Yikri 4:5 - WẼNNAAM SEBRE 2014

⁵ Wẽnnaam yeelame: «Woto yaa sẽn na n yɩlẽ tɩ nebã tẽ tɩ Sẽn-Ka-Saab sẽn yaa bãmb yaab-rãmbã Wẽnnaam, n yaa a Abrahaam ne a Izak la a Zakoob Wẽnnaamã n vẽneg b meng ne foom.»

SEBR SÕNGO

⁵ Wẽnd yeelame: «Woto b na reeg tɩ sɩd yaa Wẽnnaam n lik b menga, b yaab rãmb Wẽnnaama, a Abraam Wẽnnaama, a Izaak Wẽnnaama, a Zakoob Wẽnnaama.»

Yikri 4:5 Iomraidhean Croise

Sɩngrẽ 12:7

Sẽn-Ka-Saab puka b meng ne a Abram n yeele: «Mam na n kõo fo yagensã tẽn-kãngã tɩ b sooge.» La a Abram mee tẽn-kugr beenẽ, Sẽn-Ka-Saab sẽn puk b meng ne yẽnda wã yĩnga.

Sɩngrẽ 17:1

A Abram sẽn wa n tar yʋʋm pis-wɛ la a wɛ, Sẽn-Ka-Saab puka b meng ne yẽnda, n yeel-a yaa: «Mam yaa Wẽnnaam Sẽn-Tõe-Fãa! Bɩ f tũ maam ne burkĩndi.

Sɩngrẽ 18:1

Sẽn-Ka-Saab puka b meng ne a Abrahaam Mamre tɩɩsã zĩigẽ, wakat ning yẽnda sẽn wa n zĩ a fu-roogã noor tʋʋlg wakatã.

Sɩngrẽ 26:2

La Sẽn-Ka-Saab puka a meng ne a Izak n yeel-a yaa: «Ra kẽng Ezɩpt ye, pa tẽng ning mam sẽn na n wilg foomã pʋga.

Sɩngrẽ 28:13

La mikame tɩ Sẽn-Ka-Saab rag n yasa raodgã zugẽ n yetẽ yaa: «Mam yaa Sẽn-Ka-Saabo, n yaa fo yaab a Abrahaam Wẽnnaam, la a Izak Wẽnnaam. Fo sẽn gãe tẽng ning zugã, mam na n kõ-a-la foom ne f yagensã tɩ y sooge.

Sɩngrẽ 48:15

A Zakoob ninga a Zozɛf zug bark n yeele: «Bɩ Wẽnnaam ning mam yaab a Abrahaam ne m ba a Izak sẽn dag n tũudã, soab ning sẽn yɩ-a mam pe-kɩɩm hal m dogmã daar n tãag rũndã wã,

Sɩngrẽ 48:3

A Zakoob yeela a Zozɛf yaa: «Pãng-Soab a Wẽnnaam vẽnega b meng ne maam Luuzi, Kana tẽnga pʋga, la b ninga maam barka.

1 Rĩm-dãmbã 18:36

Maoongã maaneg wakat sẽn ta, Sẽn-Ka-Saab no-rɛɛs a Eli kolgame n yeele: «Sẽn-Ka-Saabo, yãmb yaa a Abrahaam ne a Izak la a Israyɛll Wẽnnaam, bɩ y kɩt tɩ b bãng rũndã tɩ yaa yãmb la Israyɛll nebã Wẽnnaam, la mam yaa yãmb tʋmtʋmda. La y kɩt tɩ b bãng tɩ bũmb nins fãa mam sẽn maandã, yaa yãmb n yeel maam tɩ m maane.

2 Kibayã 20:20

La vẽkembeoog yibeoog pĩnda, nebã yikame n yi n na n kẽng Tekoa we-raoogẽ wã. Bãmb sẽn wa n loogdẽ wã, a Zozafat yeel-b lame: «Zʋʋda ne Zeruzalɛm nebã, kelg-y maam, teeg-y Sẽn-Ka-Saabo, la bãmb na n tebenda yãmba, kɩs-y b no-rɛɛsdbã sɩda, la yãmb na n tõogame!»

Yikri 19:9

Dẽ, Sẽn-Ka-Saab yeela a Moyiis yaa: «Ade, mam na n waa fo nengẽ sawad-taok pʋgẽ, tɩ nebã tõe n wʋm mam sẽn wat n gomd ne foomã, n tẽ foom wakat sẽn ka sɛt yĩnga.» La a Moyiis rɩka nebã goamã n taas Sẽn-Ka-Saabo.

Yikri 3:15

Wẽnnaam leb n yeela a Moyiis t'a tɩ yeel Israyɛll nebã yaa: «Sẽn-Ka-Saab sẽn yaa yãmb yaab-rãmbã Wẽnnaam, n yaa a Abrahaam ne a Izak la a Zakoob Wẽnnaamã n tʋm maam yãmb nengẽ.» Yõwã na n yɩɩ mam yʋʋr wakat fãa. Nebã na n boonda maam ne yʋ-kãng zamaan woo zamaane.

