Yikri 4:31 - WẼNNAAM SEBRE 2014

³¹ La nebã tẽeme. Bãmb sẽn wʋm tɩ Sẽn-Ka-Saab wa n na n sõnga Israyɛll nebã, tɩ la b yãnda bãmb namsgã, Israyɛll nebã sulga b zut n wõgemd tẽnga.

SEBR SÕNGO

³¹ B deegame tɩ Wẽnd bee ne-ba, tɩ b yãenda b nimbãanega la b watame n na n fãag-ba. Woto b wõgemda tẽnga n waoog Soaalã.

Yikri 4:31 Iomraidhean Croise

Sɩngrẽ 17:3

La a Abram lʋɩɩme n fõgen a neng tẽnga. La Wẽnnaam yeela yẽnda yaa:

Sɩngrẽ 24:26

Woto, raoã wõgemdame n fõgen a neng tẽng Sẽn-Ka-Saab taoore.

Sɩngrẽ 29:32

A Leya rɩka pʋg n dog bi-ribla, n pʋd a yʋʋr t'a Rubɛn. Bala, yẽnda rag n yetame: «Sẽn-Ka-Saab yãnda mam namsgã, la moasã, mam sɩdã na n nonga maam.»

Sɩngrẽ 50:24

A Zozɛf yeela a kẽem-dãmbã yaa: «Mam na n wa n kiime! La Wẽnnaam na n wa yiisa yãmb tẽn-kãngã, la yaa bũmb sẽn na n pidsi, la b na n tall-y lame n kẽng tẽng ning bãmb sẽn dag n wẽen n yeel tɩ b na n kõ a Abrahaam ne a Izak la a Zakoobã.»

1 Kibayã 29:20

A Davɩɩd yeela zãma wã fãa yaa: «M kot-y lame tɩ y pẽg-y Sẽn-Ka-Saab sẽn yaa yãmb Wẽnnaamã!» Dẽ, nebã fãa pẽga Sẽn-Ka-Saab sẽn yaa b yaab-rãmbã Wẽnnaamã. Bãmb wõgemda Sẽn-Ka-Saab taoore, la rĩmã taoore.

2 Kibayã 20:18

A Zozafat sẽn wʋm woto, a wõgemdame n fõgen a neng tẽng Sẽn-Ka-Saab taoore, la Zʋʋda ne Zeruzalɛm nebã fãa me wõgemdame n fõgen b nens tẽng Sẽn-Ka-Saab taoore.

2 Kibayã 32:8

Yẽnda teega ninsaalb pãnga, la tõnd teega Sẽn-Ka-Saab sẽn yaa tõnd Wẽnnaamã. Bãmb n na n zab sõng tõndo!» Kʋʋngã sẽn wʋm Zʋʋda rĩm a Ezekɩyaas goamã, b paama raoodo.

2 Kibayã 7:3

Israyɛll nebã fãa yãnda Sẽn-Ka-Saab bugmã ne b ziirã sẽn sigd b roogã zugu, dẽ bãmb fãa yĩgimdame n wõgemde, n fõgen b nens tẽng zĩig ning b sẽn gãneg kug-peesdsã zug n waoog Sẽn-Ka-Saabo. Bala, Sẽn-Ka-Saab yaa sõama, la bãmb nonglmã paada wakat fãa.

A Neemi 8:6

La a Ɛsdraas pʋʋsa Sẽn-Ka-Saab sẽn yaa Wẽnnaam-kãsengã barka, la nebã fãa zẽka b nus n yeel tɩ Ãmina! Ãmina! La bãmb zõondame n wõgemd Sẽn-Ka-Saab taoor n fõgen b nens tẽnga.

A. Zoobe 1:20

Dẽ, a Zoob yikame n pãrs a fuugu, la a põng a zugu, n lʋɩ tẽng n yĩgimdi,

Yikri 12:27

bɩ y yeel-b yaa: Yaa Pak tigrã maoong tõnd sẽn maand n kõt Sẽn-Ka-Saabo, b sẽn zʋʋg n bas Israyɛll nebã rot Ezɩpt tẽngã yĩnga. Bãmb sẽn sɩbg Ezɩpt tẽngã ne toogã, b basa tõnd zagsã n ka maan-b bũmb ye.» Nebã sulgame n wõgemde.

Yikri 14:31

Israyɛll nebã yãnda Sẽn-Ka-Saab sẽn zab ne Ezɩpt nebã ne pãn-kãseng ningã. La nebã zoee Sẽn-Ka-Saabo, la bãmb tẽe Sẽn-Ka-Saab ne b tʋmtʋmd a Moyiisi.

