Yikri 4:21 - WẼNNAAM SEBRE 2014

²¹ Sẽn-Ka-Saab yeela a Moyiis yaa: «Moasã, fo sẽn lebg n lebd Ezɩptã, ges mam sẽn ning bõn-bãn nins fãa fo nugẽ wã, n maan-b Faarõ taoore. Mam na n kɩtame tɩ Faarõ keng a sũurã n ka sak n kõ nebã sor tɩ b loog ye.

SEBR SÕNGO

²¹ La Soaala le yeel-a lame: «Fo sẽn lebd Ezipt tẽngã bɩ f sak n maan bõn-bãna dĩma taoore. M kõ-f-la tõog rẽ yĩnga. M na n gesame n kidb a sũuri, la a ka na n bas m neba tɩ b loog ye.

Yikri 4:21 Iomraidhean Croise

Sɩngrẽ 6:3

Dẽ, Sẽn-Ka-Saab yeelame: «Mam sɩɩgã ka na n kell n pa ninsaal pʋgẽ wakat sẽn kõn sa yĩng ye. Bala, ninsaal yaa yĩng bala. Dẽ, yẽnda yʋʋmã na n yɩɩ koabg la pisi.»

1 Rĩm-dãmbã 22:22

Sɩɩgã leokame: «Mam na n kẽngame n tɩ kɩt tɩ no-rɛɛsdb nins sẽn be ne yẽnda wã togs-a zĩrẽ.» Dẽ, Sẽn-Ka-Saab yeelame: «Fo sã n sɩd maan a woto, fo na n belg-a lame n tõoge. Dẽ wã, bɩ f kẽng n tɩ maan a woto!»

Yɩɩn‑sõamyã 105:25

Sẽn-Ka-Saab wẽnemda Ezɩpt nebã sũyã, n kɩt tɩ b kisg Israyɛll sẽn yaa bãmb nebã, n maan bãmb tʋmtʋmdbã zãmbo.

Yɩɩn‑sõamyã 78:43

La b yĩma bãn nins Wẽnnaam sẽn maan Ezɩptã yelle, la b ka tẽr bõn-bãn nins Wẽnnaam sẽn maan Sowan tẽngã ye.

Yikri 10:1

Sẽn-Ka-Saab yeela a Moyiis yaa: «Kẽng Faarõ nengẽ, bala, yaa maam n kɩt tɩ yẽnda ne a tʋmtʋmdbã sũy kenge, sẽn na n yɩlẽ tɩ mam bõn-yɛɛsdsã puk bãmb sʋka.

Yikri 10:20

Sẽn-Ka-Saab kɩtame tɩ Faarõ keng a sũuri, n ka sak n bas Israyɛll nebã tɩ b loog ye.

Yikri 10:27

Sẽn-Ka-Saab kɩtame tɩ Faarõ keng a sũuri, n ka sak n bas bãmb tɩ b loog ye.

Yikri 11:10

A Moyiis ne a Aarõ rag n maana bõn-yɛɛsds-kãens fãa Faarõ taoore. Sẽn-Ka-Saab kɩtame tɩ Faarõ keng a sũuri, n ka sak n bas Israyɛll nebã tɩ b yi a tẽngẽ wã n loog ye.

Yikri 11:9

Sẽn-Ka-Saab yeela a Moyiis yaa: «Faarõ ka na n kelg yãmb goamã ye. La yaa sẽn na n yɩlẽ tɩ mam leb n maan bõn-yɛɛsds a taab n yɩlem Ezɩpt tẽngã pʋga.»

Yikri 14:17

La sã n yaa ne maam, mam na n kɩtame tɩ Ezɩpt nebã keng b sũyã n pʋgl Israyɛll nebã poore. La mam na n paama waoogr Faarõ ne a tãb-bi-kʋʋngã, la a saar-dãmbã ne a wed-rʋʋdbã fãa yĩnga.

Yikri 14:4

Mam na n kenga Faarõ sũuri, t'a yik n pʋgl yãmba. Mam na n paama waoogr Faarõ ne a tãb-biisã fãa yĩnga, la Ezɩpt nebã na n bãngame tɩ mam yaa Sẽn-Ka-Saabo.» Dẽ, Israyɛll nebã maana a woto.

Yikri 14:8

La Sẽn-Ka-Saab kɩtame tɩ Faarõ sẽn yaa Ezɩpt rĩmã sũur keng t'a yik n babs Israyɛll nebã. La Israyɛll nebã yaool n dag n yii ne lohorem.

Yikri 3:19

Mam mii hakɩɩk tɩ sã n ka tũ ne nug sẽn tar pãnga, Ezɩpt rĩmã ka na n sak n bas yãmb tɩ y loog ye.

