Yikri 6:26 - WẼNNAAM SEBRE 2014

²⁶ Yaa a Aarõ ne a Moyiis kãens la Sẽn-Ka-Saab sẽn dag n yeel tɩ b yiis Israyɛll nebã Ezɩpt soolmẽ wã, la b kɩt tɩ tãb-biisã tong taab pʋgdg-pʋgdgã.

SEBR SÕNGO

²⁶ Yaa a Aarõ la a Moyiiz la Soaala-Wẽnd da kõ noore: Kɩt-y tɩ Israyɛl kamba bob tãpo n yi Ezipt tẽnga.

Yikri 6:26 Iomraidhean Croise

Sɩngrẽ 2:1

Yɩɩ woto la Wẽnnaam naan yĩngrã ne tẽngã, la bũmb nins sẽn be b pʋsẽ wã n sɛ.

1 Kibayã 6:3

A Kehat kom-dibli yaa a Amram, a Yitsaare, la a Ebrõ ne a Uziyɛlle.

Yɩɩn‑sõamyã 77:20

Yãmb sorã ra bee ko-kãsengã pʋga, yãmb so-bukã bee ko-zulumsã pʋse, la ned ka yã yãmb nao-bogd ye.

Yɩɩn‑sõamyã 99:6

A Moyiis ne a Aarõ sẽn dag n be Sẽn-Ka-Saab maan-kʋʋdbã sʋkã, ne a Samwɛll sẽn dag n be sẽn boond-b bãmb yʋʋrã sʋkã, b fãa boola Sẽn-Ka-Saabo, la b leoka bãmba.

Yikri 12:17

Maand-y bur sẽn ka ning rã-bɩll tigrã, bala, yaa ra-kãng la mam yiis yãmb tãb-biisã Ezɩpt tẽnga. Bɩ y tẽegd da-kãng yelle, t'a yɩ no-tũudg sẽn ka sɛta, yãmb zamaan-dãmbã fãa yĩnga.

Yikri 12:41

La yʋʋm kobs-naas la pis-tã wã zugẽ, Sẽn-Ka-Saab nebã fãa yii Ezɩpt tẽngã.

Yikri 12:51

La badaar bala, Sẽn-Ka-Saab kɩtame tɩ Israyɛll nebã yi Ezɩpt tẽngã, tãb-bi-sull-sulli.

Yikri 13:18

Dẽ, Wẽnnaam kɩtame tɩ nebã rɩk we-raoogã sor ning sẽn dabd-a rudum ko-kãsengã sẽnẽ wã. Israyɛll nebã tonga taab tãb-bi-sull-sull n yi Ezɩpt tẽngã.

Yikri 20:2

«Mam yaa Sẽn-Ka-Saab n yaa fo Wẽnnaam, la yaa maam n yiis foom Ezɩpt soolem yembdã pʋga.

Yikri 32:1

Nebã sẽn yãnd t'a Moyiis kaoosda tãngã zug n ka sigdã, bãmb tigma taab a Aarõ nengẽ n yeel yẽnda yaa: «Maan wẽnnaam n kõ tõnd t'a lʋɩ tõnd taoor n tɛ tõndo. Bala, Moyiis-kãngã, rao ning sẽn yiis-a tõnd Ezɩpt tẽngã, tõnd ka mi bũmb ning sẽn paam-a ye.»

Yikri 32:11

La a Moyiis baoome n na n sigs Sẽn-Ka-Saab sẽn yaa yẽnda Wẽnnaamã sũuri. Yẽnda soka bãmb yaa: «Sẽn-Ka-Saabo, yaa bõe tɩ yãmb sũur kãbd wʋsg ne yãmb nebã yãmb sẽn yiis Ezɩpt ne pãn-kãsenga, la ne nug sẽn tar pãngã?

Yikri 32:7

Dẽ, Sẽn-Ka-Saab yeela a Moyiis yaa: «Lebg n sigi. Bala, fo nebã fo sẽn yiis Ezɩpt tẽngã sãama b mense.

Yikri 6:13

Sẽn-Ka-Saab goma ne a Moyiis la Aarõ, n wilg bãmb b sẽn na n maan bũmb ninga, sẽn kẽed ne Israyɛll nebã la Faarõ sẽn yaa Ezɩpt rĩmã wɛɛngẽ, sẽn na n yɩl n yiis Israyɛll nebã Ezɩpt soolmã pʋga.

Yikri 6:20

A Amram peega a pʋgdb a Zokebɛɛd n maan a paga, n dog a Aarõ ne a Moyiisi. A Amram vɩɩmd n kaoosa yʋʋm koabg la pis-tã la a yopoe.

Yikri 6:7

Mam na n deega yãmb tɩ y yɩ mam neba, la mam na n yɩɩ yãmb Wẽnnaam. La yãmb na n bãngame tɩ yaa Sẽn-Ka-Saab n yaa yãmb Wẽnnaam, soab ning sẽn fãag-a yãmb ne tʋʋm-wɛgl nins Ezɩpt nebã sẽn modg yãmb tɩ y maanã.

Yikri 7:4

La Faarõ ka na n kelg yãmb ye. Dẽ, mam na n tẽega m nug Ezɩpt soolmã zug n sɩbg bãmb ne sɩbgr sẽn yaa kãsenga, la m na n yiisa Israyɛll nebã sẽn yaa m tãb-biisã Ezɩpt soolmã pʋgẽ.

A Miise 6:4

Bala, mam yiisa yãmb Ezɩpt tẽnga. Mam fãaga yãmb y yembdã pʋga. Mam tʋma a Moyiis ne a Aarõ, la a Miryam tɩ b wa lʋɩ yãmb taoore.

Sõadga 33:1

A Moyiisi, ne a Aarõ sẽn yiis Israyɛll nebã Ezɩpt soolmã pʋgẽ wã, kẽn la b sigb zĩis la woto.

Zozuwe 24:5

Mam tʋma a Moyiis ne a Aarõ, la mam maana bõn-bãn Ezɩpt tẽngã pʋgẽ n sɩbg-ba, la mam yiisa yãmb beenẽ.

1 Sãmwɛlle 12:6

A Sãmwɛll yeela nebã yaa: «Yaa Sẽn-Ka-Saab n yãk a Moyiis ne a Aarõ, la b yiis y yaab-rãmbã Ezɩpt tẽnga.

1 Sãmwɛlle 12:8

A Zakoob ne a nebã sẽn wa n kẽng Ezɩptã, yãmb yaab-rãmbã kelmame n kos Sẽn-Ka-Saab sõngre. La Sẽn-Ka-Saab tʋma a Moyiis ne a Aarõ tɩ b yiis bãmb Ezɩpt tẽngã, n tall-b n wa zĩ-kãngã pʋgẽ.