Yikri 6:2 - WẼNNAAM SEBRE 2014

² Wẽnnaam goma ne a Moyiis n yeele: «Mam yaa Sẽn-Ka-Saabo.

SEBR SÕNGO

² Wẽnnaam goma ne a Moyiiz n yeel-a: «Maam la Soaala.

Yikri 6:2 Iomraidhean Croise

Sɩngrẽ 15:7

Bãmb leb n yeela a Abram yaa: «Mam yaa Sẽn-Ka-Saabo, maam n yiis foom Ʋʋr tẽngã sẽn be Kalde rãmbã soolmẽ wã, n wa kõ foom tẽn-kãngã tɩ f sooge.»

Yikri 12:12

Badaar yʋngo, mam na n pɩʋʋga Ezɩpt tẽngã, la m na n kʋʋ Ezɩpt kom-dẽemsã fãa kɛpɩ, sẽn sɩng ne ninsaalbã tɩ ta rũmsã, la mam na n sɩbga Ezɩpt wẽnnaam-dãmbã fãa. Mam yaa Sẽn-Ka-Saabo.

Yikri 14:18

La mam sã n paam waoogr Faarõ ne a saar-dãmbã la a wed-rʋʋdbã fãa yĩnga, Ezɩpt rãmbã na bãng tɩ mam yaa Sẽn-Ka-Saabo.»

Yikri 15:3

Sẽn-Ka-Saab yaa zabr gãndaoogo. Bãmb yʋʋr la a Sẽn-Ka-Saabo.

Yikri 17:1

Israyɛll kʋʋngã fãa yikame n yi Sĩn we-raoogẽ wã, n dɩk sor n sɩng kẽnd wa Sẽn-Ka-Saab sẽn dag n yeel bãmbã. La bãmb siga Refidim. La koom dag n ka be nebã sẽn na n yũ ye.

Yikri 20:2

«Mam yaa Sẽn-Ka-Saab n yaa fo Wẽnnaam, la yaa maam n yiis foom Ezɩpt soolem yembdã pʋga.

Yikri 3:14

La Wẽnnaam yeela a Moyiis yaa: «Mam yaa m sẽn yaa-a soabã.» La bãmb leb n yeela yẽnda n paase: Tɩ yeel Israyɛll nebã a woto: «A ‹Mam yaa› n tʋm maam yãmb nengẽ.»

Yikri 3:15

Wẽnnaam leb n yeela a Moyiis t'a tɩ yeel Israyɛll nebã yaa: «Sẽn-Ka-Saab sẽn yaa yãmb yaab-rãmbã Wẽnnaam, n yaa a Abrahaam ne a Izak la a Zakoob Wẽnnaamã n tʋm maam yãmb nengẽ.» Yõwã na n yɩɩ mam yʋʋr wakat fãa. Nebã na n boonda maam ne yʋ-kãng zamaan woo zamaane.

Yikri 6:29

Sẽn-Ka-Saab yeela yẽnda yaa: «Mam yaa Sẽn-Ka-Saabo. Togs Ezɩpt rĩm a Faarõ bũmb nins fãa mam sẽn yet foomã.»

Yikri 6:6

Dẽ yĩnga, bɩ f yeel Israyɛll nebã tɩ mam yaa Sẽn-Ka-Saabo, la m na n yiisa Israyɛll nebã tʋʋm-wɛgl nins Ezɩpt nebã sẽn modg bãmb tɩ b maanã pʋgẽ. La mam na n fãaga bãmb n yiis-b yembd ning pʋg Ezɩpt nebã sẽn kẽes bãmbã. Yaa kang sẽn tar pãng la mam na n tẽeg n fãag yãmba. La mam na n sɩbga bãmb ne sɩbgr sẽn yaa kãseng n fãag yãmba.

Yikri 6:8

Mam na n talla yãmb n tɩ kẽes tẽng ning mam sẽn dag n zẽk m nug n wẽen n yeel tɩ m na n kõo a Abrahaam ne a Izak la a Zakoobã. Maam a Sẽn-Ka-Saab na n kõo yãmb tẽngã tɩ y sooge.»

A Ezayi 42:8

Mam yaa Sẽn-Ka-Saabo, mam yʋʋr la woto. Mam kõn dɩk m ziirã n kõ ned a to ye, la m kõn dɩk m waoogrã n kõ wẽn-naands ye.

A Ezayi 43:11

Yaa maam bala, maam m yembr bal n yaa Sẽn-Ka-Saabo. Sã n ka maam, fãagd a to ka be ye.

A Ezayi 43:15

Mam yaa Sẽn-Ka-Saab sẽn yaa yãmb Pʋ-Peelem-Soabã, yaa Israyɛll naandã n yaa yãmb dĩma.»

A Ezayi 44:6

Sẽn-Ka-Saab sẽn yaa Israyɛll nebã rĩm la b fãagdã, n yaa Saasẽ-Pãng-Soabã yetame: «Mam yaa dẽenem la yaoolem. Sã n ka maam, Wẽnnaam a to ka be ye.

Zeremi 9:24

Maam a Sẽn-Ka-Saab yetame: «Wakat n wate, tɩ m na n sɩbg neb nins fãa sẽn kẽ yĩng bãongã:

Ezekiyɛl 20:5

Yeel bãmb tɩ Zu-soab a Sẽn-Ka-Saab yetame: Daar ning mam sẽn yãk Israyɛll nebã, mam zẽka m nug n wẽen ne a Zakoob yagensã, la m vẽneg m meng ne bãmb Ezɩpt tẽnga. Mam zẽka m nug n wẽen ne bãmb n yeel tɩ m yaa Sẽn-Ka-Saab sẽn yaa bãmb Wẽnnaam.

Malasi 3:6

Bala, maam a Sẽn-Ka-Saab ka tek ye. La yãmb dãmb sẽn yaa a Zakoob yagense, b ka menes yãmb ye.»