Yikri 3:20

La mam na n tẽega m nug n wẽ Ezɩpt ne bõn-bãn nins fãa mam sẽn na n maan bãmb sʋkã. Dẽ poore, a na n basa yãmb tɩ y looge.

Yikri 7:13

Dẽ, Faarõ sũurã riglmame, la wa Sẽn-Ka-Saab sẽn dag n yeelã, yẽnda ka kelg a Moyiis ne a Aarõ koɛɛgã ye.

Yikri 7:3

La maam, mam na n kɩtame tɩ Faarõ keng a sũuri, la Ezɩpt soolmã pʋgẽ, mam na n maana bãn ne bõn-bãn n yɩlme.

Yikri 8:11

Faarõ sẽn yãnd tɩ yolsg waame, a kenga a sũur n ka kelg a Moyiis ne a Aarõ, wa Sẽn-Ka-Saab sẽn dag n yeelã ye.

Yikri 8:15

La tɩtã-rãmb yeela Faarõ yaa: «Bõn-kãngã yaa Wẽnnaam nug n maane!» La a yɩɩ wa Sẽn-Ka-Saab sẽn yeelã. Faarõ kenga a sũur n ka kelg bãmb ye.

Yikri 9:12

Sẽn-Ka-Saab kɩtame tɩ rĩmã sũur kenge. La rĩmã ka kelg bãmb ye. Yɩɩ wa Sẽn-Ka-Saab sẽn dag n yeel a Moyiisã.

Yikri 9:35

Faarõ kenga a sũurã n ka sak n bas Israyɛll nebã tɩ b looge, wa Sẽn-Ka-Saab sẽn dag n yeel a Moyiisã.

A Ezayi 6:10

Riglim nin-bãmbã sũyã, n kɩt tɩ b yɩ tʋb-pa-wʋmdba, n kɩt tɩ b ninã mume, tɩ b ninã ra leb n yãnd ye, tɩ b tʋbã ra tõog n wʋm me ye, tɩ b ra wa tõog n wʋm a võor ye. Maan a woto tɩ b ra wa tek yam n paam maagr ye.»

A Ezayi 63:17

Sẽn-Ka-Saabo, bõe yĩng tɩ yãmb bas tõnd tɩ d yeebd n zãag ne yãmb soayã? Bõe yĩng tɩ yãmb kɩt tɩ tõnd yaa tõatb n ka leb n zoet yãmba? Bɩ y lebg n wa tõnd sẽn yaa yãmb tʋmtʋmdbã yĩnga, lebg-y n wa-y buud ning sẽn yaa yãmb dẽndã yĩnga!

A Zã Sõng 12:40

«Wẽnnaam luda b ninã, la b keng b sũyã, tɩ b ra wa n yãnd ne b ninã, tɩ b ra tags n wʋm a võore, la tɩ b da wa n tek yam, tɩ mam maag-b ye.»

Rom Dãmba 1:28

Bãmb sẽn ka tags tɩ yaa sõama tɩ bãng Wẽnnaamã, Wẽnnaam basame tɩ b tũud b tagsdã sẽn yaa wẽnsã, tɩ b maand bũmb sẽn ka zems ye.

Rom Dãmba 9:18

Woto, bãmb zoeta ned ning b sẽn dat n zoe a nimbãanegã nimbãanega, la bãmb sẽn dat t'a soab sũur yɩ kɛgenga, b kengda a soabã sũurã.

2 Korẽnt rãmba 2:16

Ne neb kẽere, tõnd yaa kũum yũug sẽn wat ne kũum, la ne neb a taaba, tõnd yaa vɩɩm yũug sẽn wat ne vɩɩm. Ãnda n tar pãng n tõe n maan bõn-kãensã?

Yaoolem 2:36

Sẽn sɩng ne Arowɛɛr sẽn be Arno ko-soogã noorã, ne tẽng ning sẽn be ko-soogẽ wã, hal n tãag Galaade, la tẽng ka zĩnd sẽn tar pãng tɩ tõnd ka tõog n deeg-a ye: Sẽn-Ka-Saab sẽn yaa tõnd Wẽnnaamã rɩka bãmb fãa n kõ tõndo.

Zozuwe 11:20

Bala, yaa Sẽn-Ka-Saab n kɩt tɩ b riglim b sũyã n na n zab ne Israyɛlle, sẽn na n yɩlẽ tɩ Israyɛll nebã sãam-b zãng n ka zoe b nimbãanega, n menes-b wa Sẽn-Ka-Saab sẽn dag n yeel a Moyiisã.

1 Pɩyɛɛr 2:8

Bãmb lakda kug-kãngã, b sẽn ka sakd Wẽnnaam goamã yĩnga. La Wẽnnaam dag n pĩnd n miime tɩ na n yɩɩ a woto ne-ba.