Yikri 19:8

La nebã fãa lagma taab n yeele: «Tõnd na n maana bũmb nins fãa Sẽn-Ka-Saab sẽn yeelã.» La a Moyiis rɩka nebã goamã n taas Sẽn-Ka-Saabo.

Yikri 19:9

Dẽ, Sẽn-Ka-Saab yeela a Moyiis yaa: «Ade, mam na n waa fo nengẽ sawad-taok pʋgẽ, tɩ nebã tõe n wʋm mam sẽn wat n gomd ne foomã, n tẽ foom wakat sẽn ka sɛt yĩnga.» La a Moyiis rɩka nebã goamã n taas Sẽn-Ka-Saabo.

Yikri 2:25

Wẽnnaam gesa Israyɛll nebã, la Wẽnnaam bãnga b namsgã.

Yikri 3:16

Kẽng n tɩ tigs Israyɛll nebã kãsem-dãmbã n yeel-b yaa: «Sẽn-Ka-Saab sẽn yaa yãmb yaab-rãmbã Wẽnnaamã puka b meng ne maam. Bãmb yaa a Abrahaam ne a Izak la a Zakoob Wẽnnaam. Bãmb yeela maam yaa: «Mam waame n na n sõng yãmba, b sẽn maand yãmb bũmb ning Ezɩpt tẽngã yĩnga.

Yikri 3:18

Dẽ, bãmb na n kelga fo koɛɛgã. Bɩ foom ne Israyɛll kãsem-dãmbã kẽng Ezɩpt rĩmã nengẽ n tɩ yeel yẽnda yaa: Sẽn-Ka-Saab sẽn yaa Ebre nebã Wẽnnaamã waa tõnd nengẽ. Dẽ, tõnd kota yãmb sor moasã n kẽng rasem a tãab kẽnd we-raoogã pʋgẽ n tɩ maan maoong Sẽn-Ka-Saab sẽn yaa tõnd Wẽnnaamã yĩnga.

Yikri 3:7

Sẽn-Ka-Saab yeelame yaa: «Sɩdã, mam yãnda m nebã sẽn be Ezɩptã namsgã. Mam wʋma bãmb kelemsã, tʋʋm-soaadbã sẽn namsd bãmb tɩ b kelemdẽ wã. N-yẽe! Mam mii toog ning sẽn tar bãmbã.

Yikri 33:10

Nebã fãa rag n nee sawad-taokã sẽn sigd n yals sɛk roogã rignoorẽ wã. Dẽ, bãmb yikdame, tɩ ned kam fãa wõgemd a fu-roog noore.

Yikri 34:8

Dẽ, tao-tao bala, a Moyiis sulgame hal n tãag tẽng n wõgemde.

Yikri 4:5

Wẽnnaam yeelame: «Woto yaa sẽn na n yɩlẽ tɩ nebã tẽ tɩ Sẽn-Ka-Saab sẽn yaa bãmb yaab-rãmbã Wẽnnaam, n yaa a Abrahaam ne a Izak la a Zakoob Wẽnnaamã n vẽneg b meng ne foom.»

Sofoni 2:7

Soolem-kãng na n lebga Zʋʋda roogã bu-kellã rẽnda. Bãmb na n tɩ wãbna b rũmsã beenẽ, la zaabre, bãmb na n tɩ gãanda Askalon rotã pʋse. Bala, Sẽn-Ka-Saab sẽn yaa bãmb Wẽnnaamã na n wa n sõnga bãmb n lebs n maneg b yellã.»

A Luk Sõng 1:68

Pẽgr Zu-soabã sẽn yaa Israyɛll nebã Wẽnnaam, bãmb sẽn wa n ges b nebã n fãag-bã yĩnga,

A Luk Sõng 8:13

Sẽn be-b kugrã zugã yaa neb nins sẽn wʋmd koɛɛgã n deegd-a ne sũ-noogã. La b ka tar yẽgen ye. Bãmb tẽeda wakat bilf bala, la makr wakate, bãmb basda tẽebã.

A Ruti 1:6

A Naoomi ne a bi-pagbã zĩnda Moaab tẽngã n wʋm tɩ Zu-soabã maana b nebã neer n kõ-b rɩɩbo, dẽ, bãmb yikame n yi be n dɩk sor n na n lebg n leb Zʋʋda.