Yikri 6:1 - WẼNNAAM SEBRE 2014

¹ Sẽn-Ka-Saab yeela a Moyiis yaa: «Moasã, fo na n yãnda bũmb ning mam sẽn na n maan Faarõ. Yaa nug sẽn tar pãng n na n kɩt tɩ yẽnda bas nebã tɩ b looge. N-yẽe, nug sẽn tar pãng n na n kɩt tɩ Faarõ rig bãmb tɩ b yi n bas a tẽngã.»

SEBR SÕNGO

¹ Wẽnnaam yeela a Moyiiz: «Yɩ bilfu, f na yãend m sẽn na n maan Ezipt dĩma bũmb ninga! M na modg-a t'a bas Israyɛl kamb tɩ b looge. M meng m toore n na n kɩt tɩ b yi ne rugdu.»

Yikri 6:1 Iomraidhean Croise

2 Rĩm-dãmba 7:19

La wed-kɩɩm-naabã yaool n dag n yeela Wẽnnaam daoã tɩ baa Sẽn-Ka-Saab sã n wurg sa-gãongã, bũmb a woto ka tõe n zĩnd ye. La a Eliize rag n leok-a lame t'a na n yãnda bõn-kãng ne a nini, la a ka na n dɩ-a ye.

2 Rĩm-dãmba 7:2

Dẽ, wed-kɩɩm-naab ning sẽn tũud-a rĩmã yeela Wẽnnaam dao a Eliize yaa: «Gese, baa Sẽn-Ka-Saab sã n wurg sa-gãongã, bũmb a woto ka tõe n zĩnd ye.» La a Eliize yeel-a lame yaa: «Beneere, fo nin na n yãnda bõn-kãnga, la f kõn dɩ-a ye.»

2 Kibayã 20:17

La bãng-y tɩ ka zabr la y na n zab ye. Kẽng-y be n tɩ yalse, yals-y yĩngr bal n ges fãagr ning Sẽn-Ka-Saab sẽn na n fãag Zʋʋda ne Zeruzalɛm nebã. Da zoe-y rabeem, la ra yɛɛs-y ye! Beoogo, bɩ y yi n seg-ba, la maam a Sẽn-Ka-Saab na n zĩnda ne yãmba.»

Yɩɩn‑sõamyã 12:5

n yetẽ: «Tõnd no-goamã kõt-d-la tõogre. Tõnd no-bɩmsã mii goamã, tõnd ka leb n zoet ned ye.»

Yɩɩn‑sõamyã 12:6

Sẽn-Ka-Saab yetame: «Moasã, naong rãmbã namsg yĩnga, ne nimbãan-nebã sidgr yĩnga, mam na n yikame n fãag b sẽn namsd-b rãmbã.»

Yɩɩn‑sõamyã 136:12

Bãmb tẽega b nugã n yiis bãmb ne kang sẽn tar pãnga, bala, bãmb nonglmã paada wakat fãa!

Yɩɩn‑sõamyã 89:13

Yãmb n kɩt tɩ dũniyã rɩtg ne a goabg beẽ. Taboor ne Hɛrmo tãmsã kaasda ne sũ-noog yãmb yʋʋrã yĩnga.

Yikri 11:1

Sẽn-Ka-Saab yeela a Moyiis yaa: «Mam na n kɩtame tɩ toog a to paam Ezɩpt rĩmã ne a nebã: Dẽ poore, yẽnda na n basa yãmb tɩ y loog n yi zĩ-kãngã. La a sã n wa kong n na n bas yãmb tɩ y looge, a na n diga yãmb tɩ y yi n looge.

Yikri 12:31

Yʋn-kãng bala, Faarõ boola a Moyiis ne a Aarõ n yeel-b yaa: «Bɩ yãmb ne Israyɛll nebã yi la y bas m tẽngã. Kẽng-y n tɩ waoog-y Sẽn-Ka-Saab wa y sẽn dag n yeelã.

Yikri 12:33

Ezɩpt nebã rag n pẽdgda Israyɛll nebã. Bãmb dag n datame tɩ Israyɛll nebã loog n bas tẽngã tao-tao, bala, b rag n tẽedame tɩ bãmb sẽn yaa Ezɩpt nebã na n kii zãnga.

Yikri 12:39

Bãmb dɩka zom-nagdem nins b sẽn yi ne Ezɩptã n maan bur-maas sẽn ka ning rã-bɩlle. Bala, b riga bãmb Ezɩpt tɩ b ka paam n yals tɩ zom-nagdmã wuki, la b ka paam n bao rɩɩb n zã me ye.