Yikri 3:16

Kẽng n tɩ tigs Israyɛll nebã kãsem-dãmbã n yeel-b yaa: «Sẽn-Ka-Saab sẽn yaa yãmb yaab-rãmbã Wẽnnaamã puka b meng ne maam. Bãmb yaa a Abrahaam ne a Izak la a Zakoob Wẽnnaam. Bãmb yeela maam yaa: «Mam waame n na n sõng yãmba, b sẽn maand yãmb bũmb ning Ezɩpt tẽngã yĩnga.

Yikri 3:18

Dẽ, bãmb na n kelga fo koɛɛgã. Bɩ foom ne Israyɛll kãsem-dãmbã kẽng Ezɩpt rĩmã nengẽ n tɩ yeel yẽnda yaa: Sẽn-Ka-Saab sẽn yaa Ebre nebã Wẽnnaamã waa tõnd nengẽ. Dẽ, tõnd kota yãmb sor moasã n kẽng rasem a tãab kẽnd we-raoogã pʋgẽ n tɩ maan maoong Sẽn-Ka-Saab sẽn yaa tõnd Wẽnnaamã yĩnga.

Yikri 3:4

La Sẽn-Ka-Saab sẽn yãnd tɩ yẽnda bʋdgame n na n gese, bãmb koɛɛgã yii tuugã sʋk n yeele: «Moyiisi! Moyiisi!» La yẽnda sakame n yeele: «Ad maam!»

Yikri 3:6

Bãmb leb n yeelame: «Mam yaa fo ba wã Wẽnnaam, n yaa a Abrahaam ne a Izak la a Zakoob Wẽnnaam.» La a Moyiis luda a nenga, bala, yẽnda rag n zoeta rabeem n ka rat n ges Wẽnnaam ye.

Yikri 4:1

A Moyiis yeelame: «Israyɛll nebã ka na n tẽ maam, la b ka na n kelg maam ye. Bãmb na n yeelame tɩ Sẽn-Ka-Saab ka vẽneg b meng ne maam ye.»

Yikri 4:31

La nebã tẽeme. Bãmb sẽn wʋm tɩ Sẽn-Ka-Saab wa n na n sõnga Israyɛll nebã, tɩ la b yãnda bãmb namsgã, Israyɛll nebã sulga b zut n wõgemd tẽnga.

Yikri 4:4

La Sẽn-Ka-Saab yeela a Moyiis yaa: «Tẽeg f nug n gãd waafã zʋʋre.» A Moyiis tẽega a nug n gãd waafã, la a leb n lebga dasaar yẽnda nugẽ wã.

A Ezayi 7:9

Efrayiim na-tẽng yaa Samaari, la a Remaliya biigã n yaa Samaari tẽngã zug-soaba. Yãmb sã n ka tall tẽebo, yãmb ka na n tõog n yals ye!»

Zeremi 31:3

Sẽn-Ka-Saab zĩnda yɩɩg n puk b meng ne maam n yeele: ‹Mam nonga foom ne nonglem sẽn ka sɛta. Rẽ kɩtame tɩ mam na n nong foom n ka basdẽ ye.

A Zã Sõng 11:15

La mam sũur yaa noog m sẽn ka zĩnd be wã yĩnga, tɩ yãmb tõe n tẽ. Wa-y tɩ d kẽng a nengẽ.

A Zã Sõng 11:42

Mam yẽ miime tɩ yãmb leokda mam kosg wakat fãa, la yaa neb kʋʋngã sẽn be ka wã yĩng la mam sẽn gomdã, tɩ b na tẽ tɩ yaa yãmb n tʋm maam.»

A Zã Sõng 20:27

La b yeela a Toma yaa: «Tẽeg f nug-bilã ka. Ges mam nusã. Tẽeg f nugã n tʋm mam lʋgrẽ wã me, la f tẽ n da yɩ ka-tẽeb soab ye.»

A Zã Sõng 20:31

La bãmbã sẽn gʋlsã, yaa tɩ yãmb na tẽ t'a Zeezi yaa Kirisi, Wẽnnaam Bi-ribla, la tɩ yãmb na paam vɩɩm bãmb yʋʋrã yĩnga, yãmb sẽn tẽ wã yĩnga.

A Zã Sõng 5:36

La maam, mam tara kaset sẽn yɩɩd a Zã rẽndã. Bala, tʋʋm nins m ba sẽn kõ maam tɩ m maana, tʋʋm-kãens meng mam sẽn maandã n kɩt mam kaseto, n wilgdẽ tɩ m ba n tʋm maam.

Tʋʋma 7:2

A Etɛn leokame n yeel yaa: M ba-bi‑raop la m ba-rãmba, kelg-y-yã. Tõnd yaab a Abrahaam sẽn dag n be Mezopotami n nan ka kẽng Kaarã nandã, Wẽnnaam sẽn tar ziirã vẽnega b meng ne bãmba.

Ebre rãmba 11:16

La sɩd-sɩdã, b rat n paama ba-yir sẽn yaa sõama n yɩɩd pĩnd soabã, sẽn be yĩngri. Dẽnda n kɩt tɩ yãnd ka tar Wẽnnaam, nebã sã n yet tɩ Wẽnnaam yaa bãmb Wẽnnaam ye. Bala, Wẽnnaam segla tẽng b yĩnga.