool-y maam t'a Naoomi, sẽn dat n yeel t'a ‹sũ-noog› ye, bool-y maam t'a ‹Maara›, sẽn dat n yeel t'a ‹sũ-toogo.› Tɩ bala, Pãng-Soabã kɩtame tɩ mam vɩɩmã lebg toog wʋsgo.