Yikri 13:14

Dẽ, yãmb kambã sã n wa sok yãmb nindaar n dat n bãng bõn-kãng võore, bɩ y yeel-ba: Yaa ne nug sẽn tar pãng la Sẽn-Ka-Saab yiis tõnd Ezɩpt yembdã pʋgẽ.

Yikri 13:16

Bõn-kãng na n yɩɩ bãnd yãmb nusẽ, la a wa bãnd sẽn loe yãmb dĩirẽ. Bala, yaa ne nug sẽn tar pãng la Sẽn-Ka-Saab yiis tõnd Ezɩpt soolem pʋgẽ.»

Yikri 13:3

Dẽ, a Moyiis yeela nebã yaa: «Tẽeg-y daar ning yãmb sẽn yi Ezɩptã, daar ning yãmb sẽn yi yembd pʋgẽ wã yelle. Bala, yaa ne Sẽn-Ka-Saab nug sẽn tar pãngã la b yiis yãmb beenẽ. Bɩ ned da rɩ bũmb sẽn ning rã-bɩll ye.

Yikri 13:9

Bõn-kãng na n yɩɩ bãnd yãmb nusẽ, la a yɩ bãnd yãmb rĩirẽ, n yaa tẽegr yãmb yĩnga, tɩ yãmb tõe n togsd Sẽn-Ka-Saab tõogã. Bala, yaa ne nug sẽn tar pãng la Sẽn-Ka-Saab yiis yãmb Ezɩpt tẽnga.

Yikri 14:13

A Moyiis yeela nebã yaa: «Da zoe-y rabeem ye. Yaas-y n ges-y fãagr ning Sẽn-Ka-Saab sẽn na n fãag yãmb dũndã wã. Bala, Ezɩpt neb nins yãmb sẽn ne rũndã wã, yãmb kõn leb n yãnd bãmb abada.

Yikri 15:6

Sẽn-Ka-Saabo, yãmb nug rɩtg pãng yaa kãsenga. Sẽn-Ka-Saabo, yãmb nug rɩtgã wãa bɛɛbã.

Yikri 7:4

La Faarõ ka na n kelg yãmb ye. Dẽ, mam na n tẽega m nug Ezɩpt soolmã zug n sɩbg bãmb ne sɩbgr sẽn yaa kãsenga, la m na n yiisa Israyɛll nebã sẽn yaa m tãb-biisã Ezɩpt soolmã pʋgẽ.

Yikri 7:5

Wakat ning mam sẽn na n tẽeg m nugã Ezɩpt tẽngã n yiis Israyɛll nebã bãmb sʋkã, Ezɩpt rãmbã na n bãngame tɩ mam yaa Sẽn-Ka-Saabo.»

A Ezayi 63:12

Soab ning sẽn dag n be a Moyiis sɛɛgẽ, n tẽegd b nug sẽn tar pãng n kɩtdẽ tɩ ko-kãsengã welgd bãmb taoore, tɩ bãmb yʋʋrã paamd waoogr wakat fãa wã bee yɛɛnẽ?

Sõadga 11:23

Sẽn-Ka-Saab leoka a Moyiis yaa: «Dẽ yĩngã, mam ka tar pãng tɩ sek sɩda? Ade, moasã la fo na n yãnd gomd ning mam sẽn yeel foomã sã n na n paama pidsgu, wall a sã n ka na n paam pidsgu.»

Sõadga 23:23

Tɩɩm ka tõe n maan a Zakoob yagensã bũmb ye, La bagr me ka tõe Israyɛll nebã ye. Wẽnnaam vẽnegda bãmb bũmb fãa, Wa sẽn zems a wakate.

Tʋʋma 13:17

Wẽnnaam ning sẽn yaa Israyɛll nin-kãensã Wẽnnaam tũusa tõnd yaab-rãmbã n kɩt tɩ bu-kãng bɩ a sẽn wa n be sãand weoog Ezɩpt tẽngã wakate. La Wẽnnaam yiisa bãmb be ne pãn-kãsenga.

Yaoolem 32:39

Moasã, bãng-y tɩ yaa maam, Wẽnnaam a to ka be tɩ ka maam ye. Yaa maam n kõt vɩɩm, yaa maam n kʋʋde. Yaa maam n pogende, la maam n maagde. Ned ka tõe n deeg bũmb mam nugẽ ye.

Yaoolem 4:34

Wẽnnaam bʋg n zoe n mak tɩ reeg buud buud a to nugẽ ne bõn-makre, la bãn ne bõn-yɛɛsds la zabre, ne a nugã pãng n maan tʋʋm-kãsems sẽn kẽesd rabeem? Yaa bõn-kãens la Sẽn-Ka-Saab sẽn yaa yãmb Wẽnnaamã maan n kõ yãmb Ezɩpt tẽng tɩ y nin yãndã.