Yikri 40:34 - WẼNNAAM SEBRE 2014

³⁴ A Moyiis sẽn maan woto n sɛ, sawaodg waa n luda sɛk roogã, la Sẽn-Ka-Saab ziirã pida sɛk zĩigã.

SEBR SÕNGO

³⁴ Sawadga luda sɛka roogo la Soaala-Wẽnd pids-a-la ne b ziiri.

Yikri 40:34 Iomraidhean Croise

2 Sãmwɛlle 7:6

Bala, mam sẽn yiis Israyɛll nebã Ezɩpt tẽngã daar n tãag rũndã, mam ka tol n zĩnd roog pʋgẽ ye. Mam dag n bee fu-roog pʋgẽ n kẽnd ne yãmba.

2 Kibayã 5:13

Dẽ, tãntãn-pɛɛbdbã ne yɩɩn-yɩɩndbã naaga taab n na n pẽg Sẽn-Ka-Saabo, la b waoog-b n yeele: «Pẽg-y Sẽn-Ka-Saabo, bala, bãmb yaa sõama, la bãmb nonglmã paada wakat fãa.» La tãntãadã ne kɛmã, la yʋʋm teedã fãa rag n naagame n yɩɩndẽ. La wakat-kãng bala, sawad-taok n wa n sig n pid Sẽn-Ka-Saab roogã.

2 Kibayã 7:2

La maan-kʋʋdbã rag n ka tõe n kẽ Sẽn-Ka-Saab roogã pʋg ye. Bala, Sẽn-Ka-Saab ziirã rag n pida roogã.

Yɩɩn‑sõamyã 26:8

Sẽn-Ka-Saabo, mam nonga roog ning yãmb sẽn be a pʋgã, zĩig ning yãmb ziirã sẽn beẽ wã.

Yikri 14:24

Beoogã vẽegr wakate, Sẽn-Ka-Saab sẽn be sawad-taokã pʋgẽ wã sulgame n ges Ezɩpt rãmba. La bãmb kɩtame tɩ rãmbg zĩnd Ezɩpt rãmbã sʋka.

Yikri 16:10

La a Aarõ sẽn wa n ket n gomd ne Israyɛll zama wã, bãmb wẽnemda b nens n tees we-raoogã sẽnẽ. La ade, Sẽn-Ka-Saab ziirã puka sawaodg pʋgẽ.

Yikri 25:8

Bɩ bãmb maan doog mam yĩnga, tɩ mam tõe n zĩnd bãmb sʋka.

Yikri 29:43

La yaa be la mam na n segd Israyɛll nebã, la a na n welga toor mam yʋʋrã sẽn be beenẽ wã yĩnga.

Yikri 33:9

La a Moyiis sẽn kẽ fu-roogẽ wã, sawad-taokã sigame n yals rignoorẽ wã. La Sẽn-Ka-Saab rag n gomda ne a Moyiisi.

A Ezayi 57:15

Bala, soab ning sẽn yɩɩd fãa wã, la sẽn paad wakat sẽn kõn sa wã, tɩ b yʋʋrã welg toorã yetame: «Mam bee hal yĩngr zĩig sẽn welg toor pʋgẽ, la m bee ne ned ning sũur sẽn sãame, soab ning sẽn be paoogr pʋgã, mam bee ne soab ning sɩɩgã sẽn yɛ, n na n bels sũ-pa-noaang soabã.

A Ezayi 6:4

Bãmb koeesã rãamd rag n kɩtame tɩ Wẽnd doogã kʋɩlems tẽngr rĩmda, la roogã rag n pida ne bug-zõose.

Ezekiyɛl 10:4

Dẽ, Sẽn-Ka-Saab ziirã yii Serubẽ-rãmbã zugẽ n zẽk n tɩ be roogã rigno-koakẽ. La sawad-taokã pida roogã, la zakã pida ne Sẽn-Ka-Saab ziirã vẽenem.

Maan‑kʋʋre 16:2

Sẽn-Ka-Saab yeela a Moyiis yaa: «Yeel f kẽem a Aarõ t'a ra n kẽed sɛk roogã pʋg wakat fãa ye, t'a ra lɩk fu-lillidgã sẽn be kaset koglgã sɛɛgã ye. Sẽn na n yɩlẽ t'a ra wa ki ye. Bala, mam na n puka m meng sawadg pʋg bas-taal koglgã zugu.

A Aaze 2:7

Mam na n kɩtame tɩ tẽmsã fãa zũndgi. B na n wʋka laog nins fãa sẽn tar yõodã n wa, la mam na n kɩtame tɩ ro-kãngã pid ne ziiri. Yaa maam a Saasẽ-Pãng-Soabã n yeele.

A Aaze 2:9

Ro-kãngã sẽn na n paam ziir ningã, na n yɩɩga a sẽn dag n tar pĩndã. Maam a Saasẽ-Pãng-Soabã n yeele. Mam na n kɩtame tɩ vɩ-bãan zĩnd zĩ-kãngã. Maam a Saasẽ-Pãng-Soabã n yeele.

Sõadga 7:89

A Moyiis sã n mi n kẽ sɛk roogã pʋgẽ n na n gom ne Sẽn-Ka-Saabo, a rag n wʋmda Sẽn-Ka-Saab koɛɛgã sẽn yit Serubẽ-rãmb a yiibã sẽn be kaoolã koglgã limdã zugã sʋka, n gomd ne yẽnda.

Rom Dãmba 9:4

Bãmb yaa Israyɛll rãmba, b rãmb Wẽnnaam sẽn deeg n maan b kamba tɩ b so ziiri, la kaoolã, la tõogã, la kaorengo, la kãabdo, la yaab-rãmba.

Vẽnegre 15:8

La yɩlgr doogã pida ne bug-zõose, Wẽnnaam ziirã ne b pãngã yĩnga, la ned baa a yembr da ka tõe n kẽ yɩlgr doogẽ wã ye, hal tɩ toodã malegs a yopoe wã sẽn zãadã sɛ.

Vẽnegre 21:3

Mam wʋma koe-kãseng sẽn yi geerẽ wã n yeele: Ad Wẽnnaam yirã bee ninsaalb sʋka. Wẽnnaam na n zĩnda ne nebã. Bãmb na n yɩɩ Wẽnnaam nebã, la Wẽnnaam mengã na n paa ne bãmba.