Yikri 5:21 - WẼNNAAM SEBRE 2014

²¹ B yeela a Moyiis ne a Aarõ yaa: «Bɩ Sẽn-Ka-Saab ges yãmb yell n bʋ yãmb bʋʋdo. Yãmb n maan tɩ Faarõ ne a tʋmtʋmdbã tugd beem ne tõndo. Yãmb dɩka zabr sʋʋg n ning b nugẽ tɩ b na n kʋ tõndo.»

SEBR SÕNGO

²¹ La b yeel-b lame: «Bɩ Soaala ges y sẽn maana la b ning-y taale. Yãmb kɩtame tɩ dĩma ne a poorẽ dãmb maand beem ne tõndo; yaa wa y rɩka sʋʋg n ning b nugẽ tɩ b kʋ tõndo.»

Yikri 5:21 Iomraidhean Croise

Sɩngrẽ 16:5

Dẽ, a Sarayi yeela a Abram yaa: «Paoogr ning mam sẽn paamd moasã wã bee yãmb zugu. Yaa mam meng n dɩk m yem-poak n kõ yãmba. La moasã, a sẽn mik t'a tʋtame wã, a ka leb n nand maam ye. Bɩ Sẽn-Ka-Saab yɩ yel-kãngã sẽn be yãmb ne maam sʋkã bʋ-kaooda.»

Sɩngrẽ 31:53

Bɩ a Abrahaam ne a Nahoor Wẽnnaamã, ne bãmb ba-rãmbã Wẽnnaamã yɩ bʋ-kaood tõnd d yiibã sʋka.» A Zakoob maana pʋleng ne yẽnda ba a Izak sẽn zoet a soabã yʋʋre.

Sɩngrẽ 34:30

Dẽ, a Zakoob yeela a Sɩmyõ ne a Leevi yaa: «Yãmb baoo yell n kõ maam, n kɩt tɩ tẽngã nebã, ne Kana nebã, la Ferɛɛz-rãmbã na n kisg maam. Mam nebã ka wʋsg ye, b sõorã yaa bilfu. Tẽngã nebã na n tigma taab n wa zab ne maam n sãam maam ne m zakã rãmba.»

2 Sãmwɛlle 10:6

Amo nebã sẽn mik tɩ bãmb sẽn maanã yika a Davɩɩd sũurã, b kẽng n tɩ rɩka Siiri ne Bɛt-Rehoob la Soba tãb-biis tus-pisi. B leb n yãka Maaka neb tusri, ne Toob tãb-biis tus-piig la a yiibu.

1 Kibayã 19:6

Amo nebã yãame tɩ b beega a Davɩɩde. Dẽ, a Hanun ne Amo nebã baoo wanzuri ligd-koeems tusri, n tʋm tɩ b tɩ bao saar-dãmb ne wed-rʋʋdb Siiri nebã sẽn be Mezopotami wã nengẽ, la sẽn be-b Maaka ne Soba wã nengẽ me.

Yikri 14:11

Israyɛll nebã yeela a Moyiis yaa: «Yaa yaad zĩig n ka be Ezɩpt tẽngã pʋg bɩ, bɩ yaa bõe tɩ yãmb tall tõnd n wa tɩ d na n ki we-raoogẽ ka? Yaa bõe tɩ yãmb maan tõnd woto, n yiis tõnd Ezɩpt soolmã pʋgẽ?

Yikri 15:24

La nebã yẽgma ne a Moyiis n yeele: «Tõnd na n yũu bõe?»

Yikri 16:2

La Israyɛll nebã fãa yẽgma ne a Moyiis la a Aarõ we-raoogã pʋgẽ.

Yikri 4:31

La nebã tẽeme. Bãmb sẽn wʋm tɩ Sẽn-Ka-Saab wa n na n sõnga Israyɛll nebã, tɩ la b yãnda bãmb namsgã, Israyɛll nebã sulga b zut n wõgemd tẽnga.

Yikri 5:20

Dẽ, bãmb sẽn yi Faarõ nengẽ wã, b sega a Moyiis ne a Aarõ sẽn dag n yas n gũud bãmba.

Yikri 6:9

A Moyiis togsa Israyɛll nebã gom-kãensã, la b ka kelg a Moyiis ye. Bala, bãmb dag n bee sũ-sãang pʋga, b yembdã sẽn yaa toogã yĩnga.

Kowelɛt 10:1

Zõos sẽn kiid parfẽ-maand kaam pʋgẽ, t'a yũug ka leb n yaa sõama wã, a kɩtdame tɩ kaamã põoge. Yalemd bilf me woogda yam la ziiri.

A Ezayi 30:6

Sɩbgr koɛɛg Negɛɛv we-rũmsã yĩnga. Bãmb dɩka b arzegs n zɩlg b bõense, la b rɩk b paoong n zɩlg b yʋgma, n na n pɩʋʋg tẽng ning sẽn tar sũ-sãang la yel-pakrã, zĩig ning gɩgem-yãang ne gɩgem-daoog sẽn yitẽ wã, la ruruug ne wag-toaag sẽn yɩgd n yitẽ wã, n na n tɩ kõ neb sẽn ka na n tol n yɩ sõngr bãmb yĩngã!

A Zowɛlle 2:20

Mam na n diga yãmb nug-rɩtg bɛɛbã tɩ b zãag ne-yã, mam na n dig-b lame n tɩ kẽes tẽn-koɛɛng sẽn yaa vɩ-raoog pʋgẽ, m na n diga b tãb-biis nins sẽn deng taoorã n kẽes ko-kãsengã sẽn be yaangã pʋga, la m dig b tãb-biis nins sẽn pa poorẽ wã n kẽes ko-kãsengã sẽn be nin-taoorã pʋga. Bãmb na n põogame tɩ b yũugã zẽke, b põogrã yũug na n wulumda zĩig zãnga, bãmb sẽn maan yel-bɛdã yĩnga.

Sõadga 14:3

Yaa bõe tɩ Sẽn-Ka-Saab talld tõnd n na n kẽes tẽng a woto pʋgẽ? Tõnd na n kii zabrẽ wã, tɩ b wʋk d pagbã ne d kambã. Tõnd sã n lebg n leb Ezɩpt tẽngã n são.»

1 Sãmwɛlle 13:4

Israyɛll nebã fãa wʋmame tɩ b gomd t'a Sayull tõoga Filistẽ-dãmbã tãb-bi-sulli, la Filistẽ-dãmbã kisga Israyɛll nebã. La nebã fãa tigma a Sayull nengẽ Gilgalle.

1 Sãmwɛlle 27:12

A Akiis rag n kɩsa sɩd ne a Davɩɩde, n tagsdẽ t'a baoo beem ne Israyɛll nebã sẽn yaa a meng nebã, n na n lebg yẽnda tʋmtʋmd wakat fãa yĩnga.