Yikri 40:13 - WẼNNAAM SEBRE 2014

¹³ La f sã n so bãmb koomã n sɛ, bɩ f yeelg a Aarõ a fut sẽn welg toorã, n pʋdg a zug kaam, n welg-a toor t'a maan maan-kʋʋr tʋʋmd mam taoore.

SEBR SÕNGO

¹³ Dẽ poore yeelg a Aarõ a tʋʋmna futu la f taag-a kaam n dɩk-a n kõ Wẽnde t'a tʋm maan-kʋʋr tʋʋmde.

Yikri 40:13 Iomraidhean Croise

Yikri 28:41

Yeelg f kẽem a Aarõ ne a kom-dibli wã ne fu-kãense. La f pʋdg kaam bãmb zut n ning tʋʋmdã bãmb zutu, n welg bãmb toor tɩ b maan maan-kʋʋr tʋʋmd mam taoore.

Yikri 29:7

La f rɩk welgrã kaam n pʋdg a zugu. Yaa woto la fo na n ning yẽnda zug kaam n welg-a toore.

Yikri 40:14

La f kɩt tɩ yẽnda kom-dibli wã kolg tɩ f yeelg bãmb b futu.

A Ezayi 61:1

Sẽn-Ka-Saab Sɩɩgã bee mam zugu, bala, Sẽn-Ka-Saab yãka maam. Bãmb tʋma maam tɩ m togs koe-noogã naong-rãmba, la m bels sũ-sãang-rãmbã, tɩ m togs b sẽn balg b rãmbã fãagr koɛɛga, la m togs sẽn be-b bi-bees roogã tɩ b na n paama yolsgo.

Maan‑kʋʋre 7:35

Yaa bõn-kãng n na n yɩ a Aarõ ne a kom-dibli wã pʋɩɩre, maoong sẽn yõogd bugum Sẽn-Ka-Saab taoorã zugu. La yaa sẽn sɩng ne daar ning bãmb sẽn lebg maan-kʋʋdb n sɩng b maan-kʋʋr tʋʋmd Sẽn-Ka-Saab yĩngã.› »

Maan‑kʋʋre 7:36

Sẽn-Ka-Saab kõo Israyɛll nebã tõ-kãngã, n yeel tɩ b kõ a Aarõ ne a kom-dibli wã bõn-kãnga, sẽn sɩng daar ning b sẽn sudg bãmb zut kaam n welg-b toor tʋʋmdã yĩngã. La yõwã na n yɩɩ no-tũudg sẽn ka sɛta, bãmb ne b yagensã yĩnga, zamaan woo zamaane.

Maan‑kʋʋre 8:13

A Moyiis kɩtame t'a Aarõ ne a kom-dibli wã kolge, la a yeelg-b-la b futã, n sẽbg-b ne sẽbdse, la a fõgen bãmb pugli wa Sẽn-Ka-Saab sẽn dag n yeel a Moyiisã.

A Zã Sõng 17:19

Mam welga m meng toor bãmb yĩnga, tɩ bãmb me na welg toor sɩdã pʋgẽ.

A Zã Sõng 3:34

Soab ning Wẽnnaam sẽn tʋmã togsda Wẽnnaam goamã, bala, Wẽnnaam kõta a soab bãmb Sɩɩgã tɩ seke.

Ebre rãmba 10:10

Yaa Wẽnnaam daab‑kãng maasem yĩng la tõnd paam welgr n lebg toore, a Zeezi Kiris sẽn kõ b meng vugr tãa wakat fãa yĩngã yĩnga.

Ebre rãmba 10:29

La yãmb ka tagsd tɩ ned sã n tab Wẽnnaam Bi-riblã ne a naoã, la a ges kaoolã zɩɩm ning sẽn kɩt tɩ yẽ lebg toor Wẽnnaam yĩngã wa bõn-zaalga, la a paoog Sɩɩg ning sẽn wat ne sugrã, a na n paama sɩbgr sẽn yaa toog n yɩɩd sɩda?

1 Zã 2:20

Yãmb mensã paamame tɩ soab ning sẽn welg-a toorã kõ yãmb b Sɩɩgã, la yãmb fãa tara bãngre.

1 Zã 2:27

La ne yãmba, Sɩɩg-sõng ning yãmb sẽn deeg bãmb nengẽ wã bee yãmb pʋse, la yãmb ka baood tɩ b zãms yãmb ye. La wa bãmb Sɩɩgã sẽn zãmsd yãmb bũmb fãa wã, tɩ yaa sɩdã, la ka zĩrẽ wã, woto me, bɩ y pa ne Kiris wa Sɩɩg-sõng sẽn zãms yãmb to-to